ಈ ನಟಿಗೆ ದಿಂಬೇ ಬಟ್ಟೆಯಂತೆ!: ಹೊಸ 'ಫ್ಯಾಷನ್' ಕಂಡುಹಿಡಿದ ಪಾಯಲ್

ಹೊಸ ಬಗೆಯ ಫ್ಯಾಷನ್

ಲಾಕ್‌ಡೌನ್ ಅವಧಿಯಲ್ಲಿ ಮನೆಯಲ್ಲಿ ಕುಳಿತು ಸಮಯ ಕಳೆಯಲು ಪಾಯಲ್ ರಜಪೂತ್, ತಮ್ಮ ಫೋಟೊಗಳನ್ನು, ನಾಯಿಗಳ ಫೋಟೊಗಳನ್ನು ಹಂಚಿಕೊಳ್ಳುತ್ತಾ ಖುಷಿ ಪಡುತ್ತಿದ್ದರು. ಸಿನಿಮಾ ಚಟುವಟಿಕೆಗಳಿದ್ದಾಗ ದಿನಕ್ಕೆ ಬಗೆ ಬಗೆಯ ಉಡುಪುಗಳನ್ನು ಧರಿಸುತ್ತಿದ್ದ ಅವರು, ಅದಕ್ಕೀಗ ಅವಕಾಶವಿಲ್ಲದ ಕಾರಣ ಹೊಸ ಉಡುಪು ವಿನ್ಯಾಸ ಮಾಡಿಕೊಂಡಿದ್ದಾರೆ.

ದಿಂಬಿನ ಹೊರತಾಗಿ ಬೇರೇನೂ ಇಲ್ಲ

ತಮ್ಮ ದೇಹದ ಮೇಲೆ ದಿಂಬಿನ ಹೊರತು ಬೇರೇನೂ ಇಲ್ಲ ಎಂದು ಪಾಯಲ್ ಹೇಳಿಕೊಂಡಿದ್ದಾರೆ. ಹಳದಿ ಬಣ್ಣದ ದಿಂಬಿಗೆ ಬಿಳಿಬಣ್ಣದ ಸೊಂಟದ ಬೆಲ್ಟ್‌ಅನ್ನು ಕಟ್ಟಿಕೊಂಡಿದ್ದಾರೆ. ಈ ವಿಚಿತ್ರವಾದ ಡ್ರೆಸ್ ಅನೇಕರನ್ನು ಅಚ್ಚರಿಗೊಳಿಸಿದೆ. ಹೀಗೂ ಫ್ಯಾಷನ್ ಮಾಡಬಹುದೇ ಎಂದು ಕೇಳಿದ್ದಾರೆ.

ಹೊಸ ಫ್ಯಾಷನ್ ಇದು

'ದಿಂಬು- ಈ ದಿನದ ಉಡುಗೆ. ಕ್ವಾರೆನ್ ಕ್ವೀನ್. ಇದನ್ನು ಫ್ಯಾಷನ್ ಆಗಿ ಮಾಡಿ. ಏಕೆಂದರೆ ನನಗೆ ಮನೆಯಲ್ಲಿ ಬೇಸರವಾಗುತ್ತಿತ್ತು. ಹಾಗೆಯೇ ಬೇಸರಗೊಂಡಿರುವ ಮನೆಯಲ್ಲಿ ನಾನಿದ್ದೇನೆ' ಎಂದು ಬರೆದುಕೊಂಡಿರುವ ಪಾಯಲ್, ಅದಕ್ಕೆ 'ಪಿಲ್ಲೋ ಚಾಲೆಂಜ್' ಎಂದು ಬರೆದುಕೊಂಡಿದ್ದಾರೆ. ಇದು ಮುಂದೆ ಫ್ಯಾಷನ್ ಜಗತ್ತಿನ ಹೊಸ ಡಿಸೈನ್ ಆದರೂ ಅಚ್ಚರಿಯಿಲ್ಲ.

ಇದೇನು ಹೊಸ ಚಾಲೆಂಜ್?

ಇದಕ್ಕೆ ಅನೇಕ ಸೆಲೆಬ್ರಿಟಿಗಳೂ ಪ್ರತಿಕ್ರಿಯಿಸಿದ್ದಾರೆ. ಇದೇನು ಹೊಸ ಚಾಲೆಂಜಾ ಎಂದು ಕೇಳಿದ್ದಾರೆ. ಸೀರೆ ಚಾಲೆಂಜ್ ಆಯ್ತು, ಇನ್ನು ದಿಂಬು ಚಾಲೆಂಜ್ ಬಂದರೆ ಮುಗಿದೇ ಹೋಯ್ತು ಎಂದು ತಮಾಷೆ ಮಾಡಿದ್ದಾರೆ. ನಿಜಕ್ಕೂ ದಿಂಬು ಮಾತ್ರವೇ ಇದೆಯೇ? ಸ್ವಲ್ಪ ತಿರುಗಿ ನೋಡೋಣ ಎಂದು ಅನೇಕ ಪಡ್ಡೆಹುಡುಗರು ಅನುಮಾನ ವ್ಯಕ್ತಪಡಿಸಿದ್ದಾರೆ.