'ಗೋಲ್ಡನ್ ಲೆಗ್' ಅಂದೋರೇ ಹಿಂಗಂದ್ರೆ ಹೇಗೆ? ಕೃತಿ ಶೆಟ್ಟಿಗೆ ಸೋಲಿನ ಕಹಿ!

'ಗೋಲ್ಡನ್ ಲೆಗ್' ಆಗಿದ್ದ ಕೃತಿ ಶೆಟ್ಟಿ ಈಗೇನು?

ಕೃತಿ ಶೆಟ್ಟಿ 'ಉಪ್ಪೇನಾ' ಸಿನಿಮಾ ಸೂಪರ್‌ ಸಕ್ಸಸ್ ಆಗುತ್ತಿದ್ದಂತೆ ಕೃತಿ ಶೆಟ್ಟಿಗೆ ಬೇಡಿಕೆ ಹೆಚ್ಚಾಗಿತ್ತು. ಇದೊಂದೇ ಸಿನಿಮಾದಿಂದ ಬ್ಯಾಕ್ ಟು ಬ್ಯಾಕ್ ಆಫರ್‌ಗಳು ಹುಡುಕೊಂಡು ಬಂದಿದ್ದವು. ಹಾಗೇ ಕೃತಿ ಶೆಟ್ಟಿ ಆಯ್ಕೆ ಮಾಡಿಕೊಂಡ ಮುಂದಿನ ಎರಡೂ ಸಿನಿಮಾಗಳೂ ಕೂಡ ಬಾಕ್ಸಾಫೀಸ್‌ನಲ್ಲಿ ಗೆದ್ದು ಬೀಗಿದ್ದವು. ನಾನಿ ಜೊತೆ ನಟಿಸಿದ್ದ 'ಶ್ಯಾಮ್ ಸಿಂಘ ರಾಯ್' ಹಾಗೂ ಅಕ್ಕಿನೇನಿ ಹೀರೊಗಳೊಂದಿಗೆ ನಟಿಸಿದ್ದ 'ಬಂಗಾರ್‌ರಾಜು' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಯಶಸ್ಸು ಕಂಡಿತ್ತು. ಇಲ್ಲಿಂದ ಕೃತಿ ಶೆಟ್ಟಿಗೆ ಟಾಲಿವುಡ್‌ನ 'ಗೋಲ್ಡನ್ ಲೆಗ್'ಬ್ಯೂಟಿ ಅಂತಲೇ ಜನಪ್ರಿಯರಾಗಿದ್ದರು.

ಕೃತಿ ಶೆಟ್ಟಿ ಸೋಲಿನ ಬಗ್ಗೆ ಟೀಕೆ

ಕೃತಿ ಶೆಟ್ಟಿ ಮೂರು ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳನ್ನು ನೀಡುತ್ತಲೇ 'ಗೋಲ್ಡನ್ ಲೆಗ್' ಅನ್ನೋ ಪಟ್ಟ ಕೊಟ್ಟಿದ್ದರು. ಆದ್ರೀಗ ಈ ನಟಿ 'ಗೋಲ್ಡನ್ ಲೆಗ್' ಅನ್ನೋ ಚಾರ್ಮ್ ಅನ್ನು ಕಳೆದುಕೊಳ್ಳುತ್ತಿದ್ದಾರೆ ಅಂತ ಮಾತಾಡುತ್ತಿದ್ದಾರೆ. ಅದಕ್ಕೆ ಇತ್ತೀಚೆಗೆ ಬಿಡುಗಡೆಯಾಗಿದ್ದ ಎರಡು ಸಿನಿಮಾಗಳು. ರಾಮ್ ಪೋತಿನೇನಿ ಅಭಿನಯದ 'ದಿ ವಾರಿಯರ್' ಹಾಗೂ ನಿತಿನ್ ಜೊತೆ ನಟಿಸಿದ್ದ 'ಮಾಚೆರ್ಲಾ ನಿಯೊಜಕವರ್ಗಂ' ಸಿನಿಮಾಗಳು ಬಾಕ್ಸಾಫೀಸ್‌ ಮೋಡಿ ಮಾಡಲು ಸೋತಿವೆ. ಈ ಕಾರಣಕ್ಕೆ ಕೃತಿ ಶೆಟ್ಟಿಯನ್ನು ಟೀಕೆ ಮಾಡಲು ಆರಂಭಿಸಿದ್ದಾರೆ.

ಸಿನಿಮಾ ಆಯ್ಕೆ ಮಾಡುವಲ್ಲ ವಿಫಲ

ಕೃತಿ ಶೆಟ್ಟಿ ಒಳ್ಳೆ ಸ್ಕ್ರಿಪ್ಟ್ ಅನ್ನು ಆಯ್ಕೆ ಮಾಡಿಕೊಳ್ಳುತ್ತಿಲ್ಲ ಅನ್ನೋ ಆರೋಪ ಕೇಳಿ ಬರುತ್ತಿದೆ. 'ದಿ ವಾರಿಯರ್' ಹಾಗೂ 'ಮಾಚೆರ್ಲಾ ನಿಯೊಜಕವರ್ಗಂ' ಅಂತಹ ಸಿನಿಮಾಗಳು ಕೃತಿ ಶೆಟ್ಟಿಗೆ ಯೋಗ್ಯವಾದ ಸಿನಿಮಾ ಅಲ್ಲ ಅಂತ ಚರ್ಚೆ ಆಗುತ್ತಿದೆ. 'ಬೇಬಮ್ಮ' ಅಂತಹ ಪಾತ್ರ ಮಾಡಿದ ನಟಿಗೆ ಸಿನಿಮಾ ಆಯ್ಕೆ ಮಾಡಿಕೊಳ್ಳೋದೇ ಅಂತ ಟೀಕೆ ಮಾಡಲು ಶುರು ಮಾಡಿದ್ದಾರೆ.

ಹ್ಯಾಟ್ರಿಕ್ ಫ್ಲಾಪ್ ಬೇಡ

ಕೃತಿ ಮುಂದಿನ ಸಿನಿಮಾ 'ಆ ಅಮ್ಮಾ ಗುರಿಂಚಿ ಮೀಕು ಚೆಪ್ಪಾಲಿ'. ಈ ಸಿನಿಮಾ ಮುಂದಿನ ತಿಂಗಳು ಬಿಡುಗಡೆಯಾಗಲಿದೆ. ಸುಧೀರ್ ಬಾಬು ಈ ಸಿನಿಮಾದಲ್ಲಿ ಲೀಡ್ ರೋಲ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ, ಟಾಲಿವುಡ್ ಮಂದಿಗೆ ಈ ಸಿನಿಮಾ ಮೇಲೂ ನಂಬಿಕೆ ಇಲ್ಲ. ಹೀಗಾಗಿ ಹ್ರ್ಯಾಟ್ರಿಕ್ ಫ್ಲಾಪ್ ಕೊಡದೆ ಇರಲಿ ಅಂತ ಟಾಲಿವುಡ್‌ನಲ್ಲಿ ಚರ್ಚೆಯಾಗುತ್ತಿದೆ.