ಸಾಹಸಸಿಂಹ ಡಾ. ವಿಷ್ಣುವರ್ಧನ್ ನಟಿಸಿದ ತಮಿಳು ಸಿನಿಮಾಗಳ ಪಟ್ಟಿ

ಸಿ.ವಿ. ಶ್ರೀಧರ್ ನಿರ್ದೇಶಿಸಿ ನಿರ್ಮಾಣ ಮಾಡಿದ ಅಲೈಗಳ್ ಚಿತ್ರದಲ್ಲಿ ವಿಷ್ಣುವರ್ಧನ್ ಜೊತೆ ಚಂದ್ರಕಲಾ ನಾಯಕಿಯಾಗಿ ನಟಿಸಿದ್ದರು. ಇದು ವಿಷ್ಣು ನಟಿಸಿದ ಮೊದಲ ತಮಿಳು ಚಿತ್ರ. 1973 ರಲ್ಲಿ ತೆರೆಕಂಡಿತ್ತು.

ವಿಷ್ಣುವರ್ಧನ್ ಮತ್ತು ಸುಮಿತ್ರಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ ಈ ಚಿತ್ರ ಕನ್ನಡ ಮತ್ತು ತಮಿಳು ಭಾಷೆಗಳಲ್ಲಿ ಏಕಕಾಲದಲ್ಲಿ ಚಿತ್ರೀಕರಣವಾಯಿತು. ತಮಿಳಿನಲ್ಲಿ ಮಳಳೈ ಪಟ್ಟಾಳಂ ಹೆಸರಿನಲ್ಲಿ ತೆರೆಕಂಡರೆ, ಕನ್ನಡದಲ್ಲಿ ಮಕ್ಕಳ ಸೈನ್ಯ ಹೆಸರಿನಲ್ಲಿ ತೆರೆಕಂಡಿತ್ತು. ಇದನ್ನು ಆಗಿನ ಕಾಲದ ಟ್ರೆಂಡಿಂಗ್ ನಟಿ ಜೂಲಿ ಲಕ್ಷ್ಮಿ ನಿರ್ದೇಶಿಸಿದ್ದು ವಿಶೇಷ.

ರಾಜಶೇಖರ್ ನಿರ್ದೇಶನದಲ್ಲಿ ಮೂಡಿಬಂಡ ಎಟ್ಟಿ ಚಿತ್ರದಲ್ಲಿ ವಿಷ್ಣುವರ್ಧನ್ ಮತ್ತು ವಿಜಯಕಾಂತ್ ನಾಯಕರಾಗಿ ನಟಿಸಿದ್ದರು. ಚಿತ್ರದಲ್ಲಿ ವಿಷ್ಣುವರ್ಧನ್ ಪೋಲಿಸ್ ಪಾತ್ರದಲ್ಲಿ ಮಿಂಚಿದ್ದರು.

ಮಂತ್ರಾಲಯದ ಗುರು ರಾಘವೇಂದ್ರರ ಮೇಲೆ ಆಧಾರಿತ ' ಶ್ರೀ ರಾಘವೇಂದ್ರ' ಚಿತ್ರದಲ್ಲಿ ರಜನಿಕಾಂತ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರೆ, ವಿಷ್ಣುವರ್ಧನ್ ವಿಶೇಷ ಪಾತ್ರದಲ್ಲಿ ನಟಿಸಿದ್ದರು. ವಿಷ್ಣುವರ್ಧನ್ ರಜನಿ ಮೇಲಿನ ಸ್ನೇಹ ಮತ್ತು ಪ್ರೀತಿಗಾಗಿ ಈ ಪಾತ್ರದಲ್ಲಿ ನಟಿಸಿದ್ದರು.

ವಿಡುತಲೈ ಚಿತ್ರದಲ್ಲಿ ರಜನಿಕಾಂತ್ ಮತ್ತು ವಿಷ್ಣುವರ್ಧನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರೆ, ಶಿವಾಜಿ ಗಣೇಶನ್ ವಿಶೇಪ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರ ಹಿಂದಿಯ ಕುರ್ಬಾನಿ ಚಿತ್ರದ ರಿಮೇಕ್ ಆಗಿತ್ತು.