ಕನ್ನಡ ಕಿರುತೆರೆ ಪ್ರೇಕ್ಷಕರ ಮೋಸ್ಟ್ ಫೇವರಿಟ್ ಜೋಡಿಗಳಿವರು: ನಿಮ್ಮಿಷ್ಟದ ಜೋಡಿ ಯಾವುದು?

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಸೀತಾರಾಮ ಸೀರಿಯಲ್‌ನ ಅಶೋಕ ಮತ್ತು ಪ್ರಿಯಾ ಜೋಡಿಗೆ ಸಿಕ್ಕಾಪಟ್ಟೆ ಅಭಿಮಾಣಿಗಳಿದ್ದಾರೆ. ಧಾರಾವಾಹಿ ಹೀರೋ-ಹೀರೋಯಿನ್‌ಗಿಂತ ಸಣ್ಣಗೆ ಉದ್ದಕ್ಕಿರುವ ಅಶೋಕ್ ಹಾಗೂ ಗುಂಡಗೆ ಮುದ್ದು ಮುದ್ದಾಗಿರುವ ಪ್ರಿಯಾ ಜೋಡಿ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಈ ಜೋಡಿಯ ರೊಮ್ಯಾಂಟಿಕ್ ಸೀನ್‌ಗಳಿಗಂತೂ ಸಿಕ್ಕಾಪಟ್ಟೆ ವೈರಲ್ ಆಗ್ತಿವೆ. ಸೋಶಿಯಲ್ ಮೀಡಿಯಾದಲ್ಲೂ ಈ ಮುದ್ದು ಜೋಡಿಗೆ ಸಾಕಷ್ಟು ಫ್ಯಾನ್ಸ್ ಇದ್ದಾರೆ.

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಹೊಸ ಧಾರಾವಾಹಿ ಲಕ್ಷ್ಮೀ ನಿವಾಸ. ಇದರಲ್ಲಿ ಸಿದ್ದೇಗೌಡ್ರು ಹಾಗೂ ಭಾವನಾ ಜೋಡಿ ವೀಕ್ಷಕರಿಗೆ ಮೋಡಿ ಮಾಡುತ್ತಿದೆ. ವಯಸ್ಸಿನಲ್ಲಿ ತನಗಿಂತ ಹಿರಿಯಳಾದ ಭಾವನಾಳ ಇಷ್ಟಪಡುವ ಸಿದ್ದೇಗೌಡರ ಲವ್‌ಸ್ಟೋರಿ ಸೀರಿಯಲ್‌ ಪ್ರಿಯರಿಗೆ ಇಷ್ಟವಾಗಿದೆ. ಮುಂದಿನ ದಿನಗಳಲ್ಲಿ ಇವರಿಬ್ಬರ ಲವ್‌ಸ್ಟೋರಿ ಯಾವ ದಿಕ್ಕಿಗೆ ಸಾಗುತ್ತದೆ ಎಂಬುದನ್ನು ಕಾದು ನೋಡಬೇಕು.   

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಲಕ್ಷ್ಮೀ ಬಾರಮ್ಮ ಸೀರಿಯಲ್‌ ಪ್ರೇಕ್ಷಕರಿಂದ ಮೆಚ್ಚುಗೆ ಗಳಿಸಿದೆ. ಟಿಆರ್‌ಪಿ ರೇಸಿಂಗ್‌ನಲ್ಲೂ ಮುಂದಿದೆ. ಹಲವು ಟ್ವಿಸ್ಟ್‌ಗಳಿರುವ ಈ ಸೀರಿಯಲ್‌ಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ. ಈ ಸೀರಿಯಲ್‌ನ ವೈಷ್ಣವ್ ಹಾಗೂ ಲಕ್ಷ್ಮೀ ಜೋಡಿ ಕೂಡ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದೆ.  

ರಾಮಾಚಾರಿ ಸೀರಿಯಲ್‌ನ ಚಾರು ಹಾಗೂ ರಾಮಾಚಾರಿ ಕ್ಯೂಟ್ ಜೋಡಿಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ. ಈ ಸೀರಿಯಲ್ ಬಂದ ದಿನದಿಂದಲೂ ಕೂಡ ಮೌನ ಗುಡ್ಡೆಮನೆ ಹಾಗೂ ರಿತ್ವಿಕ್ ಕೃಪಾಕರ್ ತಮ್ಮದೇ ಆದ ಅಭಿಮಾನಿ ವರ್ಗವನ್ನ ಹೊಂದಿದ್ದಾರೆ. 
ಇದೀಗ ಈ ಧಾರಾವಾಹಿಗೆ ಮೆಗಾ ಟ್ವಿಸ್ಟ್ ಸಿಕ್ಕಿದೆ. ರಾಮಾಚಾರಿ ಪಾತ್ರಧಾರಿಯನ್ನ ಇಬ್ಬರನ್ನಾಗಿ ಮಾಡಲಾಗಿದ್ದು, ಎರಡು ಪಾತ್ರಗಳಲ್ಲಿ ರಾಮಾಚಾರಿ ಅಭಿನಯಿಸುತ್ತಿದ್ದಾರೆ. ರಾಮಾಚಾರಿ ಹಾಗೂ ಚಾರು ಶೂಟಿಂಗ್‌ನ ಬಿಡುವಿನ ವೇಳೆಯಲ್ಲಿ ರೀಲ್ಸ್‌ ಹಾಗೂ ಡ್ಯಾನ್ಸ್‌ ಮಾಡುತ್ತಾ ಇರುತ್ತಾರೆ. ಇದಕ್ಕೆ ನೆಟ್ಟಿಗರು ಈಗ ಹೇಗಿದ್ದರೂ ಜೋಡಿ ಆಗಿದ್ದೀರಾ? ನಿಜ ಜೀವನದಲ್ಲೂ ಸಹ ನೀವಿಬ್ಬರೂ ಗಂಡ ಹೆಂಡತಿಯಾದರೆ ಚೆನ್ನಾಗಿ ಇರುತ್ತದೆ ಎಂದು ಸಲಹೆ ನೀಡುತ್ತಿದ್ದಾರೆ. 

ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನ ಸ್ನೇಹಾ ಮತ್ತು ಕಂಠಿ ಜೋಡಿ ಪ್ರೇಕ್ಷಕರ ನೆಚ್ಚಿನ ಜೋಡಿಗಳ್ಲೊಂದು. ಧಾರಾವಾಹಿಯಲ್ಲಿ ಕಂಠಿ ಮತ್ತು ಸ್ನೇಹಾ ಕೆಮಿಸ್ಟ್ರಿ ಜನರಿಗೆ ಸಖತ್ ಇಷ್ಟವಾಗಿದೆ. ತೆರೆಮೇಲೆ ಪ್ರೀತಿ ಹೇಳಪ್ಪ ಅಂದ್ರೆ ಹೆದರುವ ಕಂಠಿ, ರೀಲ್ಸ್‌ನಲ್ಲಿ ಸ್ನೇಹಾ ಜೊತೆ ಬರೀ ಲವ್ ಸಾಂಗ್‌ಗೆ ಹೆಜ್ಜೆ ಹಾಕುತ್ತಿರುತ್ತಾರೆ. ಅಷ್ಟೇ ಅಲ್ಲ ಸ್ನೇಹಾಳನ್ನು ಸಿಕ್ಕಾಪಟ್ಟೆ ಕಾಡಿಸ್ತಾರೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಜೋಡಿ ಮಾಡಿದ ರೀಲ್ಸ್ ಸಿಕ್ಕಾಪಟ್ಟೆ ವೈರಲ್ ಆಗ್ತಿವೆ.

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ನೀನಾದೆ ನಾ ಸೀರಿಯಲ್‌ನ ಪಾತ್ರಧಾರಿಗಳಾದ ವಿಕ್ರಮ್ ಮತ್ತು ವೇದಾ ಸದ್ಯ ಕಿರುತೆರೆಯ ಮೋಸ್ಟ್ ಫೇವರಿಟ್ ಜೋಡಿ ಎನಿಸಿಕೊಂಡಿದ್ದಾರೆ. ಗೂಂಡಾ ಮತ್ತು ಬೇತಾಳ ಅಂತಾನೇ ಜನಪ್ರಿಯವಾಗಿರುವ ಈ ಜೋಡಿಯ ಕೋಪ, ಜಗಳ, ಪ್ರೀತಿ, ಹುಸಿ ಮುನಿಸು ಎಲ್ಲವೂ ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಸೋಶಿಯಲ್ ಮೀಡಿಯಾ ನೋಡಿದವರಿಗೆ ಇವರು ಆಫ್ ಸ್ಟ್ರೀನ್ ಕೂಡ ಟಾಮ್ ಆಂಡ್ ಜೆರ್ರಿ ಅಂತ ಗೊತ್ತಾಗುತ್ತದೆ.