ಸಲ್ಮಾನ್ ಖಾನ್‌ಗೆ 'ಊ ಅಂಟಾವಾ..' ಸಾಂಗ್ ಇಷ್ಟವಂತೆ: ಸಮಂತಾ ರಿಯಾಕ್ಷನ್ ಏನು?

ಸಂಚಲನ ಸೃಷ್ಟಿಸಿದ್ದ ಪುಷ್ಪ ಸಾಂಗ್

'ಪುಷ್ಪ' ಸಿನಿಮಾದ 'ಊ ಅಂಟಾವಾ...' ಹಾಡು ಬಹಳಷ್ಟು ದಿನ ಸಂಗೀತ ಮನಸ್ಸಿನಲ್ಲಿ ಗುನುಗುತ್ತಲೇ ಇತ್ತು. ಯಾವುದೇ ಭಾಷೆಯಾಗಿದ್ದರೂ ಸಂಗೀತ ಪ್ರಿಯರು 'ಊ ಅಂಟಾವಾ ಅಂತ ಹಾಡುವುದನ್ನು ಮಾತ್ರ ನಿಲ್ಲಿಸಿರಲಿಲ್ಲ. ಸಮಂತಾ ಡ್ಯಾನ್ಸ್.. ದೇವಿಶ್ರೀ ಪ್ರಸಾದ್ ಟ್ಯೂನ್ ಎಲ್ಲವೂ ಸೇರಿ ಸೂಪರ್ ಡೂಪರ್ ಹಿಟ್ ಆಗಿತ್ತು. ಅಳುಕುತ್ತಲೇ ದುಬಾರಿ ಸಂಭಾವನೆ ಪಡೆದು ಹೆಜ್ಜೆ ಹಾಕಿದ್ದ ಈ ಸಾಂಗ್‌ಗೆ ಸಲ್ಮಾನ್ ಕೂಡ ಅಭಿಮಾನಿ. ಅದಕ್ಕೆ ಸಾಕ್ಷಿನೇ ಈ ವಿಡಿಯೋ.

ಸಲ್ಮಾನ್‌ಗೆ 'ಊ ಅಂಟಾವಾ' ಸಾಂಗ್ ಇಷ್ಟ

ಐಫಾ ಅವಾರ್ಡ್ ಕಾರ್ಯಕ್ರಮದಲ್ಲಿ ಸಲ್ಮಾನ್ ಖಾನ್‌ಗೆ ನಿರೂಪಕಿಯೊಬ್ಬರು ಪ್ರಶ್ನೆ ಮಾಡಿದ್ದರು. ಕಳೆದ ವರ್ಷ ನಿಮಗೆ ಯಾವುದಾದರೂ ಸಿನಿಮಾ ಅಥವಾ ಹಾಡು ಇಷ್ಟ ಆಗಿದೆಯಾ? ಎಂದು ಕೇಳಿದ್ದರು. ಅದಕ್ಕೆ ಸಲ್ಮಾನ್ ಖಾನ್ ತಕ್ಷಣವೇ ಅಂಟಾವಾ ಮಾವ ಅಂತ ಹಾಡುತ್ತಾ ನಿರ್ಗಮಿಸುತ್ತಾರೆ. ಇದೇ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಬೇಜಾನ್ ವೈರಲ್ ಆಗುತ್ತಿದೆ. ಸಲ್ಮಾನ್ ಖಾನ್ ವಿಡಿಯೋಗೆ ಸಮಂತಾ ಕೂಡ ರಿಯಾಕ್ಷನ್ ಕೊಟ್ಟಿದ್ದಾರೆ.

ಸಮಂತಾ ರಿಯಾಕ್ಷನ್ ಏನು?

ಟಾಲಿವುಡ್ ಬ್ಯೂಟಿ ಸಮಂತಾ ಈ ಹಾಡಿನಲ್ಲಿ ಸಖತ್ ಗ್ಲಾಮರಸ್‌ ಆಗಿ ಹೆಜ್ಜೆ ಹಾಕಿದ್ದರು. ಸಮಂತಾ ಡ್ಯಾನ್ಸ್‌ ನೋಡಿ ಥಿಯೇಟರ್‌ನಲ್ಲಿ ಬೇಜಾನ್ ಶಿಳ್ಳೆಗಳು ಬಿದ್ದಿದ್ದವು. ಈಗ ಬಾಲಿವುಡ್‌ ಬಾಕ್ಸಾಫೀಸ್ ಬಾದ್‌ಷಾ ಸಲ್ಮಾನ್ ಸ್ವತ: ಇಷ್ಟ ಪಟ್ಟಿದ್ದು ಕಂಡು ಸಮಂತಾ ಥ್ರಿಲ್ ಆಗಿದ್ದಾರೆ. ಅವರೇ ಸಲ್ಮಾನ್ ಖಾನ್ ಅಭಿಮಾನಿಗಳು ಹಂಚಿಕೊಂಡ ಈ ವಿಡಿಯೋ ನೋಡಿ ಫುಲ್ ಖುಷಿಯಾಗಿದ್ದು, ಹಾರ್ಟ್ ಎಮೋಜಿ ಹಾಕಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಸಮಂತಾ ಫುಲ್ ಬ್ಯುಸಿ

ಡಿವೋರ್ಸ್ ಬಳಿಕ ಸಮಂತಾ ಫುಲ್ ಬ್ಯುಸಿಯಾಗಿದ್ದಾರೆ. ವೆಬ್ ಸೀರಿಸ್‌ನಲ್ಲಿ ನಟಿಸುತ್ತಿದ್ದಾರೆ. ಇದರೊಂದಿಗೆ 'ಶಾಕುಂತಲಂ' ಸಿನಿಮಾ ಬಿಡುಗಡೆ ಸಜ್ಜಾಗಿದೆ. ಇನ್ನೊಂದು ಕಡೆ 'ಯಶೋಧಾ' ಶೂಟಿಂಗ್ ನಡೆಯುತ್ತಿದೆ. ಬಾಲಿವುಡ್ ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಹಾಗೇ ಹಾಲಿವುಡ್ ಸಿನಿಮಾದಲ್ಲಿಯೂ ಸಮಂತಾ ನಟಿಸುತ್ತಿದ್ದಾರೆ.