ಪವನ್ ಕಲ್ಯಾಣ್ ಪುತ್ರ ಅಕಿರಾ ಪಿಯಾನೋ ನುಡಿಸುವುದರಲ್ಲಿ ಎಕ್ಸ್‌ಪರ್ಟ್!

ಪವನ್ ಪುತ್ರ ಪಿಯಾನೋ ಪ್ರಿಯ

ಗ್ರ್ಯಾಜುವೇಷನ್ ಡೇಯಂದು ಅಕಿರಾ ನಂದನ್ ಪಿಯಾನೋ ನುಡಿಸಿದ್ದರು. ರಾಜಮೌಳಿ ನಿರ್ದೇಶನದ RRR ಸಿನಿಮಾದ 'ದೋಸ್ತಿ' ಸಾಂಗ್ ಅನ್ನು ಗ್ರ್ಯಾಜುವೇಷನ್ ದಿನ ನುಡಿಸಲಾಗಿತ್ತು. ಈ ಸಾಂಗ್ ಅನ್ನು ರೇಣು ದೇಸಾಯಿ ರೆಕಾರ್ಡ್ ಮಾಡಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ " ಗ್ರ್ಯಾಜುವೇಷನ್ ಡೇಯಂದು ಅಕಿತಾ RRR ಸಿನಿಮಾದ ಹಾಡನ್ನು ನುಡಿಸುವ ಮೂಲಕ ತನ್ನ ಶಾಲೆಯ ಸ್ನೇಹಿತರಿಗೆ ಬೀಳ್ಕೊಡುಗೆ ನೀಡಿದ್ದಾನೆ. 15 ವರ್ಷದ ಶಾಲಾ ದಿನಗಳು ಮುಗಿಯಿತು. ನನ್ನ ಲಿಟಲ್ ಬೇಬಿ ತುಂಬಾ ಬೇಗನೇ ಬೆಳೆದು ಬಿಟ್ಟ." ಎಂದು ಬರೆದುಕೊಂಡಿದ್ದಾರೆ.

ಭೇಷ್ ಎಂದ ಪ್ರಿನ್ಸ್ ಫ್ಯಾನ್ಸ್!

ಅಕಿರಾ ಪಿಯಾನೋ ನುಡಿಸುವುದರಲ್ಲಿ ಎಕ್ಸ್‌ಪರ್ಟ್ ಅನ್ನೋದು ಇಡೀ ಚಿತ್ರರಂಗಕ್ಕೆ ಗೊತ್ತಿದೆ. ಇತ್ತೀಚೆಗೆ ಮಹೇಶ್ ಬಾಬು ಅಭಿನಯದ 'ಸರ್ಕಾರು ವಾರಿ ಪಾಟ' ಚಿತ್ರದ ಕಲಾವತಿ ಸಾಂಗ್ ಅನ್ನು ಅಕಿರಾ ನುಡಿಸಿದ್ದ. ಆ ಸಾಂಗ್ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಈ ಹಾಡನ್ನು ಕೇಳಿ ಮಹೇಶ್ ಬಾಬು ಅಭಿಮಾನಿಗಳು ಹರ್ಷ ವ್ಯಕ್ತಪಡಿಸಿದ್ದರು.

ಮಾರ್ಷಿಯಲ್ ಆರ್ಟ್ಸ್‌ ಗೊತ್ತು

ಪವನ್ ಕಲ್ಯಾಣ್ ಪುತ್ರ ಅಕಿರಾ ನಂದನ್‌ ಕೇವಲ ಪಿಯಾನೋ ನುಡಿಸುವುದರಲ್ಲಷ್ಟೇ ಅಲ್ಲ. ಮಾರ್ಷಿಯಲ್ ಆರ್ಟ್ಸ್‌ ಕೂಡ ಕಲಿತಿದ್ದಾನೆ. ಈ ವಿದ್ಯೆಯಲ್ಲೂ ಎಕ್ಸ್‌ಪರ್ಟ್ ಆಗಿದ್ದು, ಸಿನಿಮಾ ಎಂಟ್ರಿ ಕೊಡುತ್ತಾನಾ? ಇಲ್ಲವಾ ಅನ್ನೋ ಸುಳಿವನ್ನು ಇನ್ನು ಬಿಟ್ಟುಕೊಟ್ಟಿಲ್ಲ. ಸದ್ಯ ಪವನ್ ಕಲ್ಯಾಣ್, ಪುತ್ರಿ ಆದ್ಯಾ ಹಾಗೂ ಮೊದಲ ಪತ್ನಿ ರೇಣು ದೇಸಾಯಿ ಜೊತೆಗಿರುವ ಫೋಟೊ ವೈರಲ್ ಆಗಿತ್ತು.

ಪವನ್ ಕೈಯಲ್ಲಿರೋ ಸಿನಿಮಾ ಯಾವುದು?

ಪವನ್ ಕಲ್ಯಾಣ್ ರಾಜಕೀಯದಲ್ಲಿ ಬ್ಯುಸಿಯಾಗಿದ್ದರೂ, ಸಿನಿಮಾವನ್ನು ಬಿಟ್ಟಿಲ್ಲ. ಸದ್ಯ 'ಹರಿ ಹರ ವೀರ ಮಲ್ಲು' ಎಂಬ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಕಿಶ್ ಈ ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದು, ಈ ಐತಿಹಾಸಿಕ ಸಿನಿಮಾವನ್ನು ದೊಡ್ಡ ಬಜೆಟ್‌ನಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಇದರೊಂದಿಗೆ ಇನ್ನೂ ಕೆಲವು ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ ಎನ್ನಲಾಗಿದೆ.