ಭವ್ಯಾ ಗೌಡ ಸಹೋದರಿ ದಿವ್ಯಾ ವೃತ್ತಿ & ಅಸಲಿ ವಯಸ್ಸೆಷ್ಟು ಗೊತ್ತಾ?

ಗೀತಾ ಸೀರಿಯಲ್‌ ಖ್ಯಾತಿಯ ಭವ್ಯಾ ಅವರ ಅಕ್ಕನ ಹೆಸರು ದಿವ್ಯಾ ಗೌಡ. ವೃತ್ತಿಯಲ್ಲಿ ಪ್ರೊಫೆಶನಲ್ ಮೇಕಪ್ ಆರ್ಟಿಸ್ಟ್ ಆಗಿರುವ ದಿವ್ಯಾ ಅವರಿಗೀಗ 28 ವರ್ಷ ವಯಸ್ಸು. ಪ್ರತ್ಯೇಕ ಕೋರ್ಸ್‌ ಮಾಡಿ ಸರ್ಟಿಫೈಡ್ ಮೇಕಪ್ ಆರ್ಟಿಸ್ಟ್ ಎಂದೆನಿಸಿಕೊಂಡಿದ್ದಾರೆ. ಜೊತೆಗೆ ಬ್ರೈಡಲ್ ಮೇಕಪ್‌ನಲ್ಲಿ ಪರಿಣತಿ ಹೊಂದಿದ್ದಾರೆ. ಭವ್ಯಾ ಅವರಿಗೀಗ 25 ವರ್ಷ ವಯಸ್ಸಾಗಿದೆ.

ಹಲವು ಸೆಲೆಬ್ರಿಟಿಗಳಿಗೆ ಮೇಕಪ್ ಆರ್ಟಿಸ್ಟ್ ಆಗಿ ಕೆಲಸ ಮಾಡಿದ್ದಾರೆ. ನಟಿ ಶರ್ಮಿಳಾ ಮಾಂಡ್ರೆ, ಗೋಲ್ಡನ್ ಕ್ವೀನ್ ಅಮೂಲ್ಯ, ನಟಿ ಕಾವ್ಯ ಶೆಟ್ಟಿ, ನಟಿ ಶಾನ್ವಿ ಶ್ರೀವಾಸ್ತವ ಸೇರಿದಂತೆ ಹಲವು ತಾರೆಯರಿಗೆ ಬಣ್ಣಹಚ್ಚಿದ್ದಾರೆ.

ಕೆಲ ವಾರಗಳ ಹಿಂದೆ ನನ್ನ ಅಕ್ಕನ ಬರ್ತಡೇ ಇತ್ತು. ನನ್ನ ಅಕ್ಕ ಬದುಕಿಲ್ಲ ಅಂತ ಹೇಳಿಕೊಂಡು ಸಂಕಟಪಟ್ಟಿದ್ದರು. ಅಗಲಿದ ಅಕ್ಕನನ್ನು ನೆನೆದು ಕಣ್ಣೀರು ಹಾಕಿದ್ದರು. ತಮ್ಮ ಅಕ್ಕನ ಸಾವಿಗೆ ಕಾರಣ ಏನು ಎಂಬುದನ್ನು ಬಹಿರಂಗಪಡಿಸಿಲ್ಲ.

ಭವ್ಯಾ ಗೌಡ ಅವರ ತಂದೆ-ತಾಯಿಗೆ ನಾಲ್ಕು ಜನ ಹೆಣ್ಣುಮಕ್ಕಳು. ೪ ಜನ ಹೆಣ್ಣುಮಕ್ಕಳು ನಿಮ್ಮನ್ನು ಬೀದಿಗೆ ತರ್ತಾರೆ. ಅವರನ್ನು ಹೇಗೆ ಸಾಕ್ತೀರಾ? ಅಂತ ಹೀಯಾಳಿಸಿದ್ದರಂತೆ. ಆದರೆ, ಅವರ ತಂದೆ-ತಾಯಿಗೆ ಹೆಣ್ಣುಮಕ್ಕಳು ಹುಟ್ಟಿದ್ದಾರೆಂದು ಯಾವುದೇ ಆತಂಕವಿರಲಿಲ್ಲವಂತೆ. ಆದರೆ, ನಾವು ಚಾಲೆಂಜಿಂಗ್ ಆಗಿ ತೆಗೆದುಕೊಂಡು ಒಬ್ಬೊಬ್ಬರು ಒಂದೊಂದು ಕೆಲಸದಲ್ಲಿದ್ದೇವೆ ಅಂತ ಭವ್ಯಾ ಸಂದರ್ಶನವೊಂದರಲ್ಲಿ ಹೇಳಿದ್ದರು.

ಬಿಗ್‌ಬಾಸ್‌ ಕನ್ನಡ ಸೀಸನ್ 11ರ ಮನೆಯಲ್ಲಿ ಭವ್ಯಾ ಗೌಡ ಪ್ರಬಲ ಸ್ಪರ್ಧಿಯಾಗಿ ಗುರುತಿಸಿಕೊಂಡಿದ್ದಾರೆ. ಫಿಸಿಕಲ್ ಟಾಸ್ಕ್‌ನಲ್ಲಿಯೂ ಚೆನ್ನಾಗಿ ಆಡುತ್ತಿದ್ದಾರೆ. ಇವರ ಅಭಿಮಾನಿ ಬಳಗ ಕೂಡ ಜಾಸ್ತಿಯಿದೆ.