ಯಂಗ್ ಟೈಗರ್ ಜೂ.ಎನ್‌ಟಿಆರ್ ಭೇಟಿ ಮಾಡಿದ ಟೀಂ ಇಂಡಿಯಾ ಆಟಗಾರರು: ಹಿನ್ನೆಲೆ ಏನು?

ಜೂ.ಎನ್‌ಟಿಆರ್ ಭೇಟಿಯಾದ ಟೀಂ ಇಂಡಿಯಾ ಕ್ರಿಕೆಟಿಗರು

ಟೀಂ ಇಂಡಿಯಾ ಆಟಗಾರರು ಟಾಲಿವುಡ್‌ನ ಫ್ಯಾನ್ ಇಂಡಿಯಾ ಸ್ಟಾರ್ ಜೂ.ಎನ್‌ಟಿಆರ್ ಅವರನ್ನು ಭೇಟಿ ಮಾಡಿದ್ದಾರೆ. ನ್ಯೂಜಿಲ್ಯಾಂಡ್ ವಿರುದ್ಧದ ಪಂದ್ಯ ಇರುವಾಗಲೇ ಯಂಗ್ ಟೈಗರ್ ಅನ್ನು ಭೇಟಿ ಮಾಡಿರುವ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಟೀಂ ಇಂಡಿಯಾದ ಪ್ರಮುಖ ಆಟಗಾರರು ಜೂ.ಎನ್‌ಟಿಆರ್ ಜೊತೆ ಕ್ಯಾಮರಾಗೆ ಫೋಸ್‌ ಕೊಟ್ಟಿರೋದು ಫ್ಯಾನ್ಸ್‌ಗೆ ಕಿಕ್ ಕೊಟ್ಟಿದೆ.

ಜೂಎನ್‌ಟಿಆರ್‌ ಭೇಟಿಯಾಗಿದ್ಯಾರು?

ಜೂ.ಎನ್‌ಟಿಆರ್ ಜೊತೆ ಕಾಣಿಸಿಕೊಂಡ ಟೀಂ ಇಂಡಿಯಾದ ಕ್ರಿಕೆಟ್ ಆಟಗಾರರ ಪಟ್ಟಿ ದೊಡ್ಡದಿದೆ. ಯಜ್ವೆಂದ್ರ ಚಹಲ್, ಶುಭ್ಮನ್ ಗಿಲ್,ಸುಕುಮಾರ್ ಯಾದವ್, ಇಶಾನ್ ಕಿಶನ್, ಶಾರ್ದೂಲ್ ಠಾಕೂರ್ ಸೇರಿದಂತೆ ಒಟ್ಟು 5 ಮಂದಿ ಕ್ರಿಕೆಟಿಗರು ಟಾಲಿವುಡ್ ಯಂಗ್ ಟೈಗರ್ ಅನ್ನು ಭೇಟಿ ಮಾಡಿದ್ದಾರೆ. ನ್ಯೂಜಿಲ್ಯಾಂಡ್ ಜೊತೆಗಿನ ಮೊದಲ ಏಕದಿನ ಪಂದ್ಯಕ್ಕೆ ಇನ್ನೂ ಎರಡು ದಿನ (ಜನವರಿ 16) ಇರುವಾಗಲೇ RRR ನಟನನ್ನು ಭೇಟಿ ಮಾಡಿ ಫೋಟೊ ಕ್ಲಿಕ್ಕಿಸಿಕೊಂಡಿದ್ದಾರೆ.

ಪ್ರಶಸ್ತಿ ಗೆದ್ದ ಬಳಿಕ ಭೇಟಿ

ಸೋಶಿಯಲ್ ಮೀಡಿಯಾಗಳಲ್ಲಿಈ ಫೋಟೊಗಳು ವೈರಲ್ ಆಗುತ್ತಿದೆ. ಹೈದರಾಬಾದ್‌ನಲ್ಲಿ ಭೇಟಿಯಾಗಿದ್ದರೂ, ಎಲ್ಲಿ? ಯಾವಾಗ ಅನ್ನೋ ಸುಳಿವು ಇಲ್ಲ. ಕೇವಲ ಫೋಟೊಗಷ್ಟೇ ವೈರಲ್ ಆಗುತ್ತಿವೆ. ಜೂ.ಎನ್‌ಟಿಆರ್ ಸಿನಿಮಾ ಗೋಲ್ಡನ್ ಗ್ಲೋಬ್ ಪ್ರಶಸ್ತಿಯನ್ನು ಗೆಲ್ಲುತ್ತಿದ್ದಂತೆ ವಿಶ್ವ ಮಟ್ಟದಲ್ಲಿ ಪರಿಚಿತರಾಗಿದ್ದಾರೆ. ಹೈದರಾಬಾದ್‌ನಲ್ಲಿಯೇ ಮ್ಯಾಚ್ ನಡೆಯುತ್ತಿರುವ ಬಿಡುವಿನ ವೇಳೆಯಲ್ಲಿ ಯಂಗ್ ಟೈಗರ್ ಅನ್ನು ಭೇಟಿ ಮಾಡಿದ್ದಾರೆ.

NTR 30 ಯಾವಾಗ?

RRR ಸಿನಿಮಾ ಯಶಸ್ಸಿನ ಬಳಿಕ ಜೂ.ಎನ್‌ಟಿಆರ್ ಹೊಸ ಸಿನಿಮಾ ಅನೌನ್ಸ್ ಆಗಿದೆ. ಕೊರಟಾಲ ಶಿವ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಸದ್ಯ ಇನ್ನೂ ಈ ಸಿನಿಮಾ ಪ್ರಿ ಪ್ರೊಡಕ್ಷನ್ ಹಂತದಲ್ಲೇ ಇದೆ. ಆದರೆ, ಯಾವಾಗ ಶುರುವಾಗುತ್ತೆ? ಸಿನಿಮಾ ಕತೆಯೇನು ಅನ್ನೋದು ಮಾತ್ರ ಇನ್ನೂ ಸುಳಿವು ಸಿಕ್ಕಿಲ್ಲ. ಸಿನಿಮಾ ಯಾವಾಗ ಶುರುವಾಗುತ್ತೆ ಅನ್ನೋದು ಕೂಡ ಗೊತ್ತಿಲ್ಲ. ಹೀಗಾಗಿ ಜೂ.ಎನ್‌ಟಿಆರ್ ಫ್ಯಾನ್ಸ್ ಹೊಸ ಸಿನಿಮಾಗಾಗಿ ಎದುರು ನೋಡುತ್ತಿದ್ದಾರೆ