ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ರಿಜೆಕ್ಟ್ ಮಾಡಿದ್ದ 5 ಸಿನಿಮಾಗಳಿವು!

ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದ ಸೂಪರ್ ಹಿಟ್ ಸಿನಿಮಾ 'ಅಮೆರಿಕಾ ಅಮೆರಿಕಾ'. ಈ ಸಿನಿಮಾದಲ್ಲಿ ರಮೇಶ್ ಅರವಿಂದ್ ಮತ್ತು ಅಕ್ಷಯ್ ಆನಂದ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಆದರೆ,  ಅಕ್ಷಯ್ ಆನಂದ್ ನಿರ್ವಹಿಸಿದ್ದ ಶಶಾಂಕ್ ಪಾತ್ರಕ್ಕೆ ಮೊದಲು ಕಿಚ್ಚ ಸುದೀಪ್ ಅವರನ್ನು ಕೇಳಲಾಗಿತ್ತು. ಆದರೆ, ಸುದೀಪ್ ಈ ಸಿನಿಮಾ ಮಾಡಲಿಲ್ಲ. ಆದರೆ, 1995ರಲ್ಲಿ ಬಿಡುಗಡೆಯಾದ ಈ ಸಿನಿಮಾ ಬ್ಲಾಕ್‌ಬಸ್ಟರ್ ಆಗಿತ್ತು.

 2022ರಲ್ಲಿ ತೆರೆಕಂಡ ಪವನ್ ಕಲ್ಯಾಣ್ ನಾಯಕನಾಗಿ ನಟಿಸಿದ್ದ 'ಬಿಮ್ಲಾ ನಾಯಕ್' ಸಿನಿಮಾ ಸೂಪರ್ ಹಿಟ್ ಆಗಿತ್ತು. ಇದು ಮಲಯಾಳಂನ ಅಯ್ಯಪ್ಪನುಮ್ ಕೋಶಿಯುಮ್ ಚಿತ್ರದ ರಿಮೇಕ್. ಒರಿಜಿನಲ್ ಸಿನಿಮಾದಲ್ಲಿ ಅಯ್ಯಪ್ಪನ್ ಪಾತ್ರವನ್ನು ಬಿಜು ಮೆನನ್ ಹಾಗೂ  ಕೋಶಿಯುಮ್ ಪಾತ್ರವನ್ನು ಪೃಥ್ವಿರಾಜ್ ಮಾಡಿದ್ದರು. ಪೃಥ್ವಿರಾಜ್ ಮಾಡಿದ್ದ ಪಾತ್ರವನ್ನು 'ಬಿಮ್ಲಾ ನಾಯಕ್' ಚಿತ್ರದಲ್ಲಿ ಕಿಚ್ಚನಿಗೆ ಬುಲಾವ್ ಬಂದಿತ್ತು ಎಂಬ ಸುದ್ದಿ ವೈರಲ್ ಆಗಿತ್ತು. ಆದರೆ, ಸುದೀಪ್ ಆ ಪಾತ್ರ ಮಾಡಲಿಲ್ಲ. ನಂತರ ರಾಣಾ ದಗ್ಗುಬಾಟಿ ಆ ಪಾತ್ರ  ನಿರ್ವಹಿಸಿದ್ದರು.

ತಮಿಳಿನ ಫೇಮಸ್ ನಿರ್ದೇಶಕ ವೆಂಕಟ್ ಪ್ರಭು ನಿರ್ದೇಶನದ 'ಮಾನಾಡು' ಸಿನಿಮಾದ ವಿಲನ್‌ ರೋಲ್‌ಗೆ ಕಿಚ್ಚ ಸುದೀಪ್‌ಗೆ ಆಫರ್ ನೀಡಲಾಗಿತ್ತು ಎಂಬ ಸುದ್ದಿ ಹರಿದಾಡಿತ್ತು. ಆದರೆ, ಸಿಂಬು ನಾಯಕನಾಗಿ ನಟಿಸಿದ್ದ ಈ ಸಿನಿಮಾದಲ್ಲಿ ನಟಿಸಲು ಅಭಿನಯ ಚಕ್ರವರ್ತಿ ನೋ ಎಂದಿದ್ದರು ಎನ್ನಲಾಗಿತ್ತು.

ಮೆಗಾಸ್ಟಾರ್ ಚಿರಂಜೀವಿ ಅಭಿನಯದ 'ಆಚಾರ್ಯ' ಸಿನಿಮಾದ ಪ್ರಮುಖ ಪಾತ್ರವೊಂದಕ್ಕಾಗಿ ಸುದೀಪ್ ಅವರನ್ನು ಅಪ್ರೋಚ್ ಮಾಡಲಾಗಿತ್ತಂತೆ. ನಿರ್ದೇಶಕ ಕೊರಟಲಾ ಶಿವ ಅವರು ಕಿಚ್ಚನ ಬಳಿ ಕೇಳಿದ್ದು, ಸುದೀಪ್ ಒಪ್ಪಿಗೆ ನೀಡಿರಲಿಲ್ಲ ಎನ್ನಲಾಗಿತ್ತು. ಇದಕ್ಕೂ ಮುನ್ನ ಸುದೀಪ್ 'ಸೈರಾ ನರಸಿಂಹ ರೆಡ್ಡಿ' ಸಿನಿಮಾದಲ್ಲಿ ಚಿರಂಜೀವಿ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದರು.

ರಾಮ್ ಗೋಪಲ್ ವರ್ಮಾ ನಿರ್ದೇಶನದಲ್ಲಿ 'ರೈ' ಎಂಬ ಸಿನಿಮಾ ಸೆಟ್ಟೇರಿತ್ತು. ಭೂಗತ ಲೋಕದ ದೊರೆ ಮುತ್ತಪ್ಪ ರೈ ನಿಜಜೀವನವನ್ನು ಆಧರಿಸಿರುವ ಈ ಸಿನಿಮಾದಲ್ಲಿ ನಟಿಸಲು ಸುದೀಪ್‌ಗೆ ಆಫರ್ ನೀಡಲಾಗಿತ್ತು. ಆದರೆ, ಸುದೀಪ್ ಒಪ್ಪಿರಲಿಲ್ಲ. ನಂತರ ವಿವೇಕ್ ಒಬೆರಾಯ್ ಈ ಚಿತ್ರ ಒಪ್ಪಿಕೊಂಡಿದ್ದರು. ಆದರೆ, ನಂತರದಲ್ಲಿ ಈ ಸಿನಿಮಾ ಕಾರ್ಯರೂಪಕ್ಕೆ ಬರಲಿಲ್ಲ.