ಒಂದು ಹುಡುಗಿಗೆ ದಿಂಬಿನಿಂದ ಅಲ್ಲಿ ಹೊಡಿತೀರಲ್ಲ, ನಾಚಿಕೆ ಆಗಲ್ವಾ?-ಧನರಾಜ್ ವಿರುದ್ಧ ಸಿಡಿದೆದ್ದ ಮೋಕ್ಷಿತಾ-ಅನುಷಾ

ಕಳೆದ ಸಂಚಿಕೆಯಲ್ಲಿ ಕ್ಯಾಪ್ಟನ್ಸಿ ಟಾಸ್ಕ್‌ನಿಂದ ಇಬ್ಬರು ಸದಸ್ಯರನ್ನು ಬಿಗ್‌ಬಾಸ್ ಟಾಸ್ಕ್‌ವೊಂದನ್ನು ನೀಡಿದ್ದರು. ಇದರ ಅನುಸಾರ, ಮನೆಯ ಸದಸ್ಯರು ಕ್ಯಾಪ್ಟನ್ಸಿ ರೇಸ್‌ಗೆ ಹೋಗಲು ಅರ್ಹತೆಯಿಲ್ಲದ ಇಬ್ಬರು ಸ್ಪರ್ಧಿಗಳ ಫೋಟೋಗಳನ್ನು ಮನೆಯಲ್ಲಿ ಇಟ್ಟಿರುವ ಬೋರ್ಡ್‌ನಲ್ಲಿ ಇಡಬೇಕು. ಆಗ ಸ್ಪರ್ಧಿಗಳು ಸಮರ್ಥನೆ ಮಾಡಿಕೊಂಡು, ತಮ್ಮ ಫೋಟೋಗಳ ಬದಲು ಬೇರೆಯವರ ಫೋಟೋ ಇಡಬಹುದಿತ್ತು. ಈ ಸಂದರ್ಭ ಧನರಾಜ್ ಮೋಕ್ಷಿತಾ ಅವರ ಫೋಟೋ ಇಟ್ಟು, ಮನೆಯ ರೂಲ್ಸ್ ಅಂತ ಬಂದಾಗ ಅದನ್ನು ಅರ್ಥ ಮಾಡಿಕೊಳ್ಳುವಲ್ಲಿ ಮೋಕ್ಷಿತಾ ಎಡವುತ್ತಾರೆ. ಅವರಲ್ಲಿ ಗೊಂದಲವಿರುತ್ತೆ ಎಂದರು. 

ಇದರಿಂದಾಗಿ ಕೋಪಗೊಂಡ ಮೋಕ್ಷಿತಾ, ಧನರಾಜ್ ವಿರುದ್ಧ ಕಿಡಿಕಾರಿದ್ರು. ನೀವು ಕ್ಯಾಪ್ಟನ್ ಆಗಲು ಅರ್ಹರೇ ಅಲ್ಲ. ಧನರಾಜ್  ಸೈಲೆಟಂ್ ಆಗಿರ್ತಾರೆ. ಕೆಲವೇ ಕೆಲವರನ್ನು ನಾಮಿನೇಟ್ ಮಾಡ್ತಾರೆ. ಅವರ ಮಾತಲ್ಲಿ ಯಾವುದೇ ತೂಕ ಇರಲ್ಲ ಎಂದರು. ಧನರಾಜ್ ಅವರು ಈ ಹಿಂದೆ ಗೌತಮಿ ಅವರಿಗೆ ದಿಂಬಿನಿಂದ ಹೊಡೆದಿದ್ದರು. ಇದಕ್ಕೆ ಗೌತಮಿ ಸಿಟ್ಟಾಗಿದ್ದರು. ಈ ವಿಚಾರವನ್ನು ಮತ್ತೆ ಎತ್ತಿದ ಮೋಕ್ಷಿತಾ, 'ಒಂದು ಹೆಣ್ಣು ಮಲಗಿರುವಾಗ ದಿಂಬು ತೆಗೆದುಕೊಂಡು ಅಲ್ಲಿಗೆ ಹೊಡಿತೀರಲ್ಲ, ನಾಚಿಕೆ ಆಗಲ್ವಾ? ನಿಮ್ಮಂಥವರು ಹೇಗೆ ಕ್ಯಾಪ್ಟನ್ ಆಗ್ತೀರಿ. ನೀವು ನೀಡುವ ಕಾರಣಗಳನ್ನು ಸರಿಯಾಗಿ ಕೊಡಿ. ನೀವು ಸೆನ್ಸಿಬಲ್ ಆಗಿ ಇಲ್ಲ ಅನ್ನೋದು ಇದರಲ್ಲೇ ಗೊತ್ತಾಗುತ್ತೆ ಅಂತ ಕೆಂಡಕಾರಿದರು. ಅವರ ಜೊತೆ ಅನುಷಾ ಕೂಡ ಧನರಾಜ್ ವಿರುದ್ಧ ಗುಡುಗಿದರು.

ಮನೆಯವರ ಮಾತಿನಿಂದ ಬೇಸರಗೊಂಡ ಧನರಾಜ್ ಬಾತ್‌ರೂಂ ಬಳಿ ತೆರಳಿ ಹನುಮಂತು ಎದುರು ಕಣ್ಣೀರು ಹಾಕಿದರು. ನಾನಿನ್ನೂ ಸ್ಟ್ರಾಂಗ್ ಆಗಿಲ್ಲ ಎಂದು ಬೇಸರ ಮಾಡಿಕೊಂಡು ಅತ್ತರು. ಆಗ ಹನುಮಂತ ನೀನು ಬೇಸರ ಮಾಡಿಕೊಂಡರೆ ನನಗೂ ಬೇಸರವಾಗುತ್ತೆ ಎಂದರು. ಆಗ ಅಲ್ಲಿಗೆ ಬಂದ ಭವ್ಯಾ, ಅಳಬೇಡಿ. ನೀವು ಅತ್ತರೆ ಮತ್ತಷ್ಟು ವೀಕ್ ಮಾಡ್ತಾರೆ ಅಂತ ಸಮಾಧಾನ ಮಾಡಿದರು. ಇನ್ನು ಧರ್ಮ ಕೀರ್ತಿರಾಜ್ ಕೂಡ ತ್ರಿವಿಕ್ರಮ್ ಬಳಿ ಧನರಾಜ್‌ಗೆ ಹಾರ್ಷ್ ಆಗಿ ಮಾತನಾಡಿದರು ಎಂದರು. ಅದಕ್ಕೆ ತ್ರಿವಿಕ್ರಮ್ ಅವರು ಡಿಫೆಂಡ್ ಮಾಡಿಕೊಳ್ಳಬೇಕಿತ್ತು ಎಂದರು.

ವಾಶ್‌ರೂಮ್ ಏರಿಯಾದಲ್ಲಿ ಕುಳಿತು ಐಶ್ವರ್ಯಾ ಹಾಗೂ ಗೋಲ್ಡ್ ಸುರೇಶ್ ಅವರು ತ್ರಿವಿಕ್ರಮ್ ಬಗ್ಗೆ ಮಾತನಾಡಿದ್ದಾರೆ. ತ್ರಿವಿಕ್ರಮ್ ಹಕ್ಕಿಗಳು ಎಂದಿರುವ ಬಗ್ಗೆ ಚರ್ಚೆ ನಡೆಸಿದ ಐಶ್ವರ್ಯಾ, ಚೈತ್ರಾ ಅವರು ತ್ರಿವಿಕ್ರಮ್ ಮೌತ್‌ಪೀಸ್ ಆಗಿದ್ದಾರೆ ಅಂದರು. ಅದಕ್ಕೆ ಗೋಲ್ಡ್ ಸುರೇಶ್ ಕೂಡ ಹೌದು ಎಂದು ತಲೆ ಅಲ್ಲಾಡಿಸಿ, ಈಗಲೂ ಹಾಗೆಯೇ ಇದ್ದಾರೆ ಎಂದರು. 

ಅಂತಿಮವಾಗಿ ಕ್ಯಾಪ್ಟನ್ ರೇಸ್‌ನಲ್ಲಿ ಭವ್ಯಾ ಹಾಗೂ ತ್ರಿವಿಕ್ರಮ್ ಉಳಿದುಕೊಂಡಿದ್ದಾರೆ. ಆದರೆ, ಬಿಗ್‌ಬಾಸ್ ಇವರಿಬ್ಬರಿಗೆ ಕ್ಯಾಪ್ಟನ್ಸಿ ಟಾಸ್ಕ್ ನೀಡಿಲ್ಲ. ಬದಲಿಗೆ ಮನೆಯ ಸದಸ್ಯರಿಗೆ ಆಯ್ಕೆಯ ಪ್ರಕ್ರಿಯೆ ನೀಡಲಾಗಿದೆ. ಬಹುತೇಕರು ತ್ರಿವಿಕ್ರಮ್ ಅವರ ಹೆಸರು ಹೇಳಿದ್ದು, ಅವರೇ ಕ್ಯಾಪ್ಟನ್ ಆಗುವ ಸಾಧ್ಯತೆಯಿದೆ.