ವಿಚ್ಛೇದನದ ಬಳಿಕ ನಾಗಚೈತನ್ಯ ಪ್ರೀತಿ ಮಾತು: ಹೊಸ ಲವ್ ಸ್ಟೋರಿ ನೆನೆದು ಮುಗುಳು ನಗೆ ಬೀರಿದ್ದೇಕೆ?

ನಾಗಚೈತನ್ಯ ಪರ್ಸನಲ್ ಲೈಫ್ ಬಗ್ಗೆ ಚರ್ಚೆ

ಸಮಂತಾಗೆ ಡಿವೋರ್ಸ್ ನೀಡಿದ ದಿನದಿಂದ ನಾಗ ಚೈತನ್ಯ ವೈಯಕ್ತಿಕ ವಿಚಾರವೇ ಹೆಚ್ಚು ಚರ್ಚೆಯಾಗುತ್ತಿದೆ. ಅವರ ಸಿನಿಮಾಗಳಿಗಿಂತ ವಿಚ್ಛೇದನ, ಹೊಸ ಲವ್‌ಸ್ಟೋರಿನೇ ಹೈಲೈಟ್ ಆಗುತ್ತಿದೆ. ಇತ್ತೀಚೆಗಂತೂ ನಾಗಚೈತನ್ಯ ಟಾಲಿವುಡ್ ನಟಿಯೊಂದಿಗೆ ಲವ್‌ನಲ್ಲಿ ಬಿದ್ದಿದ್ದಾರೆ ಅನ್ನೋ ಮಾತು ಕೇಳಿ ಬಂದಿತ್ತು. 'ಮೇಜರ್','ಗೂಢಾಚಾರಿ' ಹೀರೊಯಿನ್ ಶೋಭಿತಾ ಧುಲಿಪಲಾ ಜೊತೆ ಲವ್ವಿ-ಡವ್ವಿ ಶುರುವಾಗಿದೆ ಅನ್ನೋ ಮಾತು ಕೇಳಿಬಂದಿತ್ತು. ಈ ಎಲ್ಲಾ ಸುದ್ದಿಗಳಿಗೂ ನಾಗಚೈತನ್ಯ ಸೈಲೆಂಟ್ ಆಗಿಯೇ ಇದ್ದರು. ಆದ್ರೀಗ ಬಾಲಿವುಡ್ ಮೀಡಿಯಾ ಮುಂದೆ ಈ ಎಲ್ಲಾ ವಿಚಾರದ ಬಗ್ಗೆ ನಾಗ ಚೈತನ್ಯ ಬಾಯಿಬಿಟ್ಟಿದ್ದಾರೆ.

ಪ್ರೀತಿ ನೆನೆದು ಮುಗುಳು ನಗೆ ಬೀರಿದ ನಾಗಚೈತನ್ಯ

ಆಗಸ್ಟ್ 11ಕ್ಕೆ ನಾಗಚೈತನ್ಯ ಅಭಿನಯದ 'ಲಾಲ್ ಸಿಂಗ್ ಚಡ್ಡಾ' ರಿಲೀಸ್ ಆಗುತ್ತಿದೆ. ಹೀಗಾಗಿ ನಾಗಚೈತನ್ಯ ಸಂದರ್ಶನಗಳನ್ನು ನೀಡುವುದರಲ್ಲಿ ಬ್ಯುಸಿಯಾಗಿದ್ದಾರೆ. ಈ ವೇಳೆ ನಾಗಚೈತನ್ಯಗೆ ತಮ್ಮ ಡೇಟಿಂಗ್ ವಿಚಾರವಾಗಿ ಪ್ರಶ್ನೆ ಮಾಡಿದ್ದರು. ಈ ವೇಳೆ ನಾಗಚೈತನ್ಯ ಇಲ್ಲಾ ಎಂದು ಹೇಳಲಿಲ್ಲ. ಬದಲಾಗಿದೆ ಮುಗುಳು ನಕ್ಕು ಸುಮ್ಮನಾಗಿದ್ದಾರೆ. ಇದು ಈಗಾಗಲೇ ಹಬ್ಬಿರುವ ಗಾಳಿ ಸುದ್ದಿಗೆ ಮತ್ತಷ್ಟು ಪುಷ್ಠಿ ನೀಡದಂತೆ ಆಗಿದೆ.

ಮತ್ತೆ ಪ್ರೀತಿ ಹುಡುಕಾಟದಲ್ಲಿ ನಾಗ ಚೈತನ್ಯ!

'ಲಾಲ್ ಸಿಂಗ್ ಚಡ್ಡಾ' ಸಂದರ್ಶನದ ವೇಳೆನೇ ಮತ್ತೆ ಪ್ರೀತಿ ಹುಡುಕಾಡಲು ಸಿದ್ಧರಿದ್ದಾರಾ ಎಂದು ಪ್ರಶ್ನೆ ಮಾಡಲಾಗಿತ್ತು. " ಯಾರಿಗೆ ಗೊತ್ತು. ಪ್ರೀತಿ ನಿಮ್ಮನ್ನು ಮುಂದೆ ಸಾಗುವಂತೆ ಮಾಡುತ್ತೆ. ಉಸಿರು ತೆಗೆದುಕೊಳ್ಳುವಂತೆ ಪ್ರೀತಿ ಕೂಡ ಜೀವನದಲ್ಲಿ ಬಹುಮುಖ್ಯ. ನಾವು ಪ್ರೀತಿ ಮಾಡಬೇಕು. ಪ್ರೀತಿಯನ್ನು ಪಡೆಯಬೇಕು. ಆಗಲೇ ನಾವು ಪಾಸಿಟಿವ್ ಹಾಗೂ ಆರೋಗ್ಯವಾಗಿ ಇರಬಹುದು." ಎಂದು ನಾಗ ಚೈತನ್ಯ ಹೇಳಿದ್ದಾರೆ. ಈ ಮಾತುಗಳು ಚಿತ್ರರಂಗದಲ್ಲಿ ಹಲವರ ಕುತೂಹಲಕ್ಕೆ ಕಾರಣವಾಗಿದೆ.

ನಾಗ ಚೈತನ್ಯ ಬಗ್ಗೆ ಹೇಳಿದ್ದೇನು?

"ನಾವಿಬ್ಬರೂ ಏನು ಹೇಳಬೇಕೋ ಅದನ್ನು ಹೇಳಿದ್ದೇವೆ. ನಾವಿಬ್ಬರೂ ಈಗಾಗ್ಲೇ ಹೇಳಿಕೆಗಳನ್ನು ಕೊಟ್ಟಿದ್ದೇವೆ. ನಾನು ಯಾವಾಗಲೂ ನನ್ನ ವೈಯಕ್ತಿಕ ಜೀವನದ ವಿಚಾರದಲ್ಲಿ ಇದನ್ನೇ ಮಾಡುತ್ತೇನೆ. ಕೆಲವು ಸಂಗತಿಗಳನ್ನು ಹಂಚಿಕೊಳ್ಳುವುದು ತುಂಬಾನೇ ಮುಖ್ಯ ಆಗಿರುತ್ತೆ. ಕೆಟ್ಟದ್ದೋ ಒಳ್ಳೆಯದ್ದೋ ನಾನು ಮಾಧ್ಯಮಗಳಿಗೆ ಈ ವಿಚಾರವನ್ನು ತಿಳಿಸುತ್ತೇನೆ. ನಮ್ಮ ಕೇಸ್‌ನಲ್ಲಿ ಸಮಂತಾ ಹಾಗೂ ನಾನು ಇಬ್ಬರೂ ಎಲ್ಲಾ ಬಿಟ್ಟು ಮುಂದೆ ಸಾಗಿದ್ದೇವೆ. ಇದಕ್ಕಿಂತ ಹೆಚ್ಚಿದನ್ನು ಈ ಪ್ರಪಂಚಕ್ಕೆ ಹೇಳುವುದು ಏನೂ ಉಳಿದಿಲ್ಲ." ಎಂದು ನಾಗಚೈತನ್ಯ ಹೇಳಿದ್ದಾರೆ.