ಮೂರು ಪ್ಲಾಪ್ ಸಿನಿಮಾ ಕೊಟ್ಟ ಕರಾವಳಿ ಸುಂದರಿ ಕೃತಿ ಶೆಟ್ಟಿ: ಲಕ್ಕಿ ಗರ್ಲ್ ಪಟ್ಟದ ಗತಿಯೇನು?

ಬ್ಲಾಕ್ ಬಸ್ಟರ್ ಸಿನಿಮಾಗೆ ಕೃತಿ ಶೆಟ್ಟಿ ಪರದಾಟ

ಕೃತಿ ಶೆಟ್ಟಿ ವೃತ್ತಿ ಬದುಕಿನಲ್ಲಿ ಇಳಿಮುಖವಾಗಿದೆ. ಇತ್ತೀಚೆಗೆ ಈ ನಟಿ ನಟಿಸಿದ ಒಂದೇ ಒಂದು ಸಿನಿಮಾ ಹಿಟ್ ಲಿಸ್ಟ್ ಸೇರಿಲ್ಲ. ಒಂದೇ ಒಂದು ಹಿಟ್ ಸಿನಿಮಾಗಾಗಿ ಕೃತಿ ಎದುರು ನೋಡುವಂತಾಗಿದೆ. ಹೀಗೆ ಮುಂದುವರೆದರೆ, ಟಾಲಿವುಡ್ ಲಕ್ಕಿ ಗರ್ಲ್ ಅನ್ನೋ ಪಟ್ಟವನ್ನೂ ಕಳೆದ ಕೊಳ್ಳಬೇಕಾಗುತ್ತೆ ಅಂತ ಮಾತಾಡಿಕೊಳ್ಳುತ್ತಿದ್ದಾರೆ. ಅಷ್ಟಕ್ಕೂ ಕೃತಿ ಶೆಟ್ಟಿ ಸಿನಿಮಾಗಳು ಹೀಗೆ ಸೋಲಲು ಕಾರಣವೇನು? ಮುಂದಿನ ಹಾದಿಯೇನು ಅನ್ನೋದನ್ನು ತಿಳಿಯಲು ಮುಂದೆ ಓದಿ.

3 ಸಿನಿಮಾ ಸೋಲು

ಕೃತಿ ಶೆಟ್ಟಿ ಅಭಿನಯದ ಮೂರು ಸಿನಿಮಾಗಳು ಸೋಲುಂಡಿವೆ. ಇತ್ತೀಚೆಗೆ ತೆರೆಕಂಡಿರೋ 'ಆ ಅಮ್ಮಾಯಿ ಗುರಿಂಚಿ ಮೀಕು ಚೆಪ್ಪಾಲಿ' ಬಾಕ್ಸಾಫೀಸ್‌ನಲ್ಲಿ ಜಾದು ಮಾಡಿಲ್ಲ. ಹಾಗೇ ಮಾಚೆರ್ಲಾ ನಿಯೋಜಕವರ್ಗಂ ಹಾಗೂ 'ದಿ ವಾರಿಯರ್' ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಮಕಾಡೆ ಮಲಗಿವೆ. ಈ ಮೂರು ಸಿನಿಮಾಗಳ ಸೋಲು ಕೃತಿ ಶೆಟ್ಟಿ ಕರಿಯರ್‌ಗೆ ದೊಡ್ಡ ಕಂಟಕವಾಗಿ ಪರಿಣಮಿಸಿದೆ. ಮುಂದಿನ ರಿಲೀಸ್ ಆಗುವ ಸಿನಿಮಾಗಳು ಬಾಕ್ಸಾಫೀಸ್‌ನಲ್ಲಿ ಜಾದು ಮಾಡಲೇಬೇಕಾದ ಅನಿವಾರ್ಯತೆ ಎದುರಾಗಿದೆ.

ಕೃತಿ ಶೆಟ್ಟಿ ಸೋಲಿಗೆ ಕಾರಣ ಏನು?

ಕೃತಿ ಶೆಟ್ಟಿ ಸೋಲಿಗೆ ಟಾಲಿವುಡ್‌ ಕಾರಣಗಳನ್ನು ನೆಟ್ಟಿಗರು ಕಾರಣಗಳನ್ನು ಹುಡುಕಲಾಗುತ್ತಿದೆ. ತನಗೆ ಒಪ್ಪುವ ರೋಲ್‌ಗಳನ್ನು ನಟಿ ಆಯ್ಕೆ ಮಾಡಿಕೊಳ್ಳಬೇಕು. 'ಉಪ್ಪೇನ' ಬಳಿಕ ಸ್ಕ್ರಿಪ್ಟ್‌ ಬಗ್ಗೆ ನಟಿ ಗಮನ ಹರಿಸುತ್ತಿಲ್ಲ. ಹೀಗಾಗಿ ಕೃತಿ ಶೆಟ್ಟಿ ಮುಂದೆ ಆಯ್ಕೆ ಮಾಡಿಕೊಳ್ಳುವ ಸಿನಿಮಾಗಳನ್ನು ಜಾಗರೂಕತೆಯಿಂದ ಒಪ್ಪಿಕೊಳ್ಳಬೇಕು ಅಂತಿದ್ದಾರೆ.

ಮುಂದಿನ ಸಿನಿಮಾ ಯಾವುದು?

ಕೃತಿ ಶೆಟ್ಟಿ ಕೈಯಲ್ಲಿ ಮತ್ತೊಂದು ಬಿಗ್ ಪ್ರಾಜೆಕ್ಟ್ ಇದೆ. ಸದ್ಯ ವೆಂಕಟ್‌ ಪ್ರಭು ನಿರ್ದೇಶಿಸುತ್ತಿರುವ ಸಿನಿಮಾದಲ್ಲಿ ಕೃತಿ ನಡಿಸುತ್ತಿದ್ದಾರೆ. ಈ ಸಿನಿಮಾದಲ್ಲಿ ನಾಗಚೈತನ್ಯ ಹೀರೊ. ಇವರಿಬ್ಬರ ಕಾಂಬಿನೇಷನ್ ವರ್ಕ್‌ ಔಟ್ ಆದರೆ, ಕೃತಿ ಶೆಟ್ಟಿ ಕರಿಯರ್ ಮುಂದುವರೆಯುತ್ತೆ. ಹೀಗಾಗಿ, ಮುಂದೆ ಆಯ್ಕೆ ಮಾಡಿಕೊಳ್ಳುವ ಸಿನಿಮಾಗಳನ್ನು ನಾಜೂಕಾಗಿ ಒಪ್ಪಿಕೊಳ್ಳಬೇಕಿದೆ. ಸದ್ಯಕ್ಕಂತೂ ಕೃತಿ ಶೆಟ್ಟಿ ಈಗ ಸಿಕ್ಕಿರೋ ನೇಮ್ ಅಂಡ್ ಫೇಮ್ ಅನ್ನು ಎಂಜಾಯ್ ಮಾಡುತ್ತಿದ್ದಾರೆ.