ಬಾಹುಬಲಿ-2ಕ್ಕೆ ಮೂರು ವರ್ಷದ ಸಂಭ್ರಮ: ಭಾವುಕ ಮಾತು ಹಂಚಿಕೊಂಡ ಪ್ರಭಾಸ್

ಬದುಕಿನ ಅತಿ ದೊಡ್ಡ ಚಿತ್ರ

'ಬಾಹುಬಲಿ 2 ಈ ದೇಶ ಇಷ್ಟಪಟ್ಟ ಒಂದು ಸಿನಿಮಾ ಮಾತ್ರವೇ ಅಲ್ಲ. ಆದರೆ ಅದು ನನ್ನ ಜೀವನದ ಅತಿ ದೊಡ್ಡ ಸಿನಿಮಾ ಕೂಡ' ಎಂದು 'ಬಾಹುಬಲಿ'ಯ ನಾಯಕ ಪ್ರಭಾಸ್ ಮೂರನೇ ವರ್ಷಾಚರಣೆಯ ಸಂಭ್ರಮದ ವೇಳೆ ಹೇಳಿಕೊಂಡಿದ್ದಾರೆ.

ಸ್ಮರಣೀಯ ಚಿತ್ರವಾಗಿಸಿದ್ದಾರೆ

'ನನ್ನ ಅಭಿಮಾನಿಗಳಿಗೆ, ತಂಡ ಹಾಗೂ ನಿರ್ದೇಶಕ ಎಸ್ ಎಸ್ ರಾಜಮೌಳಿ ಅವರಿಗೆ ಕೃತಜ್ಞತೆ ಸಲ್ಲಿಸುತ್ತೇನೆ. ಅವರು ಇದನ್ನು ಅತ್ಯಂತ ಸ್ಮರಣೀಯ ಚಿತ್ರವನ್ನಾಗಿಸಿದ್ದಾರೆ. ಬಾಹುಬಲಿ 2 ಮೂರು ವರ್ಷಗಳನ್ನು ಪೂರೈಸಿದೆ. ಈ ಚಿತ್ರ ಮತ್ತು ನನಗೆ ದೊರೆತ ಎಲ್ಲ ಪ್ರೀತಿಗೆ ಆಭಾರಿಯಾಗಿದ್ದೇನೆ' ಎಂದಿದ್ದಾರೆ.

ಕನಸು ನನಸಾದ ದಿನ ಎಂದ ತಮನ್ನಾ

ನಟಿ ತಮನ್ನಾ ಕೂಡ ತಮ್ಮ ಸ್ಮರಣೀಯ ಚಿತ್ರದ ಬಗ್ಗೆ ಹೆಮ್ಮೆಯಿಂದ ಹೇಳಿಕೊಂಡಿದ್ದಾರೆ. 'ಸುಂದರ ಮತ್ತು ಭವ್ಯವಾದ ಬಾಹುಬಲಿ 2ದ ಮೂರು ವೈಭವಯುತ ವರ್ಷ ಈಗಲೇ ಪೂರೈಸಿದ್ದೇವೆ ಎನ್ನುವುದನ್ನು ಊಹಿಸಲೂ ಆಗುತ್ತಿಲ್ಲ. ಎಸ್ಎಸ್ ರಾಜಮೌಳಿ ಅವರ ನಿರ್ದೇಶನದಲ್ಲಿ ನಟಿಸಬೇಕು ಎಂಬ ನನ್ನ ಕನಸು ನನಸಾದ ಸೆಟ್‌ನಲ್ಲಿನ ನನ್ನ ಮೊದಲ ದಿನವನ್ನು ಈಗಲೂ ನೆನಪಿಸಿಕೊಳ್ಳುತ್ತೇನೆ ಎಂದು ತಿಳಿಸಿದ್ದಾರೆ.

ಕಲಿಕೆಯ ಖುಷಿ ಹಂಚಿಕೊಂಡ ರಾಣಾ

ಚಿತ್ರೀಕರಣದ ವೇಳೆ ರಾಜಮೌಳಿ ಅವರಿಗೆ ಮುಖಾಮುಖಿಯಾಗಿರುವ ಚಿತ್ರ ಹಂಚಿಕೊಂಡಿರುವ ನಟ ರಾಣಾ ದಗ್ಗುಬಾಟಿ, 'ಕಲಿಕೆ ಮತ್ತು ಸಂತೋಷ' ಎಂಬ ಕ್ಯಾಪ್ಷನ್ ನೀಡಿದ್ದಾರೆ. ಅತ್ಯುತ್ತಮ ಗಳಿಗೆಯಿದು ಎಂದು ಹೇಳಿದ್ದಾರೆ. ನಟಿ ಅನುಷ್ಕಾ ಶರ್ಮಾ ಮೂರು ವರ್ಷ ಪೂರೈಸಿದ ಸಂದರ್ಭದಲ್ಲಿ ಎಲ್ಲರಿಗೂ ಧನ್ಯವಾದ ಸಲ್ಲಿಸಿದ್ದಾರೆ.