ಸೆಪ್ಟಂಬರ್ ತಿಂಗಳಿನಲ್ಲಿ ಬಿಡುಗಡೆಯಾದ ಎಲ್ಲಾ ಭಾಷೆಯ ಪ್ರಮುಖ ಚಿತ್ರಗಳು

ಸ್ಕಾರ್ಲೆಟ್ ಜಾನ್ಸನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಮಾರ್ವೆಲ್ ಸ್ಟುಡಿಯೋದ ಬ್ಲ್ಯಾಕ್ ವಿಡೋ ಚಿತ್ರ ಜುಲೈ ತಿಂಗಳಿನಲ್ಲಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಸೆಪ್ಟೆಂಬರ್ ತಿಂಗಳಿನಲ್ಲಿ ಡಿಸ್ನಿ ಪ್ಲಸ್ ಹಾಟಸ್ಟಾರ್ ನಲ್ಲಿ ಬಿಡುಗಡೆಯಾಯಿತು. ಫ್ಲಾರೆನ್ಸ್ ಪು, ಡೇವಿಡ್ ಹಾರ್ಬರ್ ಮತ್ತು ರಾಚೆಲ್ ವೀಜ್ ಕೂಡ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.

ಸಿಂಡ್ರೆಲಾ ಕಥೆ ಈಗಾಗಲೇ ಹಲವಾರು ಭಾಷೆಗಳಲ್ಲಿ ಚಲನಚಿತ್ರವಾಗಿ ಮೂಡಿ ಬಂದಿದೆ. ಕ್ಯಾಮಿಲಾ ಕ್ಯಾಬೆಲೋ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರ ಸೆಪ್ಟಂಬರ್ 3 ರಂದು ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಯಿತು. ಆದರೆ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ಪಡೆಯಿತು.

ಸತ್ರಾಮ್ ರಮಣಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಹೆಲ್ಮೆಟ್ ಹಿಂದಿ ಚಿತ್ರದಲ್ಲಿ ಪ್ರನೂತನ್ ರಾಯ್, ಅಪರೀಕ್ಷೀತ್ ಖರಾನಾ,ಅನುರಿತಾ ಜಾ ಮತ್ತು ಆಶೀಷ್ ವರ್ಮಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಕಾಂಡೋಮ್ ಕುರಿತಾದ ಸಮಾಜದಲ್ಲಿನ ಟ್ಯಾಬೂಗಳ ಕುರಿತ ಚಿತ್ರವಿದಾಗಿದೆ.

ಮೆರ್ಲಪಾಕ ಗಾಂಧಿ ನಿರ್ದೇಶನದ `ಮೀಸ್ಟ್ರೋ' ತೆಲುಗು ಚಿತ್ರದಲ್ಲಿ ನಿತಿನ್, ತಮನ್ನಾ ಮತ್ತು ನಭಾ ನಟೇಶ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಹಿಂದಿಯಲ್ಲಿ ಆಯುಷ್ಮಾನ್ ಖುರಾನಾ ಮತ್ತು ಟಬು ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ `ಅಂಧಾಧೂನ್' ಚಿತ್ರದ ಅಧಿಕೃತ ರಿಮೇಕ್. 17 ಸೆಪ್ಟೆಂಬರ್ 2021 ರಂದು ಡಿಸ್ನಿ ಪ್ಲಸ್ ಹಾಟಸ್ಟಾರ್ ನಲ್ಲಿ ಬಿಡುಗಡೆಯಾಯಿತು.

ಶಿವ ನಿರ್ವಾಣ ನಿರ್ದೇಶನದ `ಟಕ್ ಜಗದೀಶ್' ಚಿತ್ರದಲ್ಲಿ ನಾನಿ ಮತ್ತು ರಿತು ವರ್ಮಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾದ ಈ ಚಿತ್ರ ತಂದೆಯ ನಿಧನದ ನಂತರ ಅಣ್ಣ ತಮ್ಮಂದಿರ ಆಸ್ತಿ ಜಗಳ ಕುರಿತಾಗಿದೆ.

ರಾಗಿಣಿ ಎಂಎಂಎಸ್, ಫೋಭಿಯಾ ಚಿತ್ರಗಳ ನಿರ್ದೇಶಕ ಪವನ್ ಕೃಪಲಾನಿ ನಿರ್ದೇಶನದ `ಭೂತ್ ಪೋಲಿಸ್' ಚಿತ್ರದಲ್ಲಿ ಸೈಫ್ ಅಲಿ ಖಾನ್, ಅರ್ಜುನ್ ಕಪೂರ್, ಜಾಕಲಿನ್ ಫರ್ನಾಂಡಿಸ್ ಮತ್ತು ಯಾಮಿ ಗೌತಮ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸೆಪ್ಟಂಬರ್ 17ಕ್ಕೆ ಡಿಸ್ನಿ ಪ್ಲಸ್ ಹಾಟಸ್ಟಾರ್ ನಲ್ಲಿ ಬಿಡುಗಡೆಯಾಯಿತು.

ಎ.ಎಲ್ ವಿಜಯ್ ನಿರ್ದೇಶನದ ತಲೈವಿ ಚಿತ್ರದಲ್ಲಿ ಕಂಗನಾ ರಣಾವತ್, ಜಯಲಲಿತಾ ಪಾತ್ರದಲ್ಲಿ ನಟಿಸಿದ್ದರೆ, ಅರವಿಂದ್ ಸ್ವಾಮಿ, ಎಂಜಿಆರ್ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರಕ್ಕೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿತು, ಕಂಗನಾ ಮತ್ತು ಅರವಿಂದ ಸ್ವಾಮಿ ಅಭಿನಯ ಎಲ್ಲರ ಮೆಚ್ಚುಗೆ ಪಡೆಯಿತು.

ದೆಹಲಿ ಪ್ರಸಾದ್ ದೀನದಯಾಳ್ ನಿರ್ದೇಶನದಲ್ಲಿ ಮೂಡಿಬಂದ ತುಘಲಕ್ ದರ್ಬಾರ್ ಚಿತ್ರದಲ್ಲಿ ವಿಜಯ್ ಸೇತುಪತಿ, ಮಂಜಿಮಾ ಮೋಹನ್ ಮತ್ತು ರಾಶಿ ಖನ್ನಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.ಈ ರಾಜಕೀಯ ವ್ಯಂಗ್ಯ ಚಿತ್ರದಲ್ಲಿ ಯುವ ರಾಜಕಾರಣಿಯೊಬ್ಬನ ಪಯಣದ ಕಥೆಯಿದೆ.