ಮುಂದಿನ ಜನ್ಮ ಅಂತಿದ್ದರೆ ನಾನು ಗಂಡಾಗಿ ಹುಟ್ಟುತ್ತೇನೆ: ಅಚ್ಚರಿ ಹೇಳಿಕೆ ಕೊಟ್ಟ ರಶ್ಮಿಕಾ!

ನಾನು ಗಂಡಾಗಿ ಹುಟ್ಟಬೇಕು

'ಆಡವಾಳ್ಳು ಮೀಕು ಜೋಹಾರ್ಲು' ಸಿನಿಮಾದ ಪ್ರಚಾರದ ವೇಳೆ ರಶ್ಮಿಕಾ "ನನ್ನ ಮುಂದಿನ ಜನ್ಮದಲ್ಲಿ ನಾನು ಗಂಡಾಗಿ ಹುಟ್ಟಲು ಇಷ್ಟಪಡುತ್ತೇನೆ. ನನಗೆ 'ಪುಷ್ಪ' ಹಾಗೂ 'ಆಡವಾಳ್ಳು ಮೀಕು ಜೋಹಾರ್ಲು' ಸಿನಿಮಾದಲ್ಲಿ ನಟಿಸಿದ ಬಳಿಕ ಇಂತಹದ್ದೊಂದು ನಿರ್ಧಾರಕ್ಕೆ ಬಂದಿದ್ದೇನೆ. ಈ ಎರಡು ಸಿನಿಮಾಗಳಿಗೆ ಕಾಸ್ಟ್ಯೂಮ್‍ಗಳನ್ನು ಬದಲಾಯಿಸಿ ಸುಸ್ತಾಗಿದ್ದೇನೆ.' ಎಂದು ರಶ್ಮಿಕಾ ಹೇಳಿದ್ದಾರೆ. ಗಂಡಸರಾದರೆ ಹೆಚ್ಚು ಕಾಸ್ಟ್ಯುಮ್‌ಗಳನ್ನು ಬದಲಾಯಿಸುವ ಅಗತ್ಯವಿಲ್ಲ ಎಂಬುದು ರಶ್ಮಿಕಾ ವಾದ.

ಎಲ್ಲಾ ವರ್ಗಕ್ಕೂ ಇಷ್ಟ ಆಗುತ್ತೆ

'ಆಡವಾಳ್ಳು ಮೀಕು ಜೋಹಾರ್ಲು' ಒಂದು ಕೌಟುಂಬಿಕ ಸಿನಿಮಾ ಆಗಿರುವುದರಿಂದ ಅದ್ದೂರಿತನವಿದೆ. ಹೀಗಾಗಿ ರಶ್ಮಿಕಾ ಹಲವು ಸಂದರ್ಭಗಳಲ್ಲಿ ವಿಭಿನ್ನವಾದ ಕಾಸ್ಟ್ಯೂಮ್ ಅನ್ನು ಬದಲಾಯಿಸಬೇಕಾಗಿ ಬಂದಿತ್ತು. ಈ ಕಾರಣಕ್ಕೆ ಮುಂದಿನ ಜನ್ಮದಲ್ಲಿ ಗಂಡಾಗಿ ಹುಟ್ಟುತ್ತೇನೆ ಎಂದು ಹೇಳಿದ್ದಾರೆ. ಈ ಸಿನಿಮಾ ಎಲ್ಲಾ ವರ್ಗಕ್ಕೂ ಇಷ್ಟ ಆಗುತ್ತೆ. ಈ ಚಿತ್ರದಲ್ಲಿ ನೈಜ ದೃಶ್ಯಗಳಿವೆ. ಕಾಮಿಡಿ ದೃಶ್ಯಗಳು ಕೂಡ ಇವೆ. ಕೌಟುಂಬಿಕ ಕಥೆಯಾಗಿರುವುದರಿಂದ ಎಲ್ಲಾ ವರ್ಗಗಳಿಗೂ ಈ ಸಿನಿಮಾ ಇಷ್ಟ ಆಗುತ್ತೆ. ಪ್ರೇಕ್ಷಕರಿಗೆ ಈ ಸಿನಿಮಾ ಖಂಡಿತವಾಗಿಯೂ ಇಷ್ಟ ಆಗುತ್ತೆ ಎಂದು ರಶ್ಮಿಕಾ ಭರವಸೆ ಮಾತುಗಳನ್ನು ಆಡಿದ್ದಾರೆ.

ಸಿನಿಮಾ ಇಂಟರ್‌ವಲ್ ಸೂಪರ್

ಈ ಸಿನಿಮಾವನ್ನು ಕುಟುಂಬ ಸಮೇತ ಬಂದು ನೋಡಬೇಕು ಅನ್ನುವುದು ನಮ್ಮ ಆಸೆ. ಕುಟುಂಬದ ಜೊತೆ ಜೊತೆಗೆ ಯುವಜನತೆಗೂ ಇಷ್ಟ ಆಗುತ್ತೆ. ಈ ಚಿತ್ರ ಒಂದೊಂದು ಪಾತ್ರವೂ ಒಂದೊಂದು ದೃಶ್ಯದಲ್ಲಿ ಕನೆಕ್ಟ್ ಆಗುತ್ತೆ. ಹೀಗಾಗಿ ಈ ಸಿನಿಮಾ ಪ್ರೇಕ್ಷಕರಿಗೆ ಭರಪೂರ ಮನರಂಜನೆ ನೀಡುತ್ತದೆ ಎಂದು ನಿರ್ದೇಶಕ ತಿರುಮಲಾ ಕಿಶೋರ್ ಇದೇ ಸಂದರ್ಭದಲ್ಲಿ ಹೇಳಿದ್ದಾರೆ.

ನಾಯಕ ಪಾತ್ರಕ್ಕೆ ಹೈಪ್ ಇಲ್ಲ

'ಆಡವಾಳ್ಳು ಮೀಕು ಜೋಹಾರ್ಲು' ಸಿನಿಮಾದಲ್ಲಿ ನಾಯಕನ ಪಾತ್ರಕ್ಕೆ ಬೇಕಂತ ಹೈಫ್ ಕೊಟ್ಟಿಲ್ಲ. ಅನಾವಶ್ಯಕವಾಗಿ ಪಾತ್ರವನ್ನು ವಿಜೃಂಬಿಸುವುದು ಶರ್ವಾನಂದ್‌ಗೆ ಇಷ್ಟವಿಲ್ಲವಂತೆ. ಇದೇ ಕಾರಣಕ್ಕೆ ಟೈಟಲ್ ಕಾರ್ಡ್‍ನಲ್ಲೂ ಶರ್ವಾನಂದ್ ಹೊಸರು ಮೊದಲು ಕಾಣಿಸುವುದಿಲ್ಲ ಎನ್ನುತ್ತಾರೆ. ಈ ಸಿನಿಮಾ ಇಂದು (ಮಾ.04) ವಿಶ್ವದಾದ್ಯಂತ ಬಿಡುಗಡೆಯಾಗಿದೆ. ಸಿನಿಮಾ ಬಗ್ಗೆ ಚಿತ್ರತಂಡ ಏನೇ ಹೇಳಿದರೂ, ಪ್ರೇಕ್ಷಕರು ಮಾತ್ರ ನಗು ಕಡಿಮೆ ಎನ್ನುತ್ತಿದ್ದಾರೆ.