ಪ್ರೀತಿ, ಮದುವೆ, ಬ್ರೇಕಪ್ ಕುರಿತು ರಾಜ್‌ ಬಿ ಶೆಟ್ಟಿ ಮನದಾಳದ ಮಾತು: ರಾಜ್ ಪ್ರೀತಿಸುತ್ತಿರುವ ಹುಡುಗಿ ಯಾರು ಗೊತ್ತಾ?

ರಾಜ್‌ ಬಿ ಶೆಟ್ಟಿ ಪದವಿ ಓದುತ್ತಿರುವಾಗ ಒಂದು ಹುಡುಗಿಯನ್ನು ಪ್ರೀತಿಸುತ್ತಿದ್ದರಂತೆ. ಇವರಿಬ್ಬರು ಬರೋಬ್ಬರಿ ಆರು ವರ್ಷಗಳ ಕಾಲ ಪ್ರೀತಿಸಿದ್ದರಂತೆ. ರಾಜ್ ತಮರಮ ರಿಲೇಷನ್‌ಶಿಪ್ ಶುರುವಾದಗಲೇ ಆ ಹುಡುಗಿ ಬಳಿ 'ನೀನು ಬಿಟ್ಟು ಹೋಗುತ್ತೀಯಾ ಅಂದರೆ ನಾನು ಕಾರಣ ಕೇಳುವುದಿಲ್ಲ' ಎಂದಿದ್ದೆ.  ಅದು ಹಾಗೆಯೇ ಆಯಿತು. ೬ ವರ್ಷದ ನಂತರ ನಮ್ಮಿಬ್ಬರ ಬ್ರೇಕಪ್ ಆಯಿತು. ಅವಳು ಬಿಟ್ಟು ಹೋಗದೇ ಹಾಗೆಯೇ ಇದ್ದರೆ ನಾನು ಕೆಟ್ಟ ಮನುಷ್ಯನಾಗಿಯೇ ಉಳಿಯುತ್ತಿದ್ದೆ. ಹಾಗಂತ ನಾನೀಗ ಒಳ್ಳೆಯವನಾಗಿದ್ದೇನೆ ಅಂತಲ್ಲ. ಕೊನೆಪಕ್ಷ ನಾನು ಎಷ್ಟು ಕೆಟ್ಟವನು ಅನ್ನೋದು ಈಗ ನನಗೆ ಗೊತ್ತಾಗಿದೆ. ಅವಳು ಬ್ರೇಕಪ್ ಮಾಡಿದ್ದರಿಂದಲೇ ನಾನು ಬೆಳೆದೆ. ಅವಳು ನನಗೆ ಪ್ರೀತಿ ಕೊಡಲು ಬಂದಿರಲಿಲ್ಲ ಅನ್ನೋದು ನಂತರದಲ್ಲಿ ಗೊತ್ತಾಯಿತು. ಹಾಗಂತ ನಾನು ಅವಳನ್ನು ದೂಷಿಸುವುದಿಲ್ಲ, ಗೌರವಿಸುತ್ತೇನೆ. ನಾನು ಯೋಗ್ಯ ಅಲ್ಲ ಅನ್ನೋದನ್ನು ತೋರಿಸಿ ಹೋದಳು ಎಂದಿದ್ದಾರೆ.  

ಹಳೆಯ ಬ್ರೇಕಪ್ ಬಗ್ಗೆ ಹೇಳಿಕೊಂಡಿರುವ ರಾಜ್‌, ಈಗಲೂ ಒಂದು ರಿಲೇಶನ್‌ಶಿಪ್ ಇದೆ. ಇಬ್ಬರು ಜೀವನದ ಹುಡುಕಾಟದಲ್ಲಿದ್ದೇವೆ. ನಂದೇನೂ ರೂಲ್ಸ್ ಇಲ್ಲ. ಹಾಗೆಯೇ ಅವಳದ್ದೂ ಇಲ್ಲ. ನಾವು ಖುಷಿಯಾಗಿದ್ದೇವೆ. ನೀನು ಬದುಕು ಕಲಿ, ನಾನು ಬದುಕು ಕಲಿಯುತ್ತೇನೆ ಎಂಬ ಮನಸ್ಥಿತಿ ಎಂದು ಅವರ ಈಗಿನ ಪ್ರೀತಿಯ ಕುರಿತು ಹೇಳಿದ್ದಾರೆ. ಆದೆ, ಹುಡುಗಿ ಯಾರು ಅಂತ ಮಾತ್ರ ಹೇಳಿಲ್ಲ. 

ಮದುವೆಯಾಗುವ ಹುಡುಗೆ ನೀವು ಬದಲಾಗಬೇಕೆಂದರೆ ಏನು ಮಾಡ್ತೀರಿ? ಎಂಬ ಪ್ರಶ್ನೆಗೆ ಉತ್ತರಿಸಿದ ರಾಜ್, ನಾನು ಇರೋದು ಇಷ್ಟೇ. ನಾನಿರೋದೆ ಒಂದು ಲೋಟ. ಆ ನೀರನ್ನು ಚೊಂಬಿಕೆ ಹಾಕಿ ತುಂಬಿಸುತ್ತೇನೆ ಎಂದರೆ ಅದು ಸಾಧ್ಯವಿಲ್ಲ. ನಾನು ಇರುವ ಹಾಗೆ ಇರೋಕೆ ಬಿಡಿ. ನೀನು ಹೇಗಿದ್ದರೂ ನಾನು ಅದಕ್ಕೆ ಪ್ರಶ್ನೆ ಮಾಡಲ್ಲ. ಇಬ್ಬರೂ ಬೆಳೆಯುತ್ತಾ ಹೋಗಬೇಕು. ಪ್ರಭುದ್ಧತೆ ಇರುವ ವ್ಯಕ್ತಿ ಕಂಡೀಷನ್ ಹಾಕಲ್ಲ ಎಂದಿದ್ದಾರೆ. 

ಮದುವೆ ವಿಚಾರದಲ್ಲಿ ಒಬ್ಬೊಬ್ಬರಿಗೆ ಒಂದೊಂದು ನಂಬಿಕೆ ಇರುತ್ತದೆ. ಕೆಲವರಿಗೆ ಲವ್ ಮ್ಯಾರೇಜ್ ಇಷ್ಟವಿರುವುದಿಲ್ಲ. ಇನ್ನು ಕೆಲವರಿಗೆ ಪ್ರೀತಿಸಿಯೇ ಮದುವೆಯಾಗಬೇಕೆಂಬ ಆಸೆ ಇರುತ್ತದೆ. ನನಗೆ ಲವ್ ಮ್ಯಾರೇಜ್ ಇಷ್ಟ. ಇದರಲ್ಲಿ ತಪ್ಪು ಮಾಡೋಕೆ ಸಾಕಷ್ಟು ಅವಕಾಶಗಳಿವೆ. ಮದುವೆ ಬಳಿಕ ಅವರಿಗೋಸ್ಕರ ನಾವೊಂದು ಹೆಜ್ಜೆ ಇಡುತ್ತೇವೆ. ನಮಗೋಸ್ಕರ ಅವರೊಂದು ಹೆಜ್ಜೆ ಇಡುತ್ತಾರೆ. ಆಗ ಇಬ್ಬರೂ ಬೇರೆ ಕಡೆ ಹೋಗಬೇಕು ಎಂಬುದು ಗೊತ್ತಾಗುತ್ತದೆ ಎಂದಿದ್ದಾರೆ. 

ಜೊತೆಗೆ ಡಿವೋರ್ಸ್ ಕುರಿತು ಮಾತನಾಡಿದ ಅವರು, ಡಿವೋರ್ಸ್ ಅನ್ನೋದು ನನಗೆ ಕೆಟ್ಟ ಶಬ್ಧ ಅನಿಸುವುದಿಲ್ಲ. ಡಿವೋರ್ಸ್ ಎಂದಾಕ್ಷಣ ಒಬ್ಬಳನ್ನು ಗಂಡನನ್ನು ಬಿಟ್ಟು ಬಂದವಳು, ಹೆಂಡ್ತಿನಾ ಬಿಟ್ಟು ಬಂದವನು ಎಂದು ನೋಡಬೇಕಾದ ಅಗತ್ಯವಿಲ್ಲ. ಒಬ್ಬ ಮನುಷ್ಯ ಖುಷಿಯಾಗಿರಬೇಕು ಎಂದು ಡಿಸೈಡ್ ಮಾಡುವುದು ಯಾವುದೇ ಕಾರಣಕ್ಕೂ ತಪ್ಪಲ್ಲ. ಅದು ಲಿವ್‌ಇನ್‌ನಲ್ಲಾದರೆ ಅದರಲ್ಲಿ, ಲವ್‌ನಲ್ಲಿ ಆದರೆ ಅದರಲ್ಲಿ, ಮದುವೆಯಲ್ಲಿ ಆದರೆ ಮದುವೆಯಲ್ಲಿ ಅಷ್ಟೇ ಎಂದಿದ್ದಾರೆ.