100ಕ್ಕೂ ಹೆಚ್ಚು ದಿನಗಳ ಕಾಲ ಪ್ರದರ್ಶನಗೊಂಡ ಪುನೀತ್ 13 ಸಿನಿಮಾಗಳ ಪಟ್ಟಿ

ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ನಾಯಕನಾಗಿ ಎಂಟ್ರಿ ಕೊಟ್ಟ ಮೊದಲ ಅಪ್ಪು. ಈ ಸಿನಿಮಾವನ್ನು ಪೂರಿ ಜಗನ್ನಾಥ್ ನಿರ್ದೇಶಿಸಿದ್ದು, 2002ರ ಏಪ್ರಿಲ್ 26ರಂದು ರಿಲೀಸ್ ಆಗಿತ್ತು. ಅಪ್ಪು ಆಕ್ಷನ್, ಡ್ಯಾನ್ಸ್ ನೋಡಿ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದ್ದರು. ಲವ್‌ಸ್ಟೋರಿ, ಆಕ್ಷನ್, ಕಾಮಿಡಿ ಎಲ್ಲಾ ಎಲಿಮೆಂಟ್ಸ್‌ ಈ ಸಿನಿಮಾದಲ್ಲಿತ್ತು. ಅಪ್ಪು ನಾಯಕನಾದ ಮೊದಲ ಸಿನಿಮಾ ಥಿಯೇಟರ್‌ಗಳಲ್ಲಿ 100 ದಿನ ಅಲ್ಲ, 200 ದಿನ ಓಡಿತ್ತು. 

ದಿನೇಶ್ ಬಾಬು ನಿರ್ದೇಶನದಲ್ಲಿ ಮೂಡಿಬಂದಿರುವ ಅಭಿ ಚಿತ್ರದಲ್ಲಿ ಪುನೀತ್ ರಾಜಕುಮಾರ್ ಮತ್ತು ರಮ್ಯಾ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದರು. ವಜ್ರೇಶ್ವರಿ ಕಂಬೈನ್ಸ್ ಅಡಿ ಪಾರ್ವತಮ್ಮ ರಾಜಕುಮಾರ್ ಈ ಚಿತ್ರವನ್ನು ನಿರ್ಮಿಸಿದ್ದರು. ಇದು ನಟಿ ರಮ್ಯಾ ಅವರ ಮೊದಲ ಸಿನಿಮಾವಾಗಿದ್ದು, ಸೂಪರ್ ಹಿಟ್ ಆಗಿತ್ತು. 

ವೀರ ಕನ್ನಡಿಗ ಚಿತ್ರದಲ್ಲಿ ಪುನೀತ್ ರಾಜ್‌ಕುಮಾರ್ ನಾಯಕನಾಗಿ ಮತ್ತು ನಟಾಶಾ ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ಅಭಿನಹಿಸಿದ್ದರು. ರಮೇಶ್ ಅವರ ನಿರ್ದೇಶನದ ಈ ಸಿನಿಮಾ 14 ವಾರಗಳ ಕಾಲ ಓಡಿತ್ತು.  

ಮೌರ್ಯ ಸಿನಿಮಾ ಅಕ್ಬೋಬರ್ 22, 2004ರಂದು ರಿಲೀಸ್ ಆಗಿತ್ತು. ಚಿತ್ರಕ್ಕೆ ಎಸ್. ನಾರಾಯಣ್ ಆಕ್ಷನ್ ಕಟ್ ಹೇಳಿದ್ದರು. ಚಿತ್ರದಲ್ಲಿ ಪುನೀತ್ ಗೆ ನಾಯಕಿಯಾಗಿ ಮೀರಾ ಜಾಸ್ಮೀನ್ ಕಾಣಿಸಿಕೊಂಡಿದ್ದರು. ಪುನೀತ್ ತಾಯಿ ಪಾತ್ರದಲ್ಲಿ ಖ್ಯಾತ ನಟಿ ರೋಜಾ ಬಣ್ಣ ಹಚ್ಚಿದ್ದರು. ಮೌರ್ಯ ಸಿನಿಮಾ ತೆಲುಗು ಸಿನಿಮಾದ ರಿಮೇಕ್. 'ಅಮ್ಮ ನಾನಾ ಓ ತಮಿಳಾ ಅಮ್ಮಾಯಿ' ಚಿತ್ರದ ಕನ್ನಡ ರಿಮೇಕ್ ಮೌರ್ಯ. 'ಅಮ್ಮ ನಾನಾ ಓ ತಮಿಳಾ ಅಮ್ಮಾಯಿ' ಚಿತ್ರಕ್ಕೆ ಖ್ಯಾತ ನಿರ್ದೇಶಕ ಪುರಿ ಜಗನ್ನಾಥ್ ಆಕ್ಷನ್ ಕಟ್ ಹೇಳಿದ್ದರು. ಈ ಸಿನಿಮಾ ಕೂಡ 100ಕ್ಕೂ ಹೆಚ್ಚು ದಿನಗಳ ಕಾಲ ಪ್ರದರ್ಶನಗೊಂಡಿತ್ತು. 

'ಆಕಾಶ್' ಮಹೇಶ್ ಬಾಬು ನಿರ್ದೇಶನ ಮಾಡಿದ ಮೊದಲ ಸಿನಿಮಾ. ಅಣ್ಣವ್ರು ಕುಟುಂಬ ನಂಬಿಕೆ ಇಟ್ಟು ಈ ಸಿನಿಮಾವನ್ನು ಅವರಿಗೆ ನೀಡಿತ್ತು. ಅದೇ ರೀತಿ ಕೆಲಸ ಮಾಡಿ ಮಹೇಶ್ ಬಾಬು ಮೊದಲ ಸಿನಿಮಾದಲ್ಲಿಯೇ ದೊಡ್ಡ ಸಕ್ಸಸ್ ಕಂಡರು. ಸಿನಿಮಾ 200 ಓಡಿತ್ತು.  ರಾಜ್‌ಕುಮಾರ್ ಬ್ಯಾನರ್ ಅಡಿ ಬಂದ ಮೊದಲ ಸಿನಿಮಾ ಇದಾಗಿತ್ತು. 

ನಮ್ಮ ಬಸವ ಸಿನಿಮಾವನ್ನು ವೀರಶಂಕರ್ ನಿರ್ದೇಶನ ಮಾಡಿದ್ದರು. ಈ ಚಿತ್ರದಲ್ಲಿ ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರಿಗೆ ನಾಯಕಿಯಾಗಿ ಗೌರಿ ಮುಂಜಲ್ ನಟಿಸಿದ್ದರು. ಈ ಸಿನಿಮಾ 16 ವಾರಗಳ ಕಾಲ ಓಡಿತ್ತು.  

MY3 is a Tamil web series directed by M. Rajesh and starring Hansika Motwani, Mugen Rao, Shanthnu Bhagyaraj, and Ashna Zaveri. The series is a romantic comedy about a humanoid robot named Mythri/MY3 (Hansika Motwani) who falls in love with a young man named Arjun (Mugen Rao). Mythri is a highly advanced robot created by a scientist named Dr. Siddharth (Shanthanu Bhagyaraj). She is programmed with all the knowledge and skills of a human being, and she is able to learn and grow at an exponential rate.

MY3, Disney+ Hotstar's most anticipated film, is finally here! Streaming will start from September 15.

ಮಿಲನ ಚಿತ್ರದಲ್ಲಿ ಪುನೀತ್ ರಾಜ್‌ಕುಮಾರ್ ಅವರು ನಾಯಕನಾಗಿ ಮತ್ತು ಪಾರ್ವತಿ ಮೆನನ್, ಪೂಜಾ ಗಾಂಧಿ, ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಪ್ರಕಾಶ್ ಅವರ ನಿರ್ದೇಶನದಲ್ಲಿ ಮತ್ತು ಮನೋಮೂರ್ತಿ ಅವರ ಸಂಗೀತ ಸಂಯೋಜನೆ ಚಿತ್ರದಲ್ಲಿದ್ದು, ಈ ಸಿನಿಮಾ ಕೂಡ  ಬ್ಲಾಕ್ ಬಸ್ಟರ್ ಆಗಿತ್ತು. ಈ ಚಿತ್ರ 17 ವಾರಗಳ ಕಾಲ ಓಡಿತ್ತು.  

ರಾಮ್ ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್ ನಾಯಕನಾಗಿ ಮತ್ತು ಪ್ರಿಯಾ ಮಣಿ ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ಅಭಿನಹಿಸಿದ್ದಾರೆ. ರಂಗಾಯಣ ರಘು, ಸಾಧು ಕೋಕಿಲ, ಶ್ರೀನಾಥ್, ದೊಡ್ಡಣ್ಣ, ಚೈತ್ರ ಶೆನೆಯ್, ಪದ್ಮ ವಸಂತಿ, ಚೇತನ್ ಕುಮಾರ್, ಮೊದಲಾದವರ ತಾರ ಬಳಗವೇ ಚಿತ್ರದಲ್ಲಿದ್ದು, ಈ ಸಿನಿಮಾವನ್ನು ಕೆ ಮಾದೇಶ್ ನಿರ್ದೇಶನ ಮಾಡಿದ್ದರು. ಈ ಸಿನಿಮಾ 125 ದಿನಗಳನ್ನು ಪೂರೈಸಿತ್ತು.  

ಜಾಕಿ ಸಿನಿಮಾವನ್ನು ಸೂರಿ ನಿರ್ದೇಶನ ಮಾಡಿದ್ದರು.  ಚಿತ್ರದಲ್ಲಿ ಪುನೀತ್ ಅವರು ನಾಯನಾಗಿ ಮತ್ತು ಭಾವನಾ ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಶೋಭಾ ರಾಜ್, ರವಿ ಕಾಳೆ, ರಂಗಾಯಣ ರಘು, ಹೊನವಳ್ಳಿ ಕೃಷ್ಣ, ಸತ್ಯಜಿತ್ ರಾಜು, ತಾಳಿ ಕೋಟೆ, ಉಮೇಶ್, ಹರ್ಷಿಕ ಪೂನಚ್ಹ, ಬಿರಾದಾರ, ಮೊದಲಾದವರ ತಾರ ಬಳಗವೇ ಚಿತ್ರದಲ್ಲಿದ್ದು, ಈ ಸಿನಿಮಾ 15 ವಾರಗಳ ಕಾಲ ಓಡಿತ್ತು.  

ಹುಡುಗರು ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್, ಯೋಗೇಶ್ , ಶ್ರೀನಗರ ಕಿಟ್ಟಿ, ನಾಯಕರಾಗಿ ಮತ್ತು ರಾಧಿಕಾ ಪಂಡಿತ್, ಅಭಿನಯ, ವನಿತಾ ವಸು, ಅವರು ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರ ಕೂಡ 15 ವಾರಗಳ ಕಾಲ ಓಡಿತ್ತು.

ಕೆ ಮಾದೇಶ್ ಅವರ ನಿರ್ದೇಶನದ ಪವರ್ ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್ ನಾಯಕನಾಗಿ ಮತ್ತು ತ್ರಿಶ ಕೃಷ್ಣ ಅವರು ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾ 14 ವಾರಗಳ ಕಾಲ ಓಡಿತ್ತು.  

ರಾಜಕುಮಾರ ಚಿತ್ರದಲ್ಲಿ ಪುನೀತ್ ರಾಜ್ ಕುಮಾರ್ ಹಾಗೂ ಪ್ರಿಯಾ ಆನಂದ್ ಮುಖ್ಯ ಪಾತ್ರದಲ್ಲಿ ಅಭಿನಹಿಸಿದ್ದರೆ, ತಮಿಳು ನಟ ಶರತ್ ಕುಮಾರ್ ಅವರು ಪುನೀತ್ ಅವರ ತಂದೆಯ ಪಾತ್ರದಲ್ಲಿ ನಟಿಸಿದ್ದಾರೆ.  ಈ ಸಿನಿಮಾ ಕೂಡ ಚಿತ್ರಮಂದಿರದಲ್ಲಿ 15 ವಾರಗಳ ಕಾಲ ಓಡಿತ್ತು.