ಸಂಗೀತಾರನ್ನು ಮೈನಸ್ ಮಾಡಿದ್ದೀನಿ, ಯಾರು ಜೀರೋ ಅಂತ ಸಾಬೀತುಪಡಿಸುತ್ತೇನೆ: ಕಾರ್ತಿಕ್

ಸಂಗೀತಾ ಮುಖವಿರುವ ಮಡಿಕೆಗೆ ಒಡೆದು ಮಾತನಾಡಿದ ಕಾರ್ತಿಕ್, ನಾನು ವಿನಯ್ ಜೊತೆ ಚೆನ್ನಾಗಿದ್ದೇನೆ. ಈಗಾಗಲೇ ಸಾಕಷ್ಟು ಬಾರಿ ನಾನು ಮತ್ತು ವಿನಯ್ ಜಗಳವಾಡಿದ್ದೇವೆ. ಮತ್ತೆ ಒಂದಾಗಿದ್ದೇವೆ. ಸಂಗೀತಾ ಅವರು ವಿನಯ್ ತಂಡಕ್ಕೆ ಹೋಗುವ ಮೊದಲು ನಾನು ಅವರಿಗೆ ತಪ್ಪಾಗಿ ಕಾಣುತ್ತಿದ್ದೆ. ಅಲ್ಲಿ ಹೋದಾಗಲೂ ನಾನು ತಪ್ಪಾಗಿ ಕಾಣ್ತೀನಿ. ಆಮೇಲೆ ಅವರು ಬಂದು ಕೆಲ ದಿನಗಳಾದ ಮೇಲೆ ಚೆನ್ನಾಗಿ ಕಾಣುತ್ತೇನೆ. ಈಗ ವಿನಯ್ ಜೊತೆ ಚೆನ್ನಾಗಿದ್ದೀನಿ ಅಂತ ನಾನು ಬಕೆಟ್ ಹಿಡಿಯೋನು ಅಂತ ಆಧಾರಹಿತ ಕಾಮೆಂಟ್ ಮಾಡಿದ್ದು ಸರಿ ಕಾಣಿಸಿಲ್ಲ. ನಾನು ತುಂಬಾ ತಾಳ್ಮೆಯಿಂದ ಇದ್ದೇನೆ. ಬಕೆಟ್ ಅಂತ ಹೇಳಿದ್ದು ಸರಿ ಕಾಣ್ತಿಲ್ಲ. ಕಾರ್ತಿಕ್ ಅವರಿಂದ ಸಂಗೀತಾರನ್ನು ಮೈನಸ್ ಮಾಡಿದ್ರೆ ಜೀರೋ ಅಂತ ಕೆಲವರು ಹೇಳಿದ್ರು. ಆದ್ರೀಗ ಸಂಗೀತಾರನ್ನು ಮೈನಸ್ ಮಾಡಿದ್ದೀನಿ, ಜೀರೋ ಯಾರು ಅಂತ ಸಾಬೀತುಪಡಿಸ್ತೀನಿ ಅಂತ ಹೇಳಿದರು. 

ಇನ್ನು ವಿನಯ್ ಕೂಡ ಸಂಗೀತಾ ಮುಖವಿರುವ ಮಡಿಕೆಗೆ ಒಡೆದು, ಅವಕಾಶ ಸಿಕ್ಕಾಗವಗೆಲ್ಲಾ ನಮ್ಮನ್ನು ಕೆಟ್ಟದಾಗಿ ತೋರಿಸುತ್ತಾರೆ. ನನ್ನ ಮಾತನ್ನು ಯಾರು ಕೇಳೋದಿಲ್ಲವೋ, ಯಾರು ಬೆಂಬಲ ಕೊಡೋದಿಲ್ಲವೋ ಅವರನ್ನು ನೆಗೆಟಿವ್ ಆಗಿ ತೋರಿಸಿ, ಇನ್ನೊಬ್ಬರನ್ನು ಬಿಟ್ಟು ತಲೆ ತುಂಬಿಸಿ, ಮತ್ತೆ ಅವರು ಏಳಲೇಬಾರದು ಅನ್ನೋ ರೀತಿ ಮಾಡ್ತಾರೆ ಎಂದಿದ್ದಾರೆ.

ನಮ್ರತಾ ಮಾತನಾಡಿ ಸಂಗೀತಾ ಅವರು 'ನಾವು ಅವರಿಗೆ ಒಳ್ಳೆಯದನ್ನು ಮಾಡಲು ಹೋದರೂ, ಸಮಸ್ಯೆ ಬಗೆಹರಿಸಿಕೊಳ್ಳಲು ಹೋದರೂ ಅವರು ಕೇಳಲು ರೆಡಿ ಇರಲ್ಲ. ನಾನು ವಿನಯ್ ವಿನಯ್ ಮಾತನ್ನು ಕೇಳಿಕೊಂಡು ಅವರನ್ನು ಜಡ್ಜ್ ಮಾಡುತ್ತಿದ್ದೇನೆ, ಮಾತನಾಡುತ್ತಿದ್ದೇನೆ, ಲೆಬೆಲ್ ಮಾಡ್ತೀನಿ ಅಂದ ತಿಳಿದುಕೊಳ್ಳುತ್ತಾರೆ.  ಬೇರೆಯವರ ಸೈಡ್ ಕಥೆಯನ್ನು ಕೇಳಲು ಅವರು ತಯಾರಿಲ್ಲ ಅಂತ ಹೇಳಿದ್ದಾರೆ.

ಮೈಕಲ್ ಮಾತನಾಡಿ, ಒಂದು ಟಾಸ್ಕ್ ವಿಚರಕ್ಕೆ ಬೇರೆಯವರ ಲೈಫ್ ಹಾಳು ಮಾಡಲು ಪ್ರಯತ್ನಪಟ್ಟವರಿಗೆ ಗೌರವ ಕೊಡಿ ಅಂದರೆ ಆಗೋದಿಲ್ಲ ಅಂತ ಸಂಗೀತಾ ವಿರುದ್ದ ಕಿಡಿಕಾರಿದ್ದಾರೆ. ಇನ್ನು ತುಕಾಲಿ ಸಂತು, ತರಕಾರಿ ಕಟ್ ಮಾಡಿದ್ದು ಫಸ್ಟ್, ನಿಂಬೆ ಹಣ್ಣಿನ ವಿಚಾರವಾಗಿ ನಾನು ಫೇಕ್ ಅಂತ ಹೇಳುತ್ತಾ ಬರುತ್ತಿದ್ದಾರೆ. ಹೊರಗಡೆ ಕೂಡ ನನ್ನ ಜೊತೆ ಮಾತನಾಡಲ್ಲ ಅಂತ ಹೇಳಿದ್ರು. ನನಗೂ ಕೂಡ ಹೊರಗಡೆ ಅವರ ಜೊತೆ ಮಾತಾಡೋಕೆ ಇಷ್ಟವಿಲ್ಲ. ಐ ಡೋಂಟ್ ಲೈಕ್ ಇಟ್ ಅಂತ ಹೇಳಿದ್ದಾರೆ. 

ಕಿಚ್ಚ  ನೀಡಿದ ಟಾಸ್ಕ್‌ನಲ್ಲಿ ಡ್ರೋನ್ ಪ್ರತಾಪ್ ಹಾಗೂ ಸಂಗೀತಾಗೆ ತಲಾ ಐದು ಬಾರಿ ಏಟು ಬಿದ್ದಿತು. ಮನೆಯಲ್ಲಿ ಅತಿಹೆಚ್ಚು ಏಟು ಬಿದ್ದಿದ್ದು ಇವರಿಬ್ಬರಿಗೆ. ನಂತರದ ಸ್ಥಾನ ವಿನಯ್ ಹಾಗೂ ಮೈಕಲ್‌ಗೆ ಸಿಕ್ಕಿದ್ದು, ಇಬ್ಬರಿಗೂ ತಲಾ ನಾಲ್ಕು ಏಟು ಬಿದ್ದಿದೆ. ತುಕಾಲಿ ಸಂತು ಮತ್ತು ಕಾರ್ತಿಕ್‌ಗೆ ಎರಡು ಏಟು ಹಾಗೂ ತನಿಷಾಗೆ ಒಂದು ಏಟು ಬಿದ್ದಿದೆ. ಈ ಚಟುವಟಿಕೆಯಿಂದ ಸಂಗೀತಾ ಹಾಗೂ ಕಾರ್ತಿಕ್ ಫ್ರೆಂಡ್‌ಶಿಪ್ ಸಂಪೂರ್ಣ ಮುರಿದಂತೆ ಕಾಣುತ್ತಿದೆ.