ದೀಪ ಹಚ್ಚಿ ಎಂದರೆ ಸಿಗರೇಟ್ ಹಚ್ಚಿ ವಿವಾದ ಸೃಷ್ಟಿಸಿದ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ

ಸಿಗರೇಟ್ ಹಚ್ಚಿದ್ದ ವರ್ಮಾ

ಭಾನುವಾರ ರಾತ್ರಿ 9 ಗಂಟೆಗೆ ವಿಡಿಯೋವನ್ನು ಟ್ವೀಟ್ ಮಾಡಿದ್ದ ರಾಮ್ ಗೋಪಾಲ್ ವರ್ಮಾ, ಸಿಗಾರ್ ಲೈಟರ್ ಹೊತ್ತಿಸಿ ಅದರಿಂದ ಸಿಗರೇಟ್ ಹಚ್ಚುತ್ತಿರುವುದನ್ನು ಹಂಚಿಕೊಂಡಿದ್ದರು. ಅವರ ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದೆ.

ಸಿಗರೇಟ್‌ಗಿಂತ ಅಪಾಯಕಾರಿ

ಬಳಿಕ ಅದಕ್ಕೆ ಡಿಸ್ಕ್ಲೈಮರ್‌ಅನ್ನೂ ಹಾಕಿ ಮತ್ತೊಂದು ಫೋಟೊವನ್ನು ರಾಮ್ ಗೋಪಾಲ್ ವರ್ಮಾ ಹಂಚಿಕೊಂಡಿದ್ದಾರೆ. ಕೊರೊನಾ ಕುರಿತಾದ ಎಚ್ಚರಿಕೆಯನ್ನು ಪಾಲಿಸದೆಯೇ ಇರುವುದು ಸಿಗರೇಟ್ ಸೇದುವುದರ ವಿರುದ್ಧ ಸರ್ಕಾರದ ಎಚ್ಚರಿಕೆಯನ್ನು ಉಲ್ಲಂಘಿಸುವುದಕ್ಕಿಂತಲೂ ಅಪಾಯಕಾರಿ ಎಂದು ಹೇಳಿದ್ದಾರೆ.

ಕೊರೊನಾ ಪಾಸಿಟಿವ್ ಎಂದಿದ್ದ ವರ್ಮಾ

ಏಪ್ರಿಲ್ ಒಂದರಂದು ಟ್ವೀಟ್ ಮಾಡಿದ್ದ ರಾಮ್‌ಗೋಪಾಲ್ ವರ್ಮಾ, ತಮಗೆ ಕೊರೊನಾ ವೈರಸ್ ಪಾಸಿಟಿವ್ ಬಂದಿದೆ ಎಂದು ವೈದ್ಯರು ಹೇಳಿದ್ದಾಗಿ ತಿಳಿಸಿದ್ದರು. ಬಳಿಕ ನಿಮಗೆ ನಿರಾಶೆ ಮಾಡುವುದಕ್ಕೆ ಕ್ಷಮಿಸಿ. ಅವರು ನನಗೆ ಅದು ಏಪ್ರಿಲ್ ಫೂಲ್ ಜೋಕ್ ಎಂದು ಹೇಳಿದರು. ಅದು ಅವರ ತಪ್ಪು, ನನ್ನದಲ್ಲ ಎಂದು ಹೇಳಿದ್ದರು.

ವೈರಸ್ ಸಿನಿಮಾ ಮಾಡಲು ಹೊರಟಿದ್ದ ವರ್ಮಾ

ಹಾಗೆಯೇ ತಮ್ಮ ಎರಡು ವರ್ಷಗಳ ಹಿಂದಿನ ಟ್ವೀಟನ್ನು ಮತ್ತೆ ನೆನಪಿಸಿಕೊಂಡಿದ್ದಾರೆ. ನನ್ನ ಮುಂದಿನ ಸಿನಿಮಾದ ಶೀರ್ಷಿಕೆ 'ವೈರಸ್' ಎಂದು. ಪರಾಗ್ ಸಿಂಗ್ವಿ ಅದನ್ನು ನಿರ್ಮಿಸುತ್ತಾರೆ ಎಂದು 2018ರಲ್ಲಿ ಅವರು ಬರೆದಿದ್ದರು. ಮಾರಣಾಂತಿಕ ವೈರಸ್ ಸೋಂಕಿನ ಕುರಿತು ಕಥೆ ಬರೆದಿದ್ದೆ. ಈಗ ಆಗುತ್ತಿರುವುದಕ್ಕೂ ಎರಡು ವರ್ಷದ ಹಿಂದಿ ಈ ಕಥೆಗೂ ಹೋಲಿಕೆಗಳಿವೆ ಎಂದು ತಿಳಿಸಿದ್ದಾರೆ.