ವಿಚ್ಛೇದನ, ಸಾವು, ಸೋಲಿನ ಬಗ್ಗೆ ಸಮಂತಾ ಹೇಳುತ್ತಿರುವುದೇಕೆ? ಯಾಕೀ ಮಾತು?

ವಿಚ್ಛೇದನ, ಸೋಲಿನ ಬಗ್ಗೆ ಸಮಂತಾ ಹೇಳಿದ್ದೇನು?

ಸಮಂತಾ ತನ್ನ ಇನ್‌ಸ್ಟಾಗ್ರಾಂ ಸ್ಟೋರಿಸ್‌ನಲ್ಲಿ ವಿಚ್ಛೇದನ, ಸೋಲು, ಸಾವು ಹಾಗೂ ಅವಮಾನಗಳ ಬಗ್ಗೆ ಬೆಳಕು ಚೆಲ್ಲಿದ್ದಾರೆ. ಹಾಲಿವುಡ್ ನಟ ವಿಲ್ ಸ್ಮಿತ್ (Will Smith) ತನ್ನ ಪುಸ್ತಕದಲ್ಲಿ ಬರೆದ ಸಾಲುಗಳನ್ನು ಹಂಚಿಕೊಂಡಿದ್ದಾರೆ. ಈ ಸಾಲುಗಳನ್ನು ಸಮಂತಾ ಹಂಚಿಕೊಂಡಿದ್ದು ಏಕೆ ಎನ್ನುವ ಬಗ್ಗೆ ಚಿತ್ರರಂಗದಲ್ಲಿ ಚರ್ಚೆಯಾಗುತ್ತಿದೆ. ವಿಚ್ಛೇದನದ ಬಗ್ಗೆ ಬಳಿಕ ನೋವು, ಅವಮಾನಗಳನ್ನು ಎದುರಿಸಿ ನಿಂತಿರುವ ಸಮಂತಾ ಮತ್ತೆ ಇಂತಹ ಸಾಲುಗಳನ್ನು ಶೇರ್ ಮಾಡಿದ್ದರ ಬಗ್ಗೆ ಅಭಿಮಾನಿಗಳು ಗೊಂದಲಕ್ಕೆ ಒಳಗಾಗಿದ್ದಾರೆ.

ಹಾಲಿವುಡ್ ನಟನ ಬಗ್ಗೆ ಸಮಂತಾ ಹೇಳಿದ್ದೇನು?

ಭಾರತೀಯ ಚಿತ್ರರಂಗದಲ್ಲಿ ಪುಸ್ತಕಗಳನ್ನು ಓದುವ ಹವ್ಯಾಸ ಕೆಲವೇ ಕೆಲವು ನಟಿಯರಲ್ಲಿದೆ. ಇದರಲ್ಲಿ ಸಮಂತಾ ಕೂಡ ಒಬ್ಬರು. ಬಿಡುವು ಸಿಕ್ಕಾಗಲೆಲ್ಲಾ ಪುಸ್ತಕಗಳನ್ನು ಹಿಡಿದು ಕೂರುತ್ತಾರೆ. ಇಂತಹ ಹಲವು ಫೋಟೊಗಳನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಈಗ ಹಾಲಿವುಡ್ ನಟ ವಿಲ್ ಸ್ಮಿತ್ ಪುಸ್ತಕವನ್ನು ಓದಿ ಮತ್ತಷ್ಟು ಪಕ್ವವಾಗಿದ್ದಾರೆ." ಕಠಿಣ ಪರಿಶ್ರಮ, ಹಿಂದಿನ ತಪ್ಪುಗಳಿಂದ ತಿದ್ದಿಕೊಳ್ಳುವುದು, ನಮ್ಮನ್ನು ನಾವು ಕಂಡುಕೊಳ್ಳುವುದು, ಸೋಲನ್ನು ಒಪ್ಪಿಕೊಳ್ಳದೆ ಇರುವುದು. ಹಾಗೂ ಹಾಸ್ಯ ಮನೋಭಾವ ಸಹಾಯಕ್ಕೆ ಬರುತ್ತದೆ. ಎಂತಹ ಆಕರ್ಷಕ ಮತ್ತು ಸುಂದರ ಪುಸ್ತಕ, ವಿಲ್." ಎಂದು ಬರೆದುಕೊಂಡಿದ್ದಾರೆ.

ಯಾರೀ ವಿಲ್ ಸ್ಮಿತ್

ವಿಲ್ ಸ್ಮಿತಾ ಹಾಲಿವುಡ್‌ನ ಸೂಪರ್‌ಸ್ಟಾರ್. 53 ವರ್ಷದ ಈ ಅಮೆರಿಕಾದ ನಟ ನಿರ್ಮಾಪಕನೂ ಹೌದು. 'ಮೆನ್ ಇನ್ ಬ್ಲ್ಯಾಕ್', 'ಐಯಾಮ್ ಲೆಜೆಂಡ್' ಅಂತಹ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಟನೆ ಜೊತೆ ಜೊತೆಗೆ ಸಮಾಜಮುಖಿ ಕೆಲಸಗಳಲ್ಲೂ ಭಾಗಿಯಾಗಿದ್ದಾರೆ. 1992ರಲ್ಲಿ ಶೆರೀ ಜಾಂಪಿನೋ (Sheree Zampino) ಅವರೊಂದಿಗೆ ವಿಲ್ ಸ್ಮಿತ್ ವಿವಾಹವಾಗಿದ್ದರು. ಕೇವಲ ಮೂರೇ ವರ್ಷಗಳಲ್ಲಿ ವಿಲ್ ಸ್ಮಿತ್ ಕೌಟುಂಬಿಕ ಜೀವನ ಅಂತ್ಯವಾಗಿತ್ತು. ಬಳಿಕ 1997ರಲ್ಲಿ ಜಡಾ ಪಿಂಕೆಟ್ (Jada Pinkett) ಎರಡನೇ ಮದುವೆ ಆಗಿದ್ದರು. ಈ ನಟನ ಯುವಕನಾಗಿದ್ದಾಗ ವಿಚ್ಛೇದನ, ಪ್ರೀತಿ, ಸೋಲು ಇವುಗಳಿಂದ ಹೊರಬರಲು ಪರದಾಡಿದ್ದರ ಬಗ್ಗೆ ಪುಸ್ತಕದಲ್ಲಿ ಬರೆದಿದ್ದಾರೆ.

ಹಾರ್ಟ್‌ಬ್ರೇಕ್‌ಗೆ ಯಾವುದೇ ಮದ್ದಿಲ್ಲ

ಹಾಲಿವುಡ್ ನಟ ವಿಲ ಸ್ಮಿತ್ ತಾನೇ ಬರೆದ 'ವಿಲ್' ಎಂಬ ಪುಸ್ತಕದಲ್ಲಿ ತನ್ನ ವೈಯಕ್ತಿಕ ಜೀವನದ ಬಗ್ಗೆ ಬರೆದುಕೊಂಡಿದ್ದಾರೆ. ತನ್ನ 16ನೇ ವಯಸ್ಸಿನಲ್ಲಿ ಗರ್ಲ್‌ಫ್ರೆಂಡ್ ಸಿಕ್ಕಿದ್ದು, ಬಳಿಕ ಪ್ರೀತಿ ಮುರಿದು ಬಿದ್ದಿದ್ದು, ಮಲಾನೀ ಎಂಬುವವರ ಜೊತೆ ಪ್ರೀತಿ, ಆಗಲೂ ನಟನಿಗಾದ ಮೋಸ. ಆ ನೋವಿನಿಂದ ಹೊರಬರಲಾರದೆ ಪರದಾಡಿದ್ದನ್ನು ವಿಲ್ ಸ್ಮಿತ್ ತನ್ನ ಪುಸ್ತಕದಲ್ಲಿ ಬರೆದು ಕೊಂಡಿದ್ದಾರೆ." ಹಾರ್ಟ್ ಬ್ರೇಕ್‌ ಆದರೆ, ಅದಕ್ಕೆ ಯಾವುದೇ ಮದ್ದು ಇಲ್ಲ." ಎಂದು ಹೇಳಿದ್ದಾರೆ.