ನಾಗ ಚೈತನ್ಯ ಅಭಿಮಾನಿಗಳ ವಿರುದ್ಧ ತಿರುಗಿಬಿದ್ದ ಸಮಂತಾ? ನೆಟ್ಟಿಗರಿಂದ ತಿರುಗೇಟು?

ಟ್ವಿಟರ್ ವಾರ್ ಶುರುವಾಗಿದ್ದೇಕೆ?

ನಾಗಚೈತನ್ಯ ಟಾಲಿವುಡ್‌ನ ಯುವನಟಿ ಶೋಭಿತಾ ಧುಲಿಪಾಲ ಜೊತೆಗೆ ಡೇಟಿಂಗ್ ನಡೆಸಿದ್ದಾರೆ ಎನ್ನುವ ಸುದ್ದಿ ಹರಿದಾಡಿತ್ತು. ಈ ಸುದ್ದಿ ವೈರಲ್ ಆಗುತ್ತಿದ್ದಂತೆ ಸೋಶಿಯಲ್ ಮೀಡಿಯಾದಲ್ಲಿ ಪರ-ವಿರೋಧ ಚರ್ಚೆಗಳು ಆರಂಭ ಆಗಿದ್ದವು. ನಾಗಚೈತನ್ಯ ಡೇಟಿಂಗ್ ಸುದ್ದಿ ಹಬ್ಬಲು ಸಮಂತಾ ಪರೋಕ್ಷವಾಗಿ ಕಾರಣವೆಂದು ಕಮೆಂಟ್‌ಗಳು ಬಂದಿದ್ದವು. ಇದನ್ನು ನೋಡಿದ ಸಮಂತಾ ಟ್ವೀಟ್ ಮಾಡಿ ನಾಗ ಚೈತನ್ಯ ಅಭಿಮಾನಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದರು.

ಸಮಂತಾಗೆ ನೆಟ್ಟಿಗರು ತಿರುಗೇಟು?

ಸಮಂತಾ ಮಾಡಿದ ಈ ಟ್ವೀಟ್‌ಗೆ ನೆಟ್ಟಿಗರು ಮತ್ತೆ ಕಮೆಂಟ್‌ ಮಾಡಿದ್ದಾರೆ. ಇವರಲ್ಲಿ ಕೆಲವರು ಸಮಂತಾ ಬೆಂಬಲಕ್ಕೆ ಬಂದಿದ್ದರೆ, ಮತ್ತೆ ಕೆಲವರು ನಾಗಚೈತನ್ಯ ಪರ ನಿಂತಿದ್ದಾರೆ. ಒಬ್ಬರು "ನಿಮಗೆಲ್ಲ ಅವರು ಗೋಲ್ಡ್ ಆಗಿದ್ದರೆ. ನಮಗೆ ಸಮಂತಾ ಡೈಮಂಡ್ ಇದ್ದಂತೆ. ಈ ನಟಿ ಹಲವು ಹಾರ್ಡ್ ವರ್ಕ್ ಮಾಡುವ ಸ್ಟ್ರಾಂಗ್ ಆಗಿರುವ ಮಹಿಳೆಯಿರಿಗೆ ಪ್ರೇರಣೆ" ಎಂದು ಸಮಂತಾ ಬೆಂಬಲಕ್ಕೆ ನಿಂತಿದ್ದಾರೆ. ಇನ್ನೊಬ್ಬರು " ಹುಡುಗಿ ಮೇಲೆ ಎದ್ದಿರುವ ಗಾಳಿ ಸುದ್ದಿ ನಿಜವಿರಬೇಕು. ಚೈತನ್ಯ ಜೊತೆ ಲಿಂಕ್ ಆಗಿರುವ ಹೆಸರು ಹುಡುಗಿಯದ್ದಲ್ಲವೇ?" ಎಂದು ಸಮಂತಾಗೆ ಪ್ರಶ್ನೆ ಮಾಡಿದ್ದಾರೆ.

ಸ್ಯಾಮ್-ಚೈ ಕಿತ್ತಾಟ ಮನರಂಜನೆಯೇ?

ಸಮಂತಾ ಹಾಗೂ ನಾಗಚೈತನ್ಯ ಇಬ್ಬರ ಅಭಿಮಾನಿಗಳ ಕಿತ್ತಾಟಕ್ಕೆ ನೆಟ್ಟಿಗರೊಬ್ಬರು "ಎಂಟರ್‌ಟೈನ್ಮೆಂಟ್ ಎಂಟರ್‌ಟೈನ್ಮೆಂಟ್ ಎಂಟರ್‌ಟೈನ್ಮೆಂಟ್" ಎಂದು ಕಮೆಂಟ್ ಮಾಡಿದ್ದಾರೆ. ಕಳೆದ ವರ್ಷ ಅಕ್ಟೋಬರ್‌ನಿಂದ ಇಲ್ಲಿವರೆಗೂ ಇಬ್ಬರ ಅಭಿಮಾನಿಗಳೂ ಒಬ್ಬರ ಮೇಲೊಬ್ಬರಂತೆ ಕಮೆಂಟ್ ಮಾಡುತ್ತಲೇ ಇದ್ದಾರೆ. ಇದು ಯಾವಾಗ ಕೊನೆಯಾಗುತ್ತೋ ಗೊತ್ತಿಲ್ಲ. ಆದರೆ, ಸಮಂತಾ ಆಗಲಿ, ನಾಗಚೈತನ್ಯ ಆಗಲಿ ಕಮೆಂಟ್ ಮಾಡದೆ ಇರುವುದೇ ಉತ್ತಮ.

ಸಮಂತಾ ಮಾಡಿದ ಕಮೆಂಟ್ ಏನು?

ಸಲಿಗೆ ಸಮಂತಾ ಟ್ವೀಟ್‌ ಮಾಡಿ "ಹುಡುಗಿಯರ ಬಗ್ಗೆ ಗಾಸಿಪ್- ಅದು ನಿಜವೆಂದು ನಂಬಲಾಗುತ್ತದೆ. ಹುಡುಗರ ಬಗ್ಗೆ ಗಾಸಿಪ್- ಇದಕ್ಕೆ ಹುಡುಗಿಯೇ ಕಾರಣ, ಎನ್ನುತ್ತೀರಾ. ಬುದ್ಧಿವಂತರಾಗಿ. ಜಗತ್ತು ಮುಂದುವರೆಯುತ್ತಿದೆ. ನೀವೂ ಕೂಡ ಮುಂದುವರೆಯಿರಿ. ನಿಮ್ಮ ಕೆಲಸ ಮತ್ತು ಕುಟುಂಬದ ಕಡೆಗೆ ಹೆಚ್ಚಿನ ಗಮನ ಕೊಡಿ. ಮುಂದೆ ಸಾಗಿ" ಎಂದು ಬರೆದುಕೊಂಡಿದ್ದರು. ಇದಕ್ಕೆ ನೆಟ್ಟಿಗರು ಕೂಡ ಕಮೆಂಟ್ ಮಾಡಿದ್ದಾರೆ.