ಕರಣ್ ಬರ್ತ್‌ಡೇ ಪಾರ್ಟಿಗೆ ರಾಜಮೌಳಿ, ಪ್ರಭಾಸ್, ರಾಣಾ, ಯಶ್‌ ಯಾಕೆ ಹೋಗಿಲ್ಲ?

Recommended Video

ಸೌತ್ ಸ್ಟಾರ್ ನಟರು ಯಾಕೆ ಇರಲಿಲ್ಲಾ ಕರಣ್ ಪಾರ್ಟಿಯಲ್ಲಿ? | #Yash #KaranJohar #Rajamouli

ರಾಜಮೌಳಿ, ಪ್ರಭಾಸ್, ರಾಣಾ ಹೋಗಿಲ್ಲ

'ಬಾಹುಬಲಿ' ತಂಡ ಕರಣ್‌ ಜೋಹರ್‌ಗೆ ತುಂಬಾನೇ ಚಿರಪರಿಚಿತ. 'ಬಾಹುಬಲಿ' ಹಿಂದಿ ಅವತರಣಿಕೆ ಬಾಲಿವುಡ್‌ನಲ್ಲಿ ದಾಖಲೆ ಬರೆಯುವುದಕ್ಕೆ ಕಾರಣವೇ ಕರಣ್ ಜೋಹರ್. ಅಲ್ಲಿಂದ ಕರಣ್ ಹಾಗೂ ರಾಜಮೌಳಿಯ ಸಂಬಂಧ ಮತ್ತಷ್ಟು ಗಟ್ಟಿಗೊಂಡಿತ್ತು. ಇದೇ ವೇಳೆ ಪ್ರಭಾಸ್ ಹಾಗೂ ರಾಣಾ ದಗ್ಗುಬಾಟಿ ಕೂಡ ಕರಣ್‌ಗೆ ಆತ್ಮೀಯರಾಗಿದ್ದರು. ಹೀಗಿದ್ರೂ, ಈ ಮೂವರು ಯಾಕೆ ಪಾರ್ಟಿಗೆ ಹೋಗಿಲ್ಲ ಅನ್ನುವುದೇ ದೊಡ್ಡ ಪ್ರಶ್ನೆಯಾಗಿ ಎಲ್ಲರನ್ನೂ ಕಾಡುತ್ತಿದೆ.

ರಾಕಿ ಭಾಯ್‌ಗೆ ಕರೆದಿಲ್ವಾ ಕರಣ್ ಜೋಹರ್?

ಕರಣ್ ಜೋಹರ್ ತಮ್ಮ 50ನೇ ವರ್ಷದ ಹುಟ್ಟುಹಬ್ಬಕ್ಕೆ ಬಾಲಿವುಡ್‌ನ ಸಾಕಷ್ಟು ತಾರೆಯರಿಗೆ ಆಹ್ವಾನ ನೀಡಿದ್ದರು. ಅದರಂತೆ, ಬಾಲಿವುಡ್‌ನ ಪ್ರಮುಖ ತಾರೆಯರು ಭಾಗವಹಿಸಿದ್ದರು. ಆದರೆ, ತೆಲುಗಿನಿಂದ ಕೇವಲ ಮೂರು ಮಂದಿ ಹೋಗಿದ್ದರಷ್ಟೇ. ಇತ್ತೀಚೆಗಷ್ಟೇ ಕರಣ್ ಜೋಹರ್ 'ಕೆಜಿಎಫ್ 2' ಟ್ರೈಲರ್ ಲಾಂಚ್ ಮಾಡಿ ಹೋಗಿದ್ದರು. ಹೀಗಿದ್ದರೂ, ರಾಕಿ ಭಾಯ್ ಬಾಲಿವುಡ್‌ನ ಸೆಲೆಬ್ರೆಟಿ ನಿರ್ಮಾಪಕ ಕಮ್ ನಿರ್ದೇಶಕನ ಬರ್ತ್‌ಡೇ ಪಾರ್ಟಿಗೆ ಯಾಕೆ ಹೋಗಿಲ್ಲ ಅನ್ನುವ ಚರ್ಚೆಯಂತೂ ಆಗುತ್ತಿದೆ.

ಕೆಲವರಿಗೆ ಮಾತ್ರ ಆಹ್ವಾನ

ಕರಣ್ ಜೋಹರ್ ಕೆಲವರಿಗೆ ಆಹ್ವಾನ ನೀಡಲ್ಲ. ಇದಕ್ಕೆ ಕಾರಣವಿದೆ ಎನ್ನುತ್ತಿದೆ ಬಾಲಿವುಡ್. ಕರಣ್ ತನ್ನೊಂದಿಗೆ ಈಗ ಕೆಲಸ ಮಾಡುತ್ತಿರುವವರಿಗೆ ಆಹ್ವಾನ ನೀಡಿದ್ದಾರೆ. ಜೊತೆಗೆ ಬಾಲಿವುಡ್‌ನಲ್ಲಿ ತನಗೆ ಆಪ್ತರಾಗಿರುವವರಿಗೆ ಮಾತ್ರ ಆಹ್ವಾನ ನೀಡಿದ್ದು, ಉದ್ದೇಶ ಪೂರ್ವಕವಾಗಿಯೇ ರಾಜಮೌಳಿ, ಪ್ರಭಾಸ್, ರಾಣಾ ಹಾಗೂ ಯಶ್‌ಗೆ ಆಹ್ವಾನ ನೀಡಿಲ್ಲ ಎನ್ನಲಾಗಿದೆ.

ಬಾಲಿವುಡ್ ದಿಗ್ಗಜರಿಗೆ ಗ್ರ್ಯಾಂಡ್ ಪಾರ್ಟಿ

ಕರಣ್ ಪಾರ್ಟಿಗೆ ಸೈಫ್ ಅಲಿಖಾನ್, ಕರೀನಾ ಕಪೂರ್ ಖಾನ್, ಹೃತಿಕ್ ರೋಷನ್, ಆಮಿರ್ ಖಾನ್, ಕಿರಣ್ ರಾವ್, ತಾರಾ ಸುತಾರಿಯಾ, ವಾಣಿ ಕಪೂರ್, ರಣ್‌ಬೀರ್ ಕಪೂರ್, ಅನುಷ್ಕಾ ಶರ್ಮಾ, ರಾಣಿ ಮುಖರ್ಜಿ ಸೇರಿದಂತೆ ಹಲವು ಮಂದಿ ಬಾಲಿವುಡ್ ದಿಗ್ಗಜರು ಈ ಗ್ರ್ಯಾಂಡ್ ಪಾರ್ಟಿಯಲ್ಲಿ ಎಂಜಾಯ್ ಮಾಡಿದ್ದಾರೆ.