ನವರಾತ್ರಿಗೆ ಶ್ರೀರಾಮನ ಅವತಾರವತ್ತಿರೋ ಪ್ರಭಾಸ್ 'ಆದಿಪುರುಷ್' ಟೀಸರ್: ಫೈನಲ್ ಆಯ್ತು ಡೇಟ್!

ಆದಿಪುರುಷ್ ಟೀಸರ್‌ಗೆ ಮುಹೂರ್ತ

'ಆದಿಪುರುಷ್' ಸಿನಿಮಾದಲ್ಲಿ ಶ್ರೀರಾಮನ ಅವತಾರವೆತ್ತಿರೋ ಪ್ರಭಾಸ್ ನೋಡಲು ಫ್ಯಾನ್ಸ್ ತುದಿಗಾಲಲ್ಲಿ ನಿಂತಿರೋದು ಗೊತ್ತೇ ಇದೆ. ಕಳೆದ ಕೆಲವು ದಿನಗಳಿಂದ ಡಾರ್ಲಿಂಗ್ ಅಭಿಮಾನಿಗಳು ಈ ಟೀಸರ್‌, ಪೋಸ್ಟ್ ಬಿಡುಗಡೆ ಬಗ್ಗೆ ಬೇಡಿಕೆ ಇಟ್ಟಿದ್ದರು. ಆದರೆ, ನಿರ್ದೇಶಕ ಓಂ ರಾವತ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿರಲಿಲ್ಲ. ಆದ್ರೀಗ ಕೊನೆಗೂ ಖುಷಿ ಪಡುವಂತಹ ಸುದ್ದಿಯನ್ನು ನೀಡಿದ್ದಾರೆ. 'ಆದಿಪುರುಷ್' ಸಿನಿಮಾದ ಟೀಸರ್ ಬಿಡುಗಡೆ ದಿನವನ್ನು ರಿವೀಲ್ ಮಾಡಲಾಗಿದೆ. ನವರಾತ್ರಿಗೆ ಅಕ್ಟೋಬರ್ 2 ರಂದು 'ಆದಿಪುರುಷ್' ಟೀಸರ್ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ.

ಆಯೋಧ್ಯದಲ್ಲಿ 'ಆದಿಪುರುಷ್' ಟೀಸರ್

ಬಹು ನಿರೀಕ್ಷೆಯ ಸಿನಿಮಾ 'ಆದಿಪುರುಷ್' ಟೀಸರ್‌ಗಾಗಿ ಎಲ್ಲರೂ ಎದುರು ನೋಡುತ್ತಿದ್ದಾರೆ. ದೊಡ್ಡ ಮಟ್ಟದಲ್ಲಿ ಟೀಸರ್ ರಿಲೀಸ್ ಮಾಡೋಕೆ ಚಿತ್ರತಂಡ ಸಜ್ಜಾಗಿದೆ. ನವರಾತ್ರಿ ವೇಳೆ ಅಯೋಧ್ಯದಲ್ಲಿ 'ಆದಿಪುರುಷ್' ಸಿನಿಮಾದ ಟೀಸರ್ ಚಿತ್ರತಂಡ ನಿರ್ಧರಿಸಿರೋ ಬಗ್ಗೆ ವರದಿಯಾಗಿದೆ. ಶ್ರೀರಾಮ ಆಯೋಧ್ಯದಲ್ಲಿ ಹುಟ್ಟಿದ್ದಾಗಿ ನಂಬಿಕೆ ಇದೆ. ಹೀಗಾಗಿ ಧಾರ್ಮಿಕ ನಗರದಿಂದಲೇ 'ಆದಿಪುರುಷ್' ಪ್ರಚಾರವನ್ನು ಆರಂಭ ಮಾಡಲು ಚಿತ್ರತಂಡ ನಿರ್ಧರಿಸಿದೆ.

'ಆದಿಪುರುಷ್' ಹೈಲೈಟ್ ಏನು?

'ಆದಿಪುರುಷ್' ಸಿನಿಮಾ ಬಗ್ಗೆ ನಿರ್ದೇಶಕ ಓಂ ರಾವತ್ ಈಗಾಗಲೇ ಸಾಕಷ್ಟು ಮಾಹಿತಿಯನ್ನು ನೀಡಿದ್ದಾರೆ. " ಸಿನಿಮಾ ಬಗ್ಗೆ ಈಗಾಗಲೇ ಸಾಕಷ್ಟು ಕೆಲಸ ನಡೆಯುತ್ತಿದೆ. ಪ್ರಭಾಸ್ ಹಾಗೂ ಸೈಫ್ ಅಲಿ ಖಾನ್ ಇಬ್ಬರೂ ತಮ್ಮ ಪಾತ್ರಗಳಿಗಾಗಿ ಸಾಕಷ್ಟು ಬದಲಾಗಿದ್ದಾರೆ. ಈ ಸಿನಿಮಾ ಸಿಕ್ಕಾಪಟ್ಟೆ ಆಕ್ಷನ್ ಕೂಡ ಸೇರಿಕೊಂಡಿದೆ. ಕೃತಿ ಸನನ್ ಹಾಗೂ ಪ್ರಭಾಸ್ ಇಬ್ಬರನ್ನೂ ತೆರೆಮೇಲೆ ನೋಡಿದರೆ ಮೈ ಜುಂ ಎನ್ನುತ್ತೆ. ಸದ್ಯಕ್ಕೆ ಸಿನಿಮಾ ಬಗ್ಗೆ ಹೆಚ್ಚೇನು ರಿವೀಲ್ ಮಾಡಲು ಸಾಧ್ಯವಿಲ್ಲ." ಎಂದು ಮಾಹಿತಿಯನ್ನು ನೀಡಿದ್ದರು. ಈ ಕಾರಣಕ್ಕೆ ಟೀಸರ್ ಬಗ್ಗೆ ಸಾಕಷ್ಟು ಕುತೂಹಲ ಮೂಡಿದೆ.

ಕೃತಿ-ಪ್ರಭಾಸ್ ರೂಮರ್

'ಆದಿಪುರುಷ್' ಸಿನಿಮಾದಲ್ಲಿ ಶ್ರೀರಾಮನಾಗಿ ಪ್ರಭಾಸ್ ನಟಿಸಿದ್ದರೆ, ಸೀತೆಯಾಗಿ ಕೃತಿ ಸನನ್ ಕಾಣಿಸಿಕೊಂಡಿದ್ದಾರೆ. ಈ ವೇಳೆ ಬಾಲಿವುಡ್‌ನಲ್ಲಿ ಪ್ರಭಾಸ್ ಹಾಗೂ ಕೃತಿ ಸನನ್ ಡೇಟಿಂಗ್ ಬಗ್ಗೆ ಸುದ್ದಿಗಳು ಹರಿದಾಡುತ್ತಿವೆ. ಆದರೆ, ಈ ಬಗ್ಗೆ ಅಧಿಕೃತ ಮಾಹಿತಿ ಇನ್ನೂ ಹೊರಬಿದ್ದಿಲ್ಲ.