Aana Vs Indrani: ಭಾರತದ ಮೊದಲ ಸೂಪರ್ ವುಮನ್ ಸಿನಿಮಾ 'ಇಂದ್ರಾಣಿ': ಕನ್ನಡದ 'ಆನ' ಕಥೆಯೇನು?

ಸೂಪರ್‌ವುಮನ್ 'ಇಂದ್ರಾಣಿ' ಯಾರು?

ಇತ್ತೀಚೆಗೆ ಹೈದರಾಬಾದ್‌ನಲ್ಲಿ ಟಾಲಿವುಡ್ ಸಿನಿಮಾ 'ಇಂದ್ರಾಣಿ' ಸೆಟ್ಟೇರಿದೆ. ಇದು ಭಾರತದ ಮೊದಲ ಸೂಪರ್ ವುಮನ್ ಸಿನಿಮಾ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಈಗಾಗಲೇ ಈ ಸಿನಿಮಾದ ಮೋಷನ್ ಪೋಸ್ಟರ್‌ ಕೂಡ ರಿಲೀಸ್ ಆಗಿದೆ. ಈ ಸಿನಿಮಾ ಮೋಷನ್ ಪೋಸ್ಟರ್ ವೈರಲ್ ಆಗುತ್ತಿದೆ. 'ಇಂದ್ರಾಣಿ'ಗೆ ಸೂಪರ್‌ವುಮನ್ ಲುಕ್ ಕೊಟ್ಟಿದ್ದೇನೋ ಚೆನ್ನಾಗಿದೆ. ಆದರೆ, ಇದು ಭಾರತದ ಮೊದಲ ಸೂಪರ್‌ವುಮನ್ ಸಿನಿಮಾನಾ? ಅನ್ನುವ ಅನುಮಾನ ಕಾಣುತ್ತಿದೆ.

'ಆನ' ಭಾರತದ ಸೂಪರ್‌ವುಮನ್ ಅಲ್ವಾ?

ಕನ್ನಡದಲ್ಲಿ ಕೆಲವೇ ದಿನಗಳ ಹಿಂದೆ 'ಆನ' ಎನ್ನುವ ಸಿನಿಮಾ ಬಂದಿದೆ. ಈ ಸಿನಿಮಾ ಅದಿತಿ ಪ್ರಭುದೇವ ನಟಿಸಿದ್ದರು. ಈ ಸಿನಿಮಾ ಬಿಡುಗಡೆಯಾಗುವಾಗಲೇ ಇದು ಭಾರತದ ಮೊದಲ ಸೂಪರ್‌ ವುಮನ್ ಸಿನಿಮಾ ಎಂದು ಹೇಳಲಾಗಿತ್ತು. ಅದಿತಿ ಪ್ರಭುದೇವ ಈ ಸಿನಿಮಾದಲ್ಲಿ ಸೂಪರ್‌ ವುಮನ್ ಆಗಿ ಕಾಣಿಸಿಕೊಂಡಿದ್ದರು. ಈಗ ಟಾಲಿವುಡ್‌ನ 'ಇಂದ್ರಾಣಿ' ಚಿತ್ರತಂಡ ಕೂಡ ಇದು ಭಾರತದ ಮೊದಲ ಸೂಪರ್‌ ವುಮನ್ ಸಿನಿಮಾ ಎನ್ನುತ್ತಿದ್ದರೆ.

'ಇಂದ್ರಾಣಿ' ಟಾಲಿವುಡ್‌ನ VFX ಸಿನಿಮಾ

ಸೂಪರ್ ವುಮನ್ 'ಇಂದ್ರಾಣಿ' ಪಾತ್ರದಲ್ಲಿ ಯಾನಿಯಾ ಭಾರದ್ವಾಜ್ ಕಾಣಿಸಿಕೊಳ್ಳುತ್ತಿದ್ದಾರೆ. ಎರಡೂವರೆ ವರ್ಷ ಈ ಸಿನಿಮಾಗಾಗಿ ರಿಹರ್ಸಲ್ ಮಾಡಲಾಗಿದೆ. ಸ್ಕ್ರಿಪ್ಟ್ ಹಾಗೂ ಸ್ಕ್ರೀನ್ ಪ್ಲೇ ಎರಡನ್ನೂ ಪ್ಲ್ಯಾನ್ ಮಾಡಿ ಮಾಡುತ್ತಿದ್ದಾರೆ. ಸಿನಿಮಾ ಪ್ರತಿಯೊಂದು ಸೀನ್‌ನಲ್ಲೂ VFX ವರ್ಕ್ ಅನ್ನು ಹೇಗೆ ಮಾಡಬೇಕು ಎಂಬುದನ್ನು ಅಭ್ಯಾಸ ಮಾಡಲಾಗಿದೆ. ಈ ಕಾರಣಕ್ಕೆ 'ಇಂದ್ರಾಣಿ' ಮೇಲೆ ನಿರೀಕ್ಷೆ ಹೆಚ್ಚಾಗಿದ್ದು ನಿನ್ನೆ (ಮಾರ್ಚ್ 28) ಸೆಟ್ಟೇರಿದೆ.

ಎಲ್ಲಾ ಭಾಷೆಯಲ್ಲೂ 'ಇಂದ್ರಾಣಿ' ಸಿನಿಮಾ

ಸೂಪರ್‌ವುಮನ್ ಸಿನಿಮಾ 'ಇಂದ್ರಾಣಿ' ಎಲ್ಲಾ ಭಾಷೆಯಲ್ಲೂ ಬಿಡುಗಡೆಯಾಗುತ್ತಿದೆ. ಇದೊಂದು 'ವರ್ಚುವಲ್ ವಂಡರ್' ಸಿನಿಮಾ ಎಂದು ಚಿತ್ರತಂಡ ಹೇಳಿಕೊಂಡಿದೆ. ಆದರೆ, ಗೊಂದಲ ಏನಪ್ಪಾ ಅಂದರೆ, ಇಂದ್ರಾಣಿ ಸಿನಿಮಾ ಭಾರತದ ಮೊಟ್ಟ ಮೊದಲ ಸೂಪರ್‌ವುಮನ್ ಸಿನಿಮಾ ಹೇಗಾಗುತ್ತೆ? ಕನ್ನಡದ 'ಆನ' ಸಿನಿಮಾದ ಕತೆಯೇನು? ಈ ಸಿನಿಮಾಗೆ 'ಆನ' ತಂಡ ಏನು ಹೇಳುತ್ತೆ ಅನ್ನುವುದನ್ನು ಕಾದು ನೋಡಬೇಕಿದೆ.