RRR Day 3 Box Office Collection: ಮೂರೇ ದಿನದಲ್ಲಿ 500 ಕೋಟಿ ಲೂಟಿ ಮಾಡಿದ್ದೇಗೆ RRR?

RRR 500 ಕೋಟಿ ಲೂಟಿ

ಮೂರೇ ದಿನದಲ್ಲಿ RRR ಸಿನಿಮಾ 500 ಕೋಟಿ ಕ್ಲಬ್ ಸೇರಿದೆ. ಇಂತಹದ್ದೊಂದು ಸಾಧನೆಯನ್ನು ಬಾಲಿವುಡ್‌ನ ಯಾವುದೇ ಸಿನಿಮಾ ಕೂಡ ಮಾಡಿಲ್ಲ. ವಿಶ್ವದಾದ್ಯಂತ ಏಕಕಾಲಕ್ಕೆ ರಿಲೀಸ್ ಆಗಿದ್ದ RRR ಭರ್ಜರಿ ಕಲೆಕ್ಷನ್ ಮಾಡಿದೆ. ಇಷ್ಟು ದಿನ ಕಾದು ಸಿನಿಮಾವನ್ನು ಬಿಡುಗಡೆ ಮಾಡಿದ್ದಕ್ಕೂ ಚಿತ್ರತಂಡಕ್ಕೆ ಸಾರ್ಥವೆನಿಸಿದೆ. RRR ಸಿನಿಮಾದ ಆಟ ಇನ್ನೂ ನಿಂತಿಲ್ಲ. ಗ್ಲೋಬಲ್ ಲೆವೆಲ್‌ನಲ್ಲಿ ಈ ಸಿನಿಮಾದ ಗಳಿಕೆ ಹೊಸ ದಾಖಲೆ ಎಂದೇ ಹೇಳಲಾಗುತ್ತಿದೆ. ಸದ್ಯ ವಿಶ್ವದಾದ್ಯಂತ ಮೂರು ಭಾಷೆಗಳಲ್ಲಿ, ಮೂರು ದಿನಗಳಲ್ಲಿ 500 ಕೋಟಿ ಲೂಟಿ ಮಾಡಿದೆ.

RRR ಹಿಂದಿ ವರ್ಷನ್ 30 ಕೋಟಿ

ಕೊರೊನಾ ಬಳಿಕ ಭಾರತೀಯ ಚಿತ್ರರಂಗಕ್ಕೆ ಹೊಸ ಹುರುಷು ಬಂದಿದೆ. ಮತ್ತೆ ಭಾರತೀಯ ಚಿತ್ರರಂಗ ಚಿಗುರಿಕೊಂಡಿದೆ. RRR ಬಿಡುಗಡೆ ಬಳಿಕ ಬಾಲಿವುಡ್ ಬಾಕ್ಸಾಫೀಸ್ ಕೂಡ ಚಿಂದಿ ಉಡಾಯಿಸಿದೆ. ಭಾನುವಾರ( ಮಾರ್ಚ್ 27) ಒಂದೇ ದಿನ ಬಾಲಿವುಡ್ ಬಾಕ್ಸಾಫೀಸ್‌ನಲ್ಲಿ 31.50 ಕೋಟಿ ಗಳಿಕೆ ಕಂಡಿದೆ. ಇದು ಕೊರೊನಾ ಬಳಿಕ ಅತೀ ಹೆಚ್ಚು ಗಳಿಕೆ ಕಂಡ ಹಿಂದಿ ಸಿನಿಮಾ ಎಂಬ ಹೆಗ್ಗಳಿಕೆ ಗಳಿಸಿದೆ. ಇಲ್ಲಿವರೆಗೂ RRR ಹಿಂದಿ ವರ್ಷನ್ ಸುಮಾರು 74.50 ಕೋಟಿ ಗಳಿಕೆ ಕಂಡಿದೆ.

ಭಾನುವಾರದ ಗಳಿಕೆಯಲ್ಲೂ ಮೇಲು

RRR ಸಿನಿಮಾ ಕೊರೊನಾ ಬಳಿಕ ಭಾನುವಾರದಂದು ಹೆಚ್ಚು ಬ್ಯುಸಿನೆಸ್ ಮಾಡಿದ ಸಿನಿಮಾಗಳ ಪಟ್ಟಿ ಸೇರಿದೆ. ಭಾನುವಾರ ಹೆಚ್ಚು ಗಳಿಕೆ ಕಂಡ 5 ಸಿನಿಮಾಗಳ ಪೈಕಿ RRR ಮೊದಲ ಸ್ಥಾನದಲ್ಲಿದೆ. 'ದಿ ಕಾಶ್ಮೀರ್ ಫೈಲ್ಸ್' 15.10 ಕೋಟಿ, 'ಗಂಗೂಬಾಯಿ ಕಾಠಿಯಾವಾಡಿ ' 15.30 ಕೋಟಿ, '83' 17.41 ಕೋಟಿ, 'ಸೂರ್ಯವಂಶಿ' 26.94 ಕೋಟಿ ಹಾಗೂ RRR 31.50 ಕೋಟಿ ಗಳಿಕೆ ಕಾಣುವ ಮೂಲಕ ಮೊದಲ ಸ್ಥಾನದಲ್ಲಿದೆ.

ಬದಲಾಯಿತು ಭಾರತೀಯ ಚಿತ್ರರಂಗದ ದಿಕ್ಕು

RRR ಸಿನಿಮಾ ಮೂಲಕ ಭಾರತೀಯ ಚಿತ್ರರಂಗ ದಿಕ್ಕು ಮತ್ತೆ ಬದಲಾಗಿದೆ. ಸೋಲಿನ ಸುಳಿಗೆ ಸಿಕ್ಕು ನಲುಗಿ ಹೋಗಿದ್ದ ಚಿತ್ರರಂಗಕ್ಕೆ ಹೊಸ ಹರುಷು ಸಿಗುತ್ತಿದೆ. ವಿಶ್ವದಾದ್ಯಂತ 500 ಕೋಟಿ ಲೂಟಿ ಮಾಡಿರುವುದು ಭಾರತೀಯ ಚಿತ್ರರಂಗಕ್ಕೆ ಹೊಸ ಮೈಲಿಗಲ್ಲು ಸಿಕ್ಕಂತಾಗಿದೆ.