ಬಿಡುಗಡೆಗೂ ಮುನ್ನ ವಿಜಯ್ ದೇವರಕೊಂಡ 'ಲೈಗರ್' ದಾಖಲೆ ಬ್ಯುಸಿನೆಸ್: ಕರ್ನಾಟಕದಲ್ಲೆಷ್ಟು?

'ಲೈಗರ್' ಭರ್ಜರಿ ಬ್ಯುಸಿನೆಸ್

ವಿಜಯ್ ದೇವರಕೊಂಡ ಹಾಗೂ ಪುರಿ ಜಗನ್ನಾಥ್ ಕಾಂಬಿನೇಷನ್ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ಸಿನಿಮಾ ಪ್ರಕಾರಕ್ಕೆಂದು ಎಲ್ಲೆಲ್ಲಿಗೆ ತಂಡ ಹೋಗಿತ್ತೋ ಅಲ್ಲೆಲ್ಲಾ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ಜನರು ವಿಜಯ್ ದೇವರಕೊಂಡ ನೋಡಲು ಮುಗಿಬಿದ್ದಿದ್ದಾರೆ. ಇದೇ ವೇಳೆ ದಕ್ಷಿಣ ಭಾರತದ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ ಪ್ರೀ ರಿಲೀಸ್ ಬ್ಯುಸಿನೆಸ್ ಸುಮಾರು 87.70 ಕೋಟಿ ರೂ. ದಾಟಿದೆ ಎನ್ನಲಾಗಿದೆ. ಇದು ವಿಜಯ್ ದೇವರಕೊಂಡ ವೃತ್ತಿ ಬದುಕಿನಲ್ಲೇ ಅತೀ ಹೆಚ್ಚು ಬ್ಯುಸಿನೆಸ್ ಮಾಡಿದ ಸಿನಿಮಾ ಎನ್ನುತ್ತಿದ್ದಾರೆ ಟ್ರೇಡ್ ಅನಲಿಸ್ಟ್.

'ಲೈಗರ್' ಕರ್ನಾಟಕದಲ್ಲೆಷ್ಟು ಬ್ಯುಸಿನೆಸ್?

ವಿಜಯ್ ದೇವರಕೊಂಡ ಸಿನಿಮಾ ಕರ್ನಾಟಕದಲ್ಲೂ ಭರ್ಜರಿ ಬ್ಯುಸಿನೆಸ್ ಆಗಿದೆ. 'ಅಯೋಗ್ಯ' ಚಿತ್ರದ ನಿರ್ಮಾಪಕ ಚಂದ್ರಶೇಖರ್. 'ಪೊಗರು' ಸಿನಿಮಾದ ನಿರ್ಮಾಪಕ ಗಂಗಾಧರ್ ಇಬ್ಬರೂ ಸೇರಿ ಕರ್ನಾಟಕದಾದ್ಯಂತ ವಿತರಣೆ ಮಾಡುತ್ತಿದ್ದಾರೆ. ಮೂಲಗಳು ನೀಡಿರುವ ಮಾಹಿತಿ ಪ್ರಕಾರ, 'ಲೈಗರ್' ಸಿನಿಮಾವನ್ನು 4.30 ಕೋಟಿ ರೂಪಾಯಿಗೆ ಕೊಂಡುಕೊಂಡಿದ್ದು, ಚಂದ್ರಶೇಖರ್ ಎರಡು ಕೋಟಿ ರೂ. ಹಾಗೂ ಗಂಗಾಧರ 2.50 ಕೋಟಿ ರೂ. ಕೊಟ್ಟು ಶೇ. 55-45ರ ಅನುಪಾತದಲ್ಲಿ ಒಡಂಬಡಿಕೆ ಮಾಡಿಕೊಂಡಿದ್ದಾರೆ ಎನ್ನುತ್ತಿದೆ. ಆದರೆ, ಅಧಿಕೃತವಾಗಿ ಮಾಹಿತಿ ನೀಡಿಲ್ಲ.

'ಲೈಗರ್' ಎಲ್ಲೆಲ್ಲಿ ಎಷ್ಟು ಮೊತ್ತ?

'ಲೈಗರ್' ಸಿನಿಮಾದ ಪ್ರೀ ರಿಲೀಸ್ ಬ್ಯುಸಿನೆಸ್ ಬಗ್ಗೆ ಟಾಕ್ ಶುರುವಾಗಿದೆ. ಉತ್ತರ ಭಾರತ ಹಾಗೂ ದಕ್ಷಿಣ ಭಾರತದಲ್ಲಿ ಸಿನಿಮಾಗೆ ಬೇಡಿಕೆ ಹೆಚ್ಚಿದ. ಅಲ್ಲದೆ ವಿದೇಶದಲ್ಲಿ ಈ ಸಿನಿಮಾದ ಬ್ಯುಸಿನೆಸ್ ಭರ್ಜರಿಯಾಗಿ ಆಗಿದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, 'ಲೈಗರ್' ಬ್ಯುಸಿನೆಸ್ ಹೀಗಿದೆ.

ನಿಜಾಂ 25 ಕೋಟಿ ರೂ.
ಸೀಡೆಡ್ 09 ಕೋಟಿ ರೂ.
ಆಂಧ್ರ 28 ಕೋಟಿ ರೂ.
ಒಟ್ಟು 62 ಕೋಟಿ ರೂ. (ಆಂಧ್ರ-ತೆಲಂಗಾಣ)

ಕರ್ನಾಟಕ 04.50 ಕೋಟಿ ರೂ.
ತಮಿಳು 02.50 ಕೋಟಿ ರೂ.
ಕೇರಳ 01.20 ಕೋಟಿ ರೂ.
ಓವರ್‌ಸೀಸ್ 07.50 ಕೋಟಿ ರೂ.
ಉತ್ತರ ಭಾರತ 10 ಕೋಟಿ ರೂ

ಒಟ್ಟು 87.70 ಕೋಟಿ ರೂ.

'ಲೈಗರ್'ಗೆ ಭರ್ಜರಿ ರೆಸ್ಪಾನ್ಸ್

ವಿಜಯ್ ದೇವರಕೊಂಡ ಸಿನಿಮಾ 'ಲೈಗರ್' ಅಮೆರಿಕದಲ್ಲಿ ಭರ್ಜರಿ ರೆಸ್ಪಾನ್ಸ್ ಸಿಗುತ್ತಿದೆ. ಈಗಾಗಲೇ ಅಮೆರಿಕಾ ಒಂದರಲ್ಲೇ ಸುಮಾರು 9 ಸಾವಿರ ಟಿಕೆಟ್‌ಗಳು ಸೇಲ್ ಆಗಿವೆ ಎಂದು ವರದಿಯಾಗಿದೆ. ಪ್ರೀಮಿಯರ್ ಶೋ ನೋಡಲು ಜನರು ಕಾದು ಕೂತಿದ್ದು, ಇನ್ನೂ ಮೂರು ದಿನಗಳಲ್ಲಿ ಎಷ್ಟು ಟಿಕೆಟ್ ಸೇಲ್ ಆಗುತ್ತೆ ಎಂದು ಎದುರು ನೋಡುತ್ತಿದ್ದಾರೆ. ಯುಎಸ್‌ನಲ್ಲಿ ಹೊಸ ದಾಖಲೆ ಬರೆಯಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ.