ನಾಲ್ಕನೆಯ ಬಾರಿ ತೆರೆಯ ಮೇಲೆ ಕಾಣಿಸಿಕೊಳ್ಳಲಿದೆ ನಿಜ ಜೀವನದ ಜೋಡಿ

ಕೊರಿಯನ್ ರೀಮೇಕ್

ನಂದಿನಿ ರೆಡ್ಡಿ ನಿರ್ದೇಶನದ ಈ ಚಿತ್ರ ಎಮೋಷನಲ್ ಡ್ರಾಮಾ ಕಥೆಯನ್ನು ಹೊಂದಿದೆ. ಇದು ಕೊರಿಯನ್ ಚಿತ್ರವೊಂದರ ರೀಮೇಕ್ ಎಂದು ಹೇಳಲಾಗಿದೆ. ಸಮಂತಾ ನಟಿಸಿದ್ದ ನಂದಿನಿ ಅವರ ಹಿಂದಿನ ಚಿತ್ರ, 'ಓಹ್! ಬೇಬಿ' ಕೂಡ ದಕ್ಷಿಣ ಕೊರಿಯಾದ 'ಮಿಸ್ ಗ್ರ್ಯಾನಿ' ಚಿತ್ರದ ರೀಮೇಕ್ ಆಗಿತ್ತು.

ನಂದಿನಿ ನನ್ನ ಅಕ್ಕನ ಹಾಗೆ

ಸಮಂತಾ ಮತ್ತು ನಂದಿನಿ ರೆಡ್ಡಿ ಅವರ ನಡುವೆ ವೃತ್ತಿ ಹಾಗೂ ವೈಯಕ್ತಿಕವಾಗಿ ಉತ್ತಮ ಬಾಂಧವ್ಯವಿದೆ. 'ನಂದಿನಿ ನನ್ನ ಅಕ್ಕ ಇದ್ದಂತೆ. ಅವರನ್ನು ಸಂಪೂರ್ಣವಾಗಿ ನಂಬಿದ್ದೇನೆ. ಆ ನಂಬಿಕೆಯೇ ನನ್ನ ಅಭಿನಯದಲ್ಲಿ ಕಾಣಿಸಲಿದೆ. ಈ ಸಿನಿಮಾ ಮಾಡುತ್ತಿರುವುದಕ್ಕೆ ಆಕೆಯ ಬಗ್ಗೆ ಹೆಮ್ಮೆ ಇದೆ' ಎಂದು 'ಓಹ್! ಬೇಬಿ' ಚಿತ್ರದ ವೇಳೆ ಸಮಂತಾ ಹೇಳಿದ್ದರು.

ಬಿಡುಗಡೆಯಾಗಬೇಕಿರುವ ಸಿನಿಮಾ

ವಿಘ್ನೇಶ್ ಶಿವನ್ ನಿರ್ದೇಶನದ 'ಕಾದುವಾಕುಲಾ ರೆಂಡು ಕಾದಲ್' ಚಿತ್ರದಲ್ಲಿ ಸಮಂತಾ, ನಯನತಾರಾ ಜತೆಗೆ ನಟಿಸಿದ್ದಾರೆ. ವಿಜಯ್ ಸೇತುಪತಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಬೇಕಿದ್ದ ಈ ಚಿತ್ರ ಲಾಕ್‌ ಡೌನ್ ಅವಧಿ ಮುಗಿದ ಬಳಿಕ ಬಿಡುಗಡೆಯಾಗುವ ಸಾಧ್ಯತೆ ಇದೆ.

'ಬೆಂಗಳೂರು ನಾಗರತ್ನಮ್ಮ' ಬಯೋಪಿಕ್: ಅನುಷ್ಕಾ ಶೆಟ್ಟಿ ಮತ್ತು ಸಮಂತಾ ನಡುವೆ ಪೈಪೋಟಿ

ಸಮಂತಾ ತಾಯಿಯಾಗುತ್ತಿದ್ದಾರಾ?

ಈ ಬಗ್ಗೆ ಅಕ್ಕಿನೇನಿ ಕುಟುಂಬದಿಂದ ಯಾವುದೇ ಅಧಿಕೃತ ಹೇಳಿಕೆ ಹೊರಬಂದಿಲ್ಲ. ಸಮಂತಾ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಅವರು ಗರ್ಭಿಣಿಯಾಗಿದ್ದಾರೆ. ಹೀಗಾಗಿ ಚಿತ್ರರಂಗದಿಂದ ಸದ್ಯಕ್ಕೆ ದೂರವಾಗಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಅದರ ಬಗ್ಗೆ ಕೂಡ ಕುಟುಂಬ ಯಾವುದೇ ಮಾಹಿತಿ ನೀಡಿಲ್ಲ.