ರಶ್ಮಿಕಾ ಅಲ್ಲ ವಿಜಯ್ ದೇವರಕೊಂಡ ಜೊತೆ ಸಮಂತಾ ರೊಮ್ಯಾನ್ಸ್

ವಿಜಯ್-ಸಮಂತಾ ರೊಮ್ಯಾನ್ಸ್

ಸಮಂತಾ ಟಾಲಿವುಡ್‌ನ ಹ್ಯಾಪೆನಿಂಗ್ ಹೀರೊಯಿನ್. ತೆಲುಗು ಅಷ್ಟೇ ಅಲ್ಲ. ತಮಿಳು, ಹಿಂದಿ ಸಿನಿಮಾಗಳಲ್ಲೂ ಬ್ಯುಸಿಯಾಗಿದ್ದಾರೆ. ಹೊಸ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಈಗ ವಿಜಯ್ ದೇವರಕೊಂಡ ಜೊತೆ ಸಮಂತಾ ರೊಮ್ಯಾನ್ಸ್ ಮಾಡಲಿದ್ದಾರೆ. ಈ ಸಿನಿಮಾವನ್ನು ಶಿವ ನಿರ್ಮಾಣ ನಿರ್ದೇಶನ ಮಾಡುತ್ತಿದ್ದಾರೆ. ರೊಮ್ಯಾಂಟಿಕ್ ಬ್ಯಾಕ್‌ಗ್ರೌಂಡ್‌ನಲ್ಲಿ ವಿಭಿನ್ನ ಕಥೆಯನ್ನು ಹೇಳಲು ಹೊರಟಿದ್ದಾರೆ. ಈ ಕಥೆ ಕೇಳಿದ ಕೂಡಲೇ ಸಮಂತಾ ಹಾಗೂ ವಿಜಯ್ ದೇವರಕೊಂಡ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರಂತೆ.

ಮಿಲಿಟರಿ ಹಿನ್ನೆಲೆಯ ಸಿನಿಮಾ

ಶಿವ ನಿರ್ವಾಣ ಹಾರ್ಟ್ ಟಚ್ ಮಾಡುವ ಕಥೆಗಳಿಗೆ ಫೇಮಸ್. ಈ ಹಿಂದೆ ನಿರ್ದೇಶಿಸಿದ ಸಿನಿಮಾಗಳು ಕೂಡ ಈ ಕಾರಣಕ್ಕೆ ಪ್ರೇಕ್ಷಕರಿಗೆ ಇಷ್ಟ ಆಗಿದ್ದವು. ಈ ಬಾರಿ ಮಿಲಿಟರಿಯನ್ನು ಬ್ಯಾಕ್‌ ಡ್ರಾಪ್‌ ಇಟ್ಟುಕೊಂಡು ರೊಮ್ಯಾಂಟಿಕ್ ಸ್ಟೋರಿ ಹೇಳಲು ಹೊರಟಿದ್ದಾರೆ. ಇದರೊಂದಿಗೆ ಸೆಂಟಿಮೆಂಟ್ ದೃಶ್ಯಗಳು ಕೂಡ ಭರಪೂರ ಇರುತ್ತೆ ಎನ್ನಲಾಗಿದೆ. ಈ ಕಥೆ ವಿಜಯ್ ದೇವರಕೊಂಡ ಹಾಗೂ ಸಮಂತಾ ಇಬ್ಬರಿಗೂ ಇಷ್ಟ ಆಗಿದೆ. ಈ ಕಾರಣಕ್ಕೆ ಶಿವ ನಿರ್ವಾಣ ಸಿನಿಮಾಗೆ ಇಬ್ಬರೂ ಸಮ್ಮತಿಸಿದ್ದಾರೆ ಎನ್ನಲಾಗಿದೆ.

ಸಮಂತಾಗಾಗಿ 'ಮಜಿಲಿ' ನಿರ್ದೇಶಿಸಿದ ಶಿವ

ಸಮಂತಾ ಹಾಗೂ ನಾಗಚೈತನ್ಯ ನಟಿಸಿದ್ದ 'ಮಜಿಲಿ' ಚಿತ್ರ ನಿರ್ದೇಶಿಸಿದ್ದು ಇದೇ ಶಿವ ನಿರ್ವಾಣ. ಸಮಂತಾಗಿಂತ ನಾಗಚೈತನ್ಯಗೆ ಈ ಸಿನಿಮಾ ದೊಡ್ಡ ಟರ್ನಿಂಗ್ ಪಾಯಿಂಟ್ ಕೊಟ್ಟಿತ್ತು. ಆದರೆ, ವಿಜಯ್ ದೇವರಕೊಂಡ ಈ ಸಿನಿಮಾ ನಿರ್ದೇಶಕನೊಂದಿಗೆ ಹಿಂದೆಂದೂ ಕೆಲಸ ಮಾಡಿಲ್ಲ. ಸಮಂತಾ, ವಿಜಯ್ ದೇವರಕೊಂಡ ಹಾಗೂ ಶಿವ ನಿರ್ಮಾಣ ಈ ಮೂವರೂ ಒಟ್ಟಿಗೆ ಕೆಲಸ ಮಾಡುತ್ತಿರುವ ಮೊದಲ ಸಿನಿಮಾವಿದು ಎನ್ನಬಹುದು.

'ಪುಷ್ಪ' ನಿರ್ಮಾಪಕರಿಂದ ಸಿನಿಮಾ

'ಪುಷ್ಪ' ಸಿನಿಮಾ ನಿರ್ಮಿಸಿದ್ದ ಮೈತ್ರಿ ಮೂವಿ ಮೇಕರ್ಸ್ ಈ ಸಿನಿಮಾವನ್ನು ನಿರ್ಮಿಸುತ್ತಿದೆ. 'ಡಿಯರ್ ಕಾಮ್ರೇಡ್' ಬಳಿಕ ಇದೇ ಸಂಸ್ಥೆಗೆ ವಿಜಯ್ ದೇವರಕೊಂಡ ಮತ್ತೊಂದು ಸಿನಿಮಾ ಮಾಡಬೇಕಿತ್ತು. ಆ ಚಿತ್ರಕ್ಕೆ ಹೀರೋ ಅಂತ ಟೈಟಲ್ ಕೂಡ ಫಿಕ್ಸ್ ಆಗಿತ್ತು. ಆದರೆ, ಅದು ವರ್ಕ್‌ಔಟ್ ಆಗಿರಲಿಲ್ಲ. ಹೀಗಾಗಿ ಈ ಸಿನಿಮಾವನ್ನು ಮೈತ್ರಿ ಮೂವಿ ಮೇಕರ್ಸ್ ಜೊತೆ ವಿಜಯ್ ದೇವರಕೊಂಡ ಮಾಡುತ್ತಿದ್ದಾರೆ. ಈ ಹಿಂದೆ ಮಹಾನಟಿಯಲ್ಲಿ ವಿಜಯ್ ಹಾಗೂ ಸಮಂತಾ ಒಟ್ಟಿಗೆ ನಟಿಸಿದ್ದರು. ಈ ಬಾರಿ ಪೂರ್ಣ ಪ್ರಮಾಣದಲ್ಲಿ ರೊಮ್ಯಾಂಟಿಕ್ ಜೋಡಿಗಳಾಗಿ ತೆರೆಮೇಲೆ ಕಾಣಿಸಿಕೊಳ್ಳಿದ್ದಾರೆ.