ಮಗುವನ್ನು ಪತಿಯಿಂದ ಬೇರೆ ಮಾಡಲ್ಲ: ಮಾಜಿ ಪತಿ ಬಗ್ಗೆ ಮಹಾಲಕ್ಷ್ಮಿ

ರವೀಂದ್ರನ್-ಮಹಾಲಕ್ಷ್ಮಿ ವಿವಾಹ

ನಿರ್ಮಾಪಕ ರವೀಂದ್ರನ್ ಹಾಗೂ ನಟಿ ಮಹಾಲಕ್ಷ್ಮಿ ಮದುವೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ತಿರುಪತಿಯಲ್ಲಿ ಇಬ್ಬರೂ ಮದುವೆ ಆಗಿದ್ದರಿಂದ ಆಪ್ತರು ಹಾಗೂ ಕುಟುಂಬಸ್ಥರು ಮಾತ್ರ ಭಾಗವಹಿಸಿದ್ದರು. ವಿವಾಹದ ಫೋಟೊಗಳು ವೈರಲ್ ಆಗುತ್ತಿದ್ದಂತೆ ಜೋಡಿಗೆ ಕೆಲವರು ಶುಭ ಕೋರಿದರೆ, ಮತ್ತೆ ಕೆಲವರು ಹಣಕ್ಕಾಗಿಯೇ ಮದುವೆ ಆಗಿದ್ದಾರೆ ಎಂದು ಟೀಕೆ ಮಾಡಿದ್ದಾರೆ.

ದಂಪತಿಸ ಹನಿಮೂನ್

ಸೋಶಿಯಲ್ ಮೀಡಿಯಾದಲ್ಲಿ ಅದೆಷ್ಟೇ ಟ್ರೋಲ್ ಆದರೂ, ದಂಪತಿ ಇದಕ್ಕೆಲ್ಲಾ ತಲೆಕೆಡಿಸಿಕೊಂಡಿಲ್ಲ. ಮಹಾಬಲಿಪುರಂನ ಇಂಟರ್‌ಕಾಂಟಿನೆಂಟಲ್ ರೆಸಾರ್ಟ್‌ನಲ್ಲಿ ದಂಪತಿ ಹನಿಮೂನ್ ಎಂಜಾಯ್ ಮಾಡುತ್ತಿದ್ದಾರೆ. 'ಲೈಫ್ ಈಸ್ ಬ್ಯೂಟಿಫುಲ್' ಎಂದು ಮಹಾಲಕ್ಷ್ಮಿ ಬರೆದುಕೊಂಡಿದ್ದರೆ, "ಬದುಕಿಗೆ ಪ್ರೀತಿ ಬೇಕು, ಪ್ರೀತಿಗೆ ಮಹಾಲಕ್ಷ್ಮಿ ಬೇಕು" ಎಂದು ನಿರ್ಮಾಪಕ ರವೀಂದ್ರನ್ ಬರೆದು ಪೋಸ್ಟ್ ಮಾಡಿದ್ದಾರೆ.

ಬಲವಂತದ ಮದುವೆಯಲ್ಲ

ಸೋಶಿಯಲ್ ಮೀಡಿಯಾದಲ್ಲಿ ಈ ಜೋಡಿ ಮದುವೆ ವೈರಲ್ ಆಗುತ್ತಿದ್ದಂತೆ ಸಂದರ್ಶನ ನೀಡಲು ಆರಂಭಿಸಿದ್ದಾರೆ. ಇದರಲ್ಲಿ ಬಲವಂತವಾಗಿ ನಾನು ಮದುವೆಯಾಗಿಲ್ಲ. ಪತಿ ರವೀಂದ್ರನ್
ಮದುವೆಯಾಗುವಂತೆ ಬಲವಂತ ಪಡಿಸಿಲ್ಲ ಎಂದು ಹೇಳಿದ್ದಾರೆ. ಒಬ್ಬರನ್ನೊಬ್ಬರು ಪ್ರೀತಿಸಿ ಅರ್ಥ ಮಾಡಿಕೊಂಡ ಬಳಿಕ ಮದುವೆಯಾಗಿದ್ದೇವೆ. ಆದರೆ, ನಮ್ಮ ಪ್ರೀತಿ ಮಾಧ್ಯಮದವರಿಗೆ ತಿಳಿಯದಂತೆ ನೋಡಿಕೊಂಡಿದ್ದೇವೆ ಎಂದು ಹೇಳಿದ್ದಾರೆ.

ಮೊದಲ ಪತಿ ಬಗ್ಗೆ ಹೇಳಿದ್ದೇನು?

ಇದೇ ವೇಳೆ ಮಹಾಲಕ್ಷ್ಮಿ ಮೊದಲ ಪತಿ ಅನಿಲ್‌ ಅವರಿಂದ ಮಗುವನ್ನು ಬೇರ್ಪಡಿಸಿದ್ದಾರೆಂಬ ಆರೋಪ ಕೂಡ ಕೇಳಿ ಬಂದಿತ್ತು. ಅದಕ್ಕೂ ಮುಕ್ತವಾಗಿ ಮಹಾಲಕ್ಷ್ಮಿ ಉತ್ತರಿಸಿದ್ದಾರೆ. ನಾವು ವಿಚ್ಛೇದನ ಪಡೆದಲ್ಲಿಂದ ಮಗ ನನ್ನ ಬಳಿಯೇ ಇದ್ದಾನೆ. ಮೊದಲ ಪತಿ ಈಗಾಗಲೇ ಬೇರೆ ಮದುವೆಯಾಗಿದ್ದಾರೆ. ಆ ಬಳಿಕವೇ ನಾನು ಇನ್ನೊಂದು ಮದುವೆಯಾಗಿದ್ದೇನೆ. ಈ ಮದುವೆಗೆ ನನ್ನ ಮಗನ ಅನುಮತಿಯೂ ಕೂಡ ಇದೆ ಎಂದು ಸಂದರ್ಶನ ನೀಡಿದ್ದಾರೆ.