ರಾಮ್ ಚರಣ್‌ಗೆ ಬರ್ಥಡೇ ಗಿಫ್ಟ್ ನೀಡುತ್ತೇನೆಂದು ಕೊಟ್ಟ ಮಾತು ತಪ್ಪಿದ ಎನ್‌ಟಿಆರ್

ಡಿಜಿಟಲ್ ಸರ್ಪ್ರೈಸ್ ನೀಡುತ್ತೇನೆ

'ಸಹೋದರ ರಾಮ್ ಚರಣ್, ಒಳ್ಳೆಯ ಪರಿಸ್ಥಿತಿಯಲ್ಲಿ ನಿಮ್ಮ ಜನ್ಮದಿನವನ್ನು ನಾನು ಆಚರಿಸಬಹುದಾಗಿತ್ತು. ಆದರೆ ನಾವು ಲಾಕ್‌ಡೌನ್‌ನಲ್ಲಿದ್ದೇವೆ ಮತ್ತು ಮನೆಯಲ್ಲಿಯೇ ಇರುವುದು ಮುಖ್ಯವಾಗಿದೆ. ಹೀಗಾಗಿ ನಾನು ನಾಳೆ ಬೆಳಿಗ್ಗೆ 20 ಗಂಟೆಗೆ ಡಿಜಿಟಲ್ ಸರ್ಪ್ರೈಸ್ ನೀಡಲಿದ್ದೇನೆ. ನನ್ನನ್ನು ನಂಬಿ. ನೀವು ಇದನ್ನು ಎಂದಿಗೂ ಮರೆಯುವುದಿಲ್ಲ' ಎಂದು ಜೂನಿಯರ್ ಎನ್‌ಟಿಆರ್ ಹೇಳಿದ್ದರು.

ರಾಮ್ ರಚಣ್ ಚಡಪಡಿಕೆ

ಇದಕ್ಕೆ ರಾಮ್ ಚರಣ್ ಸಂತಸ ವ್ಯಕ್ತಪಡಿಸಿದ್ದರು. ಗುರುವಾರವಷ್ಟೇ ಟ್ವಿಟ್ಟರ್‌ನಲ್ಲಿ ಖಾತೆ ತೆರದಿರುವ ರಾಮ್ ಚರಣ್, 'ವಾವ್, ನಾನು ಸರಿಯಾದ ಸಮಯದಲ್ಲಿ ಟ್ವಿಟ್ಟರ್ ಸೇರಿಕೊಂಡಿದ್ದೇನೆ. ಇಲ್ಲದಿದ್ದರೆ ನಿಮ್ಮ ಸರ್ಪ್ರೈಸ್‌ಅನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೆ. ನಾಳೆಗಾಗಿ ಕಾಯಲು ಸಾಧ್ಯವಾಗುತ್ತಿಲ್ಲ' ಎಂದು ಹೇಳಿದ್ದರು.

ರಾಜಮೌಳಿಯಿಂದಾಗಿ ವಿಳಂಬ

ಆದರೆ, ಎನ್‌ಟಿಆರ್ ಭರವಸೆ ನೀಡಿದಂತೆ ಅವರಿಂದ ಈ ಅಚ್ಚರಿ ನೀಡಲು ಸಾಧ್ಯವಾಗಿಲ್ಲ. 'ಸಾರಿ ಬ್ರದರ್. ನಿಮ್ಮ ಉಡುಗೊರೆಯನ್ನು ಕಳೆದ ರಾತ್ರಿ ಜಕ್ಕಣ್ಣ ರಾಜಮೌಳಿ ಅವರಿಗೆ ಅವರ ಅಭಿಪ್ರಾಯಕ್ಕಾಗಿ ಕಳುಹಿಸಿದ್ದೆ. ರಾಜಮೌಳಿ ಅವರ ಬಳಿ ಅದು ಹೇಗೆ ಆಗುತ್ತದೆ ಎನ್ನುವುದು ನಿಮಗೂ ಗೊತ್ತು. ಸ್ವಲ್ಪ ತಡವಾಗಿದೆ' ಎಂದು ಎನ್‌ಟಿಆರ್ ಕ್ಷಮೆ ಕೇಳಿದ್ದರು.

ರಾಜಮೌಳಿ ಕಾಲೆಳೆದ ರಾಮ್ ಚರಣ್

ಅದಕ್ಕೆ ರಾಮ್ ಚರಣ್ ಆಘಾತ ವ್ಯಕ್ತಪಡಿಸಿದ್ದಾರೆ. ರಾಜಮೌಳಿ ಅವರಿಗೆ ಕಳುಹಿಸಿದ್ದೀರಾ? ಅದು ನನಗೆ ಇವತ್ತೇ ಸಿಗುತ್ತಾ? ಎಂದು ರಾಜಮೌಳಿ ಬಳಿ ಹೋಗುವ ಕೆಲಸ ಆ ಕ್ಷಣಕ್ಕೆ ಆಗುವುದಿಲ್ಲ ಎಂದು ಅವರ ಕಾಲೆಳೆದಿದ್ದಾರೆ. 'ಹೌದು. ಈಗಷ್ಟೇ ಅದರ ಬಗ್ಗೆ ಜಕ್ಕಣ್ಣ (ರಾಜಮೌಳಿ) ಬಳಿ ಪರಿಶೀಲಿಸಿದೆ. ಅವರು ಖಂಡಿತವಾಗಿಯೂ ಸಂಜೆ 4 ಗಂಟೆಗೆ ಕೊಡುತ್ತಾರಂತೆ' ಎಂದು ಎನ್‌ಟಿಆರ್ ಹೇಳಿದ್ದಾರೆ. ಹೀಗಾಗಿ ಸದ್ಯಕ್ಕೆ ರಾಮ್ ಚರಣ್‌ಗೆ ನೀಡುವ ಸರ್ಪ್ರೈಸ್ ಮುಂದಕ್ಕೆ ಹೋಗಿದೆ.