ಬಿಗ್‌ಬಾಸ್‌ನಿಂದ ಹೊರಬಂದ ಉಗ್ರಂ ಮಂಜು & ಮೋಕ್ಷಿತಾಗೆ ಸಿಕ್ಕ ಸಿಕ್ಕ ಬಹುಮಾನ, ಸಂಭಾವನೆ ಎಷ್ಟು ಗೊತ್ತಾ?

ಬಿಗ್‌ಬಾಸ್‌ ಮನೆಗೆ ಎಂಟ್ರಿಕೊಟ್ಟಾಗಿನಿಂದಲೂ ಉಗ್ರಂ ಮಂಜು ಪ್ರಬಲ ಸ್ಪರ್ಧಿಯಾಗಿ ಗುರುತಿಸಿಕೊಂಡಿದ್ದರು. ವರದಿಗಳ ಪ್ರಕಾರ, ಬಿಗ್‌ಬಾಸ್‌ ಮನೆಯಲ್ಲಿ ಮಂಜು ಅವರಿಗೆ ವಾರಕ್ಕೆ 70 ಸಾವಿರ ರೂ. ಸಂಭಾವನೆ ಸಿಗುತ್ತಿತ್ತು ಎನ್ನಲಾಗಿದೆ. ಒಂದು ವೇಳೆ ಮಂಜು ಅವರು ಇದೆ ಮೊತ್ತವನ್ನು ಸಂಭಾವನೆಯಾಗಿ ಪಡೆಯುತ್ತಿದ್ದರೆ, ಒಟ್ಟು 17 ವಾರಕ್ಕೆ 11ಕ್ಕೂ ಲಕ್ಷಕ್ಕೂ ಅಧಿಕ ಹಣ ಪಡೆದಂತಾಗುತ್ತದೆ.

5ನೇ ಸ್ಥಾನಕ್ಕೆ ತೃಪ್ತಿ ಪಡೆದು ದೊಡ್ಮನೆಯಿಂದ ಹೊರಬಂದಿರುವ ಉಗ್ರಂ ಮಂಜು ಅವರಿಗೆ ವಾಕ್‌ಮೇಟ್ ಫೂಟ್‌ವೇರ್ ಕಡೆಯಿಂದ 2 ಲಕ್ಷ ರೂ. ಕ್ಯಾಶ್‌ಪ್ರೈಸ್, ಇಕೋ ಪ್ಲ್ಯಾನೆಟ್ ಕಡೆಯಿಂದ 1 ಲಕ್ಷ ರೂ ಹಾಗೂ ಸಂಗೀತ ಮೊಬೈಲ್ಸ್ ಕಡೆಯಿಂದ 50 ಸಾವಿರ ಮೊತ್ತದ ಗಿಫ್ಟ್‌ ಸಿಕ್ಕಿದೆ. ತಮಗೆ ವಾಕ್‌ಮೇಟ್ ಫೂಟ್‌ವೇರ್ ಕಡೆಯಿಂದ ಸಿಕ್ಕ 2 ಲಕ್ಷ ರೂಪಾಯಿಯನ್ನು ವಯಸ್ಸಾದ ತಾಯಂದಿರಿಗೆ ನೀಡಿ ಅಂತ ಮಂಜು ಹೇಳಿದ್ದರು. ಆದಕ್ಕೆ ಸುದೀಪ್ ಆ ಹಣವನ್ನು ನಾನು ಕೊಡುತ್ತೇನೆ. ಈ ಮೊತ್ತವನ್ನು ನಿಮ್ಮ ತಂದೆ-ತಾಯಿಗೆ ನೀಡಿ ಎಂದರು.

ಇನ್ನು ಮೋಕ್ಷಿತಾ ಪೈ ಅವರು 4ನೇ ಸ್ಥಾನಕ್ಕೆ ತೃಪ್ತಿ ಪಡೆದುಕೊಂಡು ಹೊರಬಂದಿದ್ದಾರೆ. ಮೂಲಗಳ ಪ್ರಕಾರ ಮೋಕ್ಷಿತಾ ಸಂಭಾವನೆ ವಾರಕ್ಕೆ  60 ಸಾವಿರ ರೂಪಾಯಿ. ಇದು ಬಿಗ್‌ಬಾಸ್ ಕನ್ನಡ ಸೀಸನ್ 11ರಲ್ಲಿ ಎರಡನೇ ಅತಿಹೆಚ್ಚು ಸಂಭಾವನೆಯಾಗಿದೆ. ವಾರಕ್ಕೆ 60 ಸಾವಿರ ರೂ. ಅಂದರೆ 17 ವಾರಗಳಿಗೆ 10 ಲಕ್ಷದ 20 ಸಾವಿರ ಸಂಭಾವನೆ ಸಿಗಲಿದೆ.

ಮೋಕ್ಷಿತಾಗೆ ಸದ್ಗುರು ಆಯುರ್ವೇದ ಗ್ರಾಮ್ ಫ್ಲೋರ್ ಸೋಪ್ ಅವರ ಕಡೆಯಿಂದ 5 ಲಕ್ಷ ರೂಪಾಯಿ ಹಾಗೂ ಇಕೋ ಪ್ಲ್ಯಾನೆಟ್ ಅವರ ಕಡೆಯಿಂದ 2 ಲಕ್ಷ ರೂಪಾಯಿ ಕ್ಯಾಶ್ ಪ್ರೈಸ್ ಸಿಕ್ಕಿದೆ.