Sarkaru Vaari Paata: ತಂದೆ ಮಹೇಶ್ ಬಾಬು ಜೊತೆ ಹೆಜ್ಜೆ ಹಾಕಿದ ಪುತ್ರಿ ಸಿತಾರಾ: ಹೆಂಗೈತೆ ಸ್ಟೆಪ್ಸ್?

ತಂದೆ-ಮಗಳ ಜುಗಲ್‌ಬಂಧಿ

'ಸರ್ಕಾರು ವಾರಿ ಪಾಟ' ಚಿತ್ರದ 'ಪೆನ್ನಿ' ಸಾಂಗ್ ಪ್ರೋಮೊ ರಿಲೀಸ್ ಆಗಿದೆ. ಈ ಸಾಂಗ್ ಪ್ರೋಮೊ ನೋಡಿದ ಪ್ರಿನ್ಸ್ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಯಾಕಂದ್ರೆ, ಮಹೇಶ್ ಬಾಬು ಜೊತೆ ಪುತ್ರಿ ಸಿತಾರಾ ಕೂಡ ಹಾಡಲ್ಲಿ ಎಂಟ್ರಿಕೊಟ್ಟಿದ್ದಾರೆ. ಹಾಗಂತ ಇದು ಜಸ್ಟ್ ಎಂಟ್ರಿ ಅಷ್ಟೆ ಅಲ್ಲ. ಸಿತಾರಾ ತಂದೆ ಜೊತೆ ಸ್ಟೆಪ್ಟ್ ಕೂಡ ಹಾಕಿದ್ದಾರೆ. ಈ ಹಾಡಿನಲ್ಲಿ ತಂದೆ-ಮಗಳ ಜುಗಲ್ ಬಂಧಿಯನ್ನು ನೋಡಲು ಮಹೇಶ್ ಬಾಬು ಅಭಿಮಾನಿಗಳು ಕಾದು ಕೂತಿದ್ದಾರೆ.

ಸಿತಾರಾ ಬಗ್ಗೆ ಮಹೇಶ್ ಬಾಬು ಹೇಳಿದ್ದೇನು?

ಸೂಪರ್‌ಸ್ಟಾರ್ ಮಹೇಶ್ ಬಾಬು ತಮ್ಮ ಟ್ವಿಟರ್ ಖಾತೆಯಲ್ಲಿ 'ಪೆನ್ನಿ' ಸಾಂಗ್‌ ಬಿಡುಗಡೆಗೆ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಇದೇ ವೇಳೆ ಮಗಳ ಬಗ್ಗೆನೂ ಹೆಮ್ಮೆಯಿಂದ ಬರೆದುಕೊಂಡಿದ್ದಾರೆ. " ಮತ್ತೊಮ್ಮೆ ಈ ಶೋನಲ್ಲಿ ಗಮನ ಸೆಳೆಯುತ್ತಿದ್ದಾಳೆ. ನಾಳೆ ನಿಮ್ಮ ಮುಂದೆ ಪೆನ್ನಿ ಸಾಂಗ್ ಬರಲಿದೆ" ಎಂದು ಬರೆದುಕೊಂಡಿದ್ದಾರೆ. ಇನ್ನೊಂದು ಕಡೆ ಸೋಶಿಯಲ್ ಮೀಡಿಯಾದಲ್ಲೂ ಆಕ್ಟಿವ್ ಆಗಿರುವ ಸಿತಾರಾ, ಇನ್‌ಸ್ಟಾಗ್ರಾಂನಲ್ಲಿ ತನ್ನ ಮೊದಲ ಸಾಂಗ್ ಫೋಮೊ ಶೇರ್ ಮಾಡಿಕೊಂಡಿದ್ದಾರೆ. " ಅದ್ಭುತ ತಂಡದೊಂದಿಗೆ ಸೇರಿಕೊಂಡಿದ್ದಕ್ಕೆ ತುಂಬಾನೇ ಸಂತೋಷವಾಗಿದೆ. ಅಪ್ಪ ನೀವು ಹೆಮ್ಮೆ ಪಡುತ್ತೀರಾ ಎಂದು ನಾನು ನಂಬಿದ್ದೇನೆ." ಎಂದು ಸಿತಾರಾ ಕೂಡ ಬರೆದುಕೊಂಡಿದ್ದಾರೆ.

ಲಿಟಲ್ ರಾಕ್‌ಸ್ಟಾರ್ ಎಂದ ಪ್ರಿನ್ಸ್ ಪತ್ನಿ

ಪುತ್ರಿ ಸಿತಾರಾ ಬಗ್ಗೆ ಮಹೇಶ್ ಬಾಬು ಪತ್ನಿ ನಮೃತಾ ಶಿರೋಡ್ಕರ್ ಕೂಡ ಹರ್ಷ ವ್ಯಕ್ತಪಡಿಸಿದ್ದಾರೆ. ಮಗಳ ಸೂಪರ್ ಅವತಾರಕ್ಕೆ ಫುಲ್ ಖುಷಿಯಾಗಿದ್ದಾರೆ. " ನನ್ನ ಲಿಟಲ್ ರಾಕ್‌ಸ್ಟಾರ್" ಎಂದು ಬರೆದು ಖುಷಿ ವ್ಯಕ್ತಪಡಿಸಿದ್ದಾರೆ. ಇನ್ನೊಂದು ಕಡೆ ನಮೃತಾ ಸಹೋದರಿ ಶಿಲ್ಪಾ ಶಿರೋಡ್ಕರ್ ಕೂಡ ಖುಷಿ ವ್ಯಕ್ತಪಡಿಸಿದ್ದಾರೆ. " ನೀನು ನಿಜಕ್ಕೂ ಅದ್ಭುತ. ನಿನಗೆ ನನ್ನ ಪ್ರೀತಿ ಮತ್ತು ಆಶೀರ್ವಾದ ಎರಡೂ ಎಂದಿಗೂ ಇರುತ್ತೆ. ನಿನಗೆ ಅಭಿನಂದನೆಗಳು." ಎಂದು ಬರೆದುಕೊಂಡಿದ್ದಾರೆ.

ಮಹೇಶ್ ಬಾಬು ಫ್ಯಾನ್ಸ್ ಏನಂದ್ರು?

ಸಿತಾರಾ ಹೆಜ್ಜೆ ಹಾಕಿದ ಪೆನ್ನಿ ಸಾಂಗ್ ಫ್ರೋಮೊ ರಿಲೀಸ್ ಆಗುತ್ತಿದ್ದಂತೆ, ಪ್ರಿನ್ಸ್ ಫ್ಯಾನ್ಸ್ ಫುಲ್ ಖುಷಿಯಾಗಿದ್ದಾರೆ. ತಕ್ಷಣವೇ ಅಭಿಮಾನಿಗಳು ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ತಂದೆ ಮಗಳನ್ನು ಒಂದೇ ಸಾಂಗ್‌ನಲ್ಲಿ ನೋಡಲು ಕಾತುರರಾಗಿದ್ದಾರೆ. 'ಸರ್ಕಾರು ವಾರಿ ಪಾಟ' ಚಿತ್ರದ ಎರಡನೇ ಹಾಡು 'ಪೆನ್ನಿ' ನಾಳೆ(ಮಾರ್ಚ್ 20)ಕ್ಕೆ ಬಿಡುಗಡೆಯಾಗಲಿದೆ.