RRR Day 2 Box Office Collection: ತೆಲುಗು ರಾಜ್ಯಗಳಲ್ಲಿ RRR 2ನೇ ದಿನದ ಕಲೆಕ್ಷನ್ ಎಷ್ಟು?

RRR ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಧೂಳೀಪಟ

'ಬಾಹುಬಲಿ' ಬಳಿಕ ಮತ್ತೆ ಬಾಕ್ಸಾಫೀಸ್‌ನಲ್ಲಿ ಹೊಸ ಹುಮ್ಮಸ್ಸು ಕಾಣಿಸುತ್ತಿದೆ. ರಾಜಮೌಳಿ ಭಾರತದ ಯಾವುದೇ ಸಿನಿಮಾ ಜೊತೆನೂ ಅಲ್ಲ, ಸ್ವತ: ತಮ್ಮ ಸಿನಿಮಾದೊಂದಿಗೆ ಕಾಂಪಿಟೇಷನ್‌ಗೆ ಇಳಿಸಿದ್ದಾರೆ. ಧೂಳೀಪಟ ಮೊದಲ ದಿನ ಯಾರೂ ಊಹಿಸದಷ್ಟು ಗಳಿಕೆ ಮಾಡಿತ್ತು. ಎರಡನೇ ದಿನ ಆ ಕಲೆಕ್ಷನ್‌ನಲ್ಲ ಇಳಿಕೆ ಕಂಡಿದ್ದರೂ, ಇದು ದಾಖಲೆ ಎನ್ನಬಹುದು. ಕೊರೊನಾ ಬಳಿಕ ಭಾರತದ ಮತ್ತೆ ಬಾಕ್ಸಾಫೀಸ್‌ಗೆ ಹೊಸ ಹುರುಷು ನೀಡಿದೆ. ಅದರಲ್ಲೂ ಆಂಧ್ರ, ತೆಲಂಗಾಣ ಗಲ್ಲಾಪೆಟ್ಟಿಗೆ ಗಲ ಗಲ ಅಂತಿದೆ.

RRR 2ನೇ ದಿನ ಗಳಿಕೆ ಎಷ್ಟು?

RRR ಎರಡನೇ ದಿನವೂ ಭರ್ಜರಿ ಗಳಿಕೆ ಕಂಡಿದೆ. ಸದ್ಯ ಆಂಧ್ರ ಹಾಗೂ ತೆಲಂಗಾಣದ ಕಲೆಕ್ಷನ್ ಅಷ್ಟೇ ಲಭ್ಯವಿದೆ. ಎಲ್ಲಾ ಸಿನಿಮಾಗಳಂತೆ RRR ಕೂಡ ಮೊದಲ ದಿನಕ್ಕಿಂತ ಕೊಂಚ ಇಳಿಕೆ ಕಂಡಿದೆ. ಮೂಲಗಳ ಪ್ರಕಾರ, RRR ಎರಡನೇ ದಿನ ಬರೋಬ್ಬರಿ 30 ಕೋಟಿಯಷ್ಟು ಕಲೆಕ್ಷನ್ ಆಗಿದೆ ಎನ್ನಲಾಗಿದೆ. ಈ ಮೂಲಕ RRR ಕೇಲವ ಎರಡು ದಿನಗಳಲ್ಲೇ, ಆಂಧ್ರ ಹಾಗೂ ತೆಲಂಗಾಣದಲ್ಲಿ 100 ಕೋಟಿ ಲೂಟಿ ಮಾಡಿದಂತಾಗಿದೆ. ಮೊದಲ ದಿನ 75 ಕೋಟಿ ಗಳಿಸಿದ್ರೆ, ಎರಡನೇ ದಿನ 30 ಕೋಟಿ ಗಳಿಸಿದೆ. ಒಟ್ಟು ಸೇರಿದರೆ 105 ಕೋಟಿ ಲೂಟಿ ಮಾಡಿದಂತಾಗಿದೆ.

RRR ವಿಶ್ವದಾದ್ಯಂತ ಗಳಿಸಿದ್ದೆಷ್ಟು?

RRR ಸಿನಿಮಾ ಮೊದಲ ವಿಶ್ವದಾದ್ಯಂತ ಎಲ್ಲೆಲ್ಲಿ ಎಷ್ಟೆಷ್ಟು ಲೂಟಿ ಮಾಡಿದೆ ಅಂತ ನೋಡಿದರೆ, ಆಶ್ಚರ್ಯ ಆಗುತ್ತೆ. ದೇಶದಲ್ಲಷ್ಟೇ ಅಲ್ಲದೆ ವಿದೇಶದಲ್ಲಿಯೂ ಈ ಸಿನಿಮಾ ಭರ್ಜರಿ ಗಳಿಕೆ ಕಂಡಿದೆ. ವಿಶ್ವದಾದ್ಯಂತ ಎಲ್ಲೆಲ್ಲಿ ಎಷ್ಟೆಷ್ಟು? ಲೂಟಿ ಮಾಡಿದೆ ಅನ್ನುವುದರ ಡಿಟೈಲ್ಸ್ ಇಲ್ಲಿದೆ.

AP/TG - 75 ಕೋಟಿ
Nizam- 27.5 ಕೋಟಿ
Karnataka- 14.5 ಕೋಟಿ
Tamil Nadu- 10 ಕೋಟಿ
Kerala- 04 ಕೋಟಿ
North India- 25 ಕೋಟಿ
USA 42 ಕೋಟಿ
Non USA 25 ಕೋಟಿ
Total- 223 ಕೋಟಿ

Recommended Video

RRR OTT release | ಇನ್ನೇನು OTT ಯಲ್ಲಿ ಬರಲಿದೆ RRR, ಯಾವಾಗ..? | Netflix | Ram Charan | Jr NTR

RRR 3ನೇ ದಿನದ ಗಳಿಕೆ ಲೆಕ್ಕವೇನು?

RRR ಸಿನಿಮಾ ರಜೆಗಳಿಲ್ಲದ ಸಂದರ್ಭದಲ್ಲಿ ಬಿಡುಗಡೆಯಾಗಿದೆ. ಒಂದು ಲೆಕ್ಕದ ಪ್ರಕಾರ, ಇದೇ ಸಿನಿಮಾ ದೀಪಾವಳಿ, ಸಂಕ್ರಾಂತಿ ಅಂತಹ ಹಬ್ಬದ ರಜೆ ಇರುವ ದಿನಗಳಲ್ಲಿ ರಿಲೀಸ್ ಆಗಿದ್ದರೆ, ಕಲೆಕ್ಷನ್ ಇನ್ನೂ ಹೆಚ್ಚಾಗುತ್ತಿತ್ತು. ಆದರೂ, RRR ಕಲೆಕ್ಷನ್ ಹೊಸ ದಾಖಲೆ ಎನ್ನಲಾಗುತ್ತಿದೆ. ಸದ್ಯ, RRR ಮೂರನೇ ದಿನದ ಕಲೆಕ್ಷನ್ ಶನಿವಾರ(ಮಾರ್ಚ್ 26) ಕ್ಕಿಂತ ಹೆಚ್ಚಿರುತ್ತೆ ಎಂದು ಅಂದಾಜಿಸಲಾಗಿದೆ.