Anubandha Award 2024: ಈ 7 ನಟಿಯರ ಪೈಕಿ ಕಲರ್ಸ್‌ ಕನ್ನಡದ ಜನಮೆಚ್ಚಿದ ಮಂಥರೆ ಪ್ರಶಸ್ತಿ ಗೆಲ್ಲೋದ್ಯಾರು?

ಕಲರ್ಸ್ ಕನ್ನಡದ ಅನುಬಂಧ ಅವಾರ್ಡ್ 2024 ಜನ ಮೆಚ್ಚಿದ ಮಂಥರೆ ವಿಭಾಗದಲ್ಲಿ ಭಾಗ್ಯಲಕ್ಷ್ಮೀ ಧಾರಾವಾಹಿಯಿಂದ ಶ್ರೇಷ್ಠಾ ಪಾತ್ರಧಾರಿ ಆಯ್ಕೆಯಾಗಿದ್ದಾರೆ. ಈ ಸೀರಿಯಲ್‌ನಲ್ಲಿ ಪಾತ್ರ ಮಾಡುತ್ತಿರುವ ನಟಿಯ ಹೆಸರು ಕಾವ್ಯ ಗೌಡ. ಮೂಲತಃ ಬೆಂಗಳೂರಿನವರೇ ಆದ ಈ ನಟಿ, ಭಾಗ್ಯಲಕ್ಷ್ಮೀಯಲ್ಲಿ ವಿಲನ್ ಆಗಿ ಕಾಣಿಸಿಕೊಂಡಿದ್ದಾರೆ.

ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಿಂದ ಕಾವೇರಿ ಪಾತ್ರಧಾರಿ ಆಯ್ಕೆಯಾಗಿದ್ದಾರೆ. ಈ ಪಾತ್ರ ಮಾಡುತ್ತಿರುವ ನಟಿಯ ಹೆಸರು ಸುಷ್ಮಾ ನಾಣಯ್ಯ. ಮೂಲತಃ ಕೊಡಗಿನವರಾದ ಈ ನಟಿ, ಈ ಹಿಂದೆ ಅಶ್ವಿನಿ ನಕ್ಷತ್ರ ಧಾರಾವಾಹಿಯಲ್ಲಿ ನಟಿಸಿದ್ದರು. ಇದೀಗ ಲಕ್ಷ್ಮೀಬಾರಮ್ಮದಲ್ಲಿ ವೈಷ್ಣವ್ ತಾಯಿ ಕಾವೇರಿ ಕಶ್ಯಪ್ ಪಾತ್ರದಲ್ಲಿ ಅದ್ಭುತವಾಗಿ ನಟಿಸುತ್ತಿದ್ದಾರೆ.

ರಾಮಾಚಾರಿ ಸೀರಿಯಲ್‌ನ ವೈಶಾಖ ಪಾತ್ರ ಕೂಡ ಸಿಕ್ಕಾಪಟ್ಟೆ ಜನಪ್ರಿಯತೆ ಪಡೆದುಕೊಂಡಿದೆ. ಈ ಪಾತ್ರದಲ್ಲಿ ನಟಿಸುತ್ತಿರುವ ನಟಿಯ ಹೆಸರು ಐಶ್ವರ್ಯಾ ಸಾಲಿಮಠ. ಮೂಲತಃ ಧಾರಾವಾಡದವರಾದ ಈ ನಟಿ, ಈ ಹಿಂದೆ ಅಗ್ನಿಸಾಕ್ಷಿ ಹಾಗೂ ಸೇವಂತಿ ಸೀರಿಯಲ್ ಮೂಲಕ ಗಮನ ಸೆಳೆದಿದ್ದರು. ಸದ್ಯ ರಾಮಾಚಾರಿಯಲ್ಲಿ ವಿಲನ್ ಆಗಿ ಮಿಂಚುತ್ತಿದ್ದಾರೆ.

ಕೆಂಡಸಂಪಿಗೆ ಸೀರಿಯಲ್‌ನಿಂದ 'ಸಾಧನಾ' ಜನ ಮೆಚ್ಚಿದ ಮಂಥರೆ ಅವಾರ್ಡ್‌ಗೆ ನಾಮಿನೇಟ್ ಆಗಿದ್ದಾರೆ. ಈ ಪಾತ್ರವನ್ನು ಕುಲವಧು ಹಾಗೂ ಮಿಸ್ಟರ್ ಆಂಡ್ ಮಿಸಸ್ ರಂಗೇಗೌಡ ಧಾರಾವಾಹಿ ಖ್ಯಾತಿಯ ಅಮೃತಾ ರಾಮಮೂರ್ತಿ ನಿರ್ವಹಿಸುತ್ತಿದ್ದಾರೆ. ಈ ಹಿಂದೆ ನಾಯಕಿಯಾಗಿ ಜನಮನಗೆದ್ದಿದ್ದ ಈ ನಟಿ ಇದೇ ಮೊದಲ ಬಾರಿಗೆ ವಿಲನ್ ಆಗಿ ಅಭಿನಯಿಸಿದ್ದರು. ಸದ್ಯ ಕೆಂಡಸಂಪಿಗೆ ಧಾರಾವಾಹಿ ಮುಕ್ತಾಯದ ಹಂತದಲ್ಲಿದೆ.

ಇನ್ನು ಅಂತರಪಟ ಧಾರಾವಾಹಿಯಿಂದ ಅಮಲಾ, ಕರಿಮಣಿ ಧಾರಾವಾಹಿಯಿಂದ ನಳಿನಿ ಹಾಗೂ ಶ್ರೀಗೌರಿ ಸೀರಿಯಲ್‌ನಿಂದ ಅರ್ಚನಾ ಪಾತ್ರಧಾರಿ ಜನ ಮೆಚ್ಚಿದ ಮಂಥರೆ ಅವಾರ್ಡ್‌ಗೆ ನಾಮಿನೇಟ್ ಆಗಿದ್ದಾರೆ. ಈ ಎಲ್ಲಾ ಪಾತ್ರಧಾರಿಗಳು ತುಂಬಾ ಅದ್ಭುತವಾಗಿ ತಮ್ಮ ಪಾತ್ರ ನಿರ್ವಹಿಸುತ್ತಿದ್ದು, ಅನುಬಂಧ ಆವಾರ್ಡ್ ಯಾರಿಗೆ ಸಿಗಲಿದೆ ಎಂಬುದನ್ನು ಕಾಮೆಂಟ್ ಮೂಲಕ ತಿಳಿಸಿ.