ಪುಷ್ಪ 2 ಗೆ ಸೇರುತ್ತಾರಾ ಸಾಯಿ ಪಲ್ಲವಿ? ತೂಕದ ಪಾತ್ರ.. ಶೀಘ್ರದಲ್ಲೇ ಅಧಿಸೂಚನೆ!

'ಪುಷ್ಪ 2' ಸಿಕ್ಕಾಪಟ್ಟೆ ಸ್ಟ್ರಾಂಗ್

'ಪುಷ್ಪ' ಪಕ್ಕಾ ರಗಡ್ ಕ್ಯಾರೆಕ್ಟರ್ ಆಗಿದ್ದರೂ, ಸ್ಟೈಲಿಶ್ ಸ್ಟಾರ್ ಈ ಪಾತ್ರದ ಮೂಲಕ ಐಕಾನ್ ಸ್ಟಾರ್ ಆಗಿ ಹೊರಹೊಮ್ಮಿದ್ದರು. ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಕ್ಯಾರೆಕ್ಟರ್‌ಗಳು ಭಾರತದಾದ್ಯಂತ ಜನಪ್ರಿಯವಾಗಿದ್ದವು. ಹೀಗಾಗಿ ಅದ್ಭುತ ಯಶಸ್ಸಿನ ಬಳಿಕ 'ಪುಷ್ಪ 2' ಸೆಟ್ಟೇರಿದೆ. ಈ ಬಾರಿ ಪುಷ್ಪ ಮೊದಲ ಭಾಗಕ್ಕಿಂತ ಮೂರು ಪಟ್ಟು ಅದ್ಧೂರಿಯಾಗಿದೆ ಮೂಡಿ ಬರುತ್ತಿದೆ. ಮೂಲಗಳ ಪ್ರಕಾರ, ಸಿನಿಮಾದ ಬಜೆಟ್ ಕೂಡ ಮೂರು ಪಟ್ಟು ಹೆಚ್ಚಾಗಿದೆ ಎನ್ನಲಾಗಿದೆ. ಹೀಗಾಗಿ ಸುಕುಮಾರ್ ಪಾರ್ಟ್ 2ವನ್ನು ಮತ್ತಷ್ಟು ಸ್ಟ್ರಾಂಗ್ ಮಾಡಿದ್ದಾರೆ ಎನ್ನುತ್ತಿದೆ ಟಾಲಿವುಡ್.

'ಪುಷ್ಪ 2' ಸಿನಿಮಾದಲ್ಲಿ ಸಾಯಿ ಪಲ್ಲವಿ?

'ಪುಷ್ಪ' ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಜೊತೆ ಸಮಂತಾ ಐಟಂ ಸಾಂಗ್‌ ಒಂದರಲ್ಲಿ ಕಾಣಿಸಿಕೊಂಡಿದ್ದರು. "ಊ ಅಂಟಾವ ಮಾವಾ.." ಅಂತ ಭರ್ಜರಿ ಸ್ಟೆಪ್ಸ್ ಹಾಕಿದ್ದ ಸಮಂತಾ ಕೂಡ ಮಿಂಚಿದ್ದರು. ಅದೇ ಪಾರ್ಟ್ 2 ನಲ್ಲಿ ಮತ್ತೊಂದು ಸ್ಟಾರ್ ನಟಿಯನ್ನು ಕರೆತಂದಿದ್ದಾರೆ ಎನ್ನಲಾಗಿದೆ. ಅವರು ಬೇರೆ ಯಾರೂ ಅಲ್ಲ ಸಾಯಿ ಪಲ್ಲವಿ.

ಸಾಯಿ ಪಲ್ಲವಿ ಪಾತ್ರವೇನು?

'ಪುಷ್ಪ 2' ಸಿನಿಮಾದಲ್ಲಿ ಸಾಯಿ ಪಲ್ಲವಿ ಬುಡಕಟ್ಟು ಜನಾಂಗದ ಮಹಿಳೆಯಾಗಿ ಕಾಣಿಸಿಕೊಳ್ಳಿದ್ದಾರೆ ಅಂತ ವರದಿಯಾಗಿದೆ. ಈ ಬಗ್ಗೆ ನಿರ್ದೇಶಕ ಸುಕುಮಾರ್ ಶೀಘ್ರದಲ್ಲಿಯೇ ಘೋಷಣೆ ಮಾಡುವ ಸಾಧ್ಯತೆಯಿದೆ ಎನ್ನಲಾಗಿದೆ. ಸಾಯಿ ಪಲ್ಲವಿ ಜೊತೆನೇ ಕಾಲಿವುಡ್‌ ಸ್ಟಾರ್ ನಟ ವಿಜಯ್ ಸೇತುಪತಿಯನ್ನೂ ಈ ಸಿನಿಮಾ ವಿಶೇಷ ಪಾತ್ರಕ್ಕಾಗಿ ಕರೆದುಕೊಂಡು ಬರಲಿದ್ದಾರೆ ಎನ್ನಲಾಗಿದೆ. ಆದರೆ, ಈ ಬಗ್ಗೆ ಇನ್ನೂ ಅಧಿಕೃತ ಅಪ್‌ಡೇಟ್ ಬಾಕಿ ಉಳಿದಿದೆ.

ಪುಷ್ಪಗೆ ಭರ್ಜರಿ ಸಕ್ಸಸ್

ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ, ಫಹಾದ್ ಫಾಸಿಲ್ ಹಾಗೂ ಸಮಂತಾ ಸೇರಿದಂತೆ ಗಣ್ಯರೇ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ರಕ್ತ ಚಂದನ ಕಳ್ಳಸಾಗಾಣೆಯನ್ನಿಟ್ಟುಕೊಂಡು ಕಥೆ ಹೆಣೆದಿದ್ದ ಸುಕುಮಾರ್‌ ಹಾಗೂ ತಂಡಕ್ಕೆ ಭರ್ಜರಿ ಸಕ್ಸಸ್ ಸಿಕ್ಕಿತ್ತು. ಅದ್ಭುತ ಹಾಡುಗಳು, ಡೈಲಾಗ್, ಆಕ್ಷನ್ ಎಲ್ಲವೂ ಪ್ರೇಕ್ಷಕರನ್ನು ಸೆಳೆದಿತ್ತು. ಈಗ 'ಪುಷ್ಪ 2' ಸಿನಿಮಾ ಮೇಲೆ ಎಲ್ಲರ ಗಮನ ಸೆಳೆದಿದೆ.