ಕುಡಿತ ಮತ್ತು ಕುಡುಕರ ಮೇಲಿರುವ ಕನ್ನಡದ ಜನಪ್ರಿಯ ಗೀತೆಗಳು

Author Administrator | Updated: Saturday, February 27, 2021, 09:10 AM [IST]

ಕನ್ನಡದ ಹಳೆಯ ಚಿತ್ರಗಳಲ್ಲಿ ಕುಡಿತವನ್ನು ದುರಭ್ಯಾಸವೆಂದು ತೋರಿಸುತ್ತಿದ್ದ ಚಿತ್ರಗಳು ಮುಂದೆ ಅದನ್ನು ಹಲವು ವಿಧಗಳಲ್ಲಿ ವೈಭವೀಕರಿಸಿದವು. ಮೊದಮೊದಲು ಚಿತ್ರಗಳ ಖಳರ ಕೈಯಲ್ಲಿ ಮಾತ್ರ ಕಾಣಿಸುತ್ತಿದ್ದ ಬಾಟಲ್ ಗಳು ನಂತರ ನಾಯಕ-ನಾಯಕಿರ ಕೈಗೂ ಬಂದವು. ಕನ್ನಡದಲ್ಲಿ ಕುಡಿತದ ಮೇಲಿರುವ ಅತ್ಯುತ್ತಮ ಗೀತೆಗಳನ್ನು ನೀಡಲಾಗಿದೆ.

Table of content

Saraayi Seeseyali - ಸಾರಾಯಿ ಶೀಷೆಯಲಿ

ಅಭಿಜಿತ್ ಮತ್ತು ಶೃತಿ ನಟಿಸಿದ್ದ `ಮಾಂಗಲ್ಯ ಸಾಕ್ಷಿ' ಚಿತ್ರದ `ಸಾರಾಯಿ ಶೀಷೆಯಲಿ' ಗೀತೆ ತನ್ನ ಪ್ರೀತಿಯನ್ನು ಕಳೆದುಕೊಂಡ ವ್ಯಥೆಯಿಂದ ಕುಡಿಯುವ ನಾಯಕನ ಸ್ಥಿತಿಯನ್ನು ಹೇಳುತ್ತದೆ. ಎಸ್.ಪಿ.ಬಾಲಸುಪ್ರಬ್ರಹ್ಮಣ್ಯಂ ಕಂಠದಲ್ಲಿ ಮೂಡಿಬಂದ ಈ ಗೀತೆ ಇಂದಿಗೂ ಸಾಕಷ್ಟು ಜನಪ್ರಿಯತೆ ಪಡೆದಿದೆ.

Kudiyode Nanna Weeknessu - ಕುಡಿಯೋದೇ ನನ್ನ ವೀಕ್ನೆಸ್ಸು

ಕ್ರೇಜಿಸ್ಟಾರ್ ರವಿಚಂದ್ರನ್ ಮತ್ತು ಪೂನಂ ಧಿಲ್ಲೋನ್ ನಟಿಸಿದ್ದ ಯುದ್ಧಕಾಂಡ ಚಿತ್ರ 1989 ರಲ್ಲಿ ತೆರೆಕಂಡಿತ್ತು. ಈ ಚಿತ್ರದಲ್ಲಿ ಹಂಸಲೇಖ ಸಾಹಿತ್ಯ ಬರೆದು ಸಂಗೀತ ನೀಡಿದ್ದ ಕುಡಿಯೋದೇ ನನ್ನ ವೀಕ್ನೆಸ್ಸು ಗೀತೆ ಗಮನ ಸೆಳೆದಿತ್ತು. ಈ ಗೀತೆಯನ್ನು ಎಸ್.ಪಿ.ಬಾಲಸುಪ್ರಬ್ರಹ್ಮಣ್ಯಂ ಹಾಡಿದ್ದರು.

Olage Seridare Gundu - ಒಳಗೆ ಸೇರಿದರೆ ಗುಂಡು

ರಾಘವೇಂದ್ರ ರಾಜಕುಮಾರ್ ಮತ್ತು ಮಾಲಾಶ್ರೀ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ನಂಜುಂಡಿ ಕಲ್ಯಾಣ ಚಿತ್ರ 1989 ರಲ್ಲಿ ತೆರೆಕಂಡಿತ್ತು. ಈ ಚಿತ್ರದ `ಒಳಗೆ ಸೇರಿದರೆ ಗುಂಡು' ಗೀತೆಯಲ್ಲಿ ಮಾಲಾಶ್ರೀ ಕುಡಿದು ತೂರಾಡುವ ಮಹಿಳೆ ಪಾತ್ರದಲ್ಲಿ ನಟಿಸಿದ್ದರು. ಉಪೇಂದ್ರ ಕುಮಾರ್ ಸಂಗೀತದಲ್ಲಿ ಮೂಡಿ ಬಂದಿದ್ದ ಈ ಹಾಡನ್ನು ಮಂಜುಳಾ ಗುರುರಾಜ್ ಅದ್ಭುತವಾಗಿ ಹಾಡಿದ್ದರು.

Khaali Quarter - ಖಾಲಿ ಕ್ವಾಟರ್

ಶರಣ್ ಮತ್ತು ಅಸ್ಮಿತಾ ಸೂದ್ ನಟಿಸಿದ್ದ ವಿಕ್ಟರಿ ಚಿತ್ರ 2013 ರಲ್ಲಿ ತೆರೆಕಂಡಿತ್ತು. ಅರ್ಜುನ ಜನ್ಯ ಸಂಗೀತ ನೀಡಿರುವ ವಿಜಯ್ ಪ್ರಕಾಶ್ ಧ್ವನಿಯಲ್ಲಿ ಮೂಡಿಬಂದ ಖಾಲಿ ಕ್ವಾಟರ್ ಗೀತೆ ಕುಡುಕರ ಹಾಟ್ ಫೇವರೇಟ್ ಗೀತೆಯಾಗಿದೆ. ಈ ಗೀತೆ ಯೋಗರಾಜ್ ಭಟ್ ಸಾಹಿತ್ಯದಲ್ಲಿ ಮೂಡಿ ಬಂದಿತ್ತು.

Naav Maneg Hogodilla - ನಾವ್ ಮನೇಗ್ ಹೋಗೋದಿಲ್ಲ

ಶರಣ್ ಮತ್ತೆ ದ್ವಿಪಾತ್ರದಲ್ಲಿ ನಟಿಸಿದ್ದ ವಿಕ್ಟರಿ 2 ಚಿತ್ರ 2018 ರಲ್ಲಿ ತೆರೆಕಂಡಿತು. ಈ ಚಿತ್ರಕ್ಕೂ ಯೋಗರಾಜ್ ಭಟ್ `ನಾವ್ ಮನೇಗ್ ಹೋಗೋದಿಲ್ಲ' ಗೀತೆಯನ್ನು ಬರೆದರು. ಅರ್ಜುನ ಜನ್ಯ ಸಂಗೀತದಲ್ಲಿ ಮೂಡಿಬಂದ ಈ ಗೀತೆಯನ್ನು ವಿಜಯ್ ಪ್ರಕಾಶ್ ಹಾಡಿದ್ದರು.

Haalu Kudida Makkale - ಹಾಲು ಕುಡಿದ ಮಕ್ಕಳೆ

ದುನಿಯಾ ವಿಜಯ್ ಮತ್ತು ಪ್ರಿಯಾಮಣಿ ನಟಿಸಿದ್ದ ದನಕಾಯೋನು ಚಿತ್ರ 2016 ರಲ್ಲಿ ತೆರೆ ಕಂಡಿತ್ತು. ಯೋಗರಾಜ್ ಭಟ್ ನಿರ್ದೇಶನ ಮಾಡಿದ್ದ ಈ ಚಿತ್ರದಲ್ಲಿ `ಹಾಲು ಕುಡಿದ ಮಕ್ಕಳೆ' ಗೀತೆಯನ್ನು ಶರಣ್ ಹಾಡಿದ್ದರು. ವಿ ಹರಿಕೃಷ್ಣ ಸಂಗೀತ ನೀಡಿದ್ದರು.

Phone Illa Message Illa - `ಫೋನು ಇಲ್ಲ, ಮೆಸೇಜ್ ಇಲ್ಲ"

ನಂದಕಿಶೋರ್ ನಿರ್ದೇಶನದ ಶರಣ್, ಚಿಕ್ಕಣ್ಣ, ರವಿಶಂಕರ್ ಮತ್ತು ಹೀಬಾ ಪಟೇಲ್ ಮುಖ್ಯ ಪಾತ್ರದಲ್ಲಿ ನಟಸಿದ್ದ ಅಧ್ಯಕ್ಷ ಚಿತ್ರ 2014 ರಲ್ಲಿ ಬಿಡುಗಡೆಯಾಯಿತು. ಯೋಗರಾಜ್ ಭಟ್ ಬರೆದಿದ್ದ `ಫೋನು ಇಲ್ಲ, ಮೆಸೇಜ್ ಇಲ್ಲ" ಗೀತೆಯನ್ನು ವಿಜಯ್ ಪ್ರಕಾಶ್ ಹಾಡಿದ್ದರು. ಅರ್ಜುನ ಜನ್ಯ ಸಂಗೀತ ನೀಡಿದ್ದರು.

Enne Namdu Enne Nimdu - ಎಣ್ಣೆ ನಮ್ದು ಎಣ್ಣೆ ನಿಮ್ದು

ಆರ್ ಚಂದ್ರು ನಿರ್ದೇಶನದಲ್ಲಿ ಮೂಡಿಬಂದ ಕನಕ ಚಿತ್ರದಲ್ಲಿ ದುನಿಯಾ ವಿಜಯ್, ಮಾನ್ವಿತಾ ಮತ್ತು ಹರಿಪ್ರಿಯಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಈ ಚಿತ್ರದಲ್ಲಿನ `ಎಣ್ಣೆ ನಮ್ದು ಎಣ್ಣೆ ನಿಮ್ದು' ಗೀತೆಯನ್ನು ನವೀನ ಸಜ್ಜು ಬರೆದು ಸಂಗೀತ ನೀಡಿ ಹಾಡಿದ್ದರು.