ಹಳ್ಳಿಯಲ್ಲಿ ಎಮ್ಮೆ ಕಾಯ್ತಿದ್ದವಳನ್ನು ಆರ್ಟಿಸ್ಟ್ ಮಾಡಿದ, ಜೀವನದಲ್ಲಿ ಇದಕ್ಕಿಂತ ಒಳ್ಳೆ ವ್ಯಕ್ತಿ ನನಗೆ ಸಿಗ್ತಿರಲಿಲ್ಲ: ತುಕಾಲಿ ಸಂತು ಪತ್ನಿ ಮಾನಸ

ನಮ್ರತಾ ಗೌಡ ತಾಯಿ ಬಿಗ್‌ಬಾಸ್‌ ಮನೆಗೆ ಬಂದ ಸಂದರ್ಭದಲ್ಲಿ ತುಕಾಲಿ ಸಂತು 'ನನ್ನ ಹೆಂಡ್ತಿಯನ್ನು ಕಳುಹಿಸಬೇಡಿ' ಅಂತ ತಮಾಷೆಯಾಗಿ ಹೇಳಿದ್ದರು. ಹೀಗಾಗಿ ಬಿಗ್‌ಬಾಸ್ ಮನೆಯೊಳಗೆ ಕೋಲು ಹಿಡಿದುಕೊಂಡೇ ಎಂಟ್ರಿಕೊಟ್ಟ ಪತ್ನಿ ಮಾನಸಾ, ಪಾಸ್‌ ಆಗಿದ್ದ ತುಕಾಲಿ ಸಂತುಗೆ ಬಾರಿಸಲು ಆರಂಭಿಸಿದರು. ನನಗೆ ಒಂದು ದಿನವೂ ಲಿಪ್‌ಸ್ಟಿಕ್ ಹಚ್ಚಿಲ್ಲ, ಕಾರ್ತಿಕ್ ಅಣ್ಣನಿಗೆ ಯಾಕೆ ಹಚ್ಚಿದೆ? ನಮ್ರತಾ ಅಕ್ಕನ ಜೊತೆ ಯಾಕೆ ನುಲಿದುಕೊಂಡು ಡ್ಯಾನ್ಸ್ ಮಾಡ್ತೀಯಾ? ಅಂತ ತಮಾಷೆಯಾಗಿ ಕ್ಲಾಸ್ ತೆಗೆದುಕೊಂಡರು. ಜೊತೆಗೆ ನಮ್ರತಾ, ತುಕಾಲಿ ಸಂತು ಹಾಗೂ ಮಾನಸಾ ಸೇರಿಕೊಂಡು ಮನೆಯೊಳಗೆ ಸಣ್ಣ ಸ್ಕಿಟ್  ಕೂಡ ಮಾಡಿ ಎಲ್ಲರನ್ನ ನಗಿಸಿದ್ದಾರೆ.

ಇನ್ನು ಸ್ಕಿಟ್ ಮುಗಿದ ಬಳಿಕ ನಾನು ಹಳ್ಳಿಯಲ್ಲಿ ಕಾಯ್ತಿದ್ದವಳನ್ನು ಬೆಂಗಳೂರಿಗೆ ಕರೆದುಕೊಂಡು ಬಂದು ಆರ್ಟಿಸ್ಟ್ ಮಾಡಿದೆ ಎಂದರು. ಆಗ ತುಕಾಲಿ ಸಂತು, ಅವಳು ನನಗೆ ಕೌಂಟರ್ ಕೊಡ್ತಾಳೆ ಅಂದರು. ಅದಿಕ್ಕೆ ಮಾನಸಾ, ನಾನು ಎಮ್ಮೆ ಕಾಯ್ತಿದ್ರೆ, ನೀನು ಮೈಸೂರಿನಲ್ಲಿ ಅರ್ಜುನನ್ನು ಕಾಯ್ತಿದ್ಯಾ? ಎಲ್ಲರೂ ಚೆನ್ನಾಗಿರೋರನ್ನು ಮದುವೆಯಾದ್ರೆ ನಿನ್ನಂತಹ ವಿಕಾರ ಆಗಿರೋರನ್ನು ಯಾರು ಮದುವೆಯಾಗ್ರಾತೆ ಅಂತ ಜೀವನ ಕೊಟ್ಟೆ ಕಾಲೆಳೆದು, ಕೌಂಟರ್ ಕೊಟ್ಟರು.

ಬಿಗ್‌ಬಾಸ್‌ ಮನೆಯಲ್ಲಿ ಯಾರಿಗೂ ತಿಳಿಯದ ತುಕಾಲಿ ಸಂತು ಅವರ ಇನ್ನೊಂದು ಮುಖ ರಿವೀಲ್ ಮಾಡಿದ ಮಾನಸ, ಹುಟ್ಟಿದಾಗಿನಿಂದ ೨೨ ವರ್ಷದವರೆಗೆ ನಾನು ಜೀವನದಲ್ಲಿ ಖುಷಿಯನ್ನೇ ಕಂಡಿರಲಿಲ್ಲ. ಇವನನ್ನು ಮದುವೆಯಾದ್ಮೇಲೆ ಜೀವನ ಚೆನ್ನಾಗಿದೆ. ಮದುವೆಗೂ ಮುನ್ನ ಇಡೀ ಮನೆ ಹುಡುಕಿದ್ರೂ ನಮ್ಮ ಮನೆಯಲ್ಲಿ ಒಂದು ರೂಪಾಯಿಯೂ ಸಿಗುತ್ತಿರಲಿಲ್ಲ. ನನಗೆ ಓದೋಕೆ ದುಡ್ಡಿರಲಿಲ್ಲ. ನಮ್ಮ ಮನೆಯಲ್ಲಿ ಊಟ ಮಾಡೋಕೂ ಹಣವಿರಲಿಲ್ಲ. ನಾನು ತುಂಬಾ ಹಠಮಾರಿ. ಇವನು ನನ್ನನ್ನು ತಡೆದುಕೊಂಡಿದ್ದಾನೆ ಅದೇ ಗ್ರೇಟ್. ಮದುವೆಯಾಗುವಾಗಲೇ ನನಗೆ ಕಾಫಿ ಮಾಡೋಕೂ ಬರಲ್ಲ ಅಂತ ಹೇಳಿದ್ದೆ, ನಾನೇ ಎಲ್ಲಾ ಮಾಡ್ತೀನಿ, ಕಲಿಸಿಕೊಡುತ್ತೇನೆ ಅಂತ ಅವನು ಹೇಳಿದ್ದ. ಜೀವನದಲ್ಲಿ ಇದಕ್ಕಿಂತ ಒಳ್ಳೆಯ ವ್ಯಕ್ತಿ ನನಗೆ ಸಿಗುತ್ತಿರಲಿಲ್ಲ ಅಂತ ಭಾವುಕರಾದರು. ಇವರ ಜೀವನದ ರಿಯಲ್ ಕಥೆ ಕೇಳಿ ಮನೆಯವರೆಲ್ಲಾ ಭಾವುಕರದರು.

ಇನ್ನು ಬಿಗ್‌ಬಾಸ್ ಮನೆಯೊಳಗೆ ತಮ್ಮ ಮಗುವಿನಂತಹ ಮಡದಿ ಬಗ್ಗೆ ಮಾತನಾಡಿದ ತಯಕಾಲಿ ಸಂತು, ನಾನು ಮದುವೆಯಾಗಲು ಹೆಣ್ಣು ಹುಡುಕುವಾಗ ಎಷ್ಟೋ ಜನರು ಇವನು ನಾಟಕ ಮಾಡುವವನು, ಏನಿದೆ ಅಂತ ಹೆಣ್ಣು ಕೊಡ್ತಾರೆ ಅಂತ ಹೇಳಿದ್ರು. ನಾನು ಫಸ್ಟ್ ಟೈಮ್ ಇವಳನ್ನು ರಿಜೆಕ್ಟ್ ಮಾಡಿ, ಬೆಂಗಳೂರಿಗೆ ಬಂದಿದ್ದೆ. ಆದರೆ, ಇವಳು ನನಗೋಸ್ಕರ ಕಾಯ್ತಿದ್ದಾಳೆ ಅಂತ ಗೊತ್ತಾಯ್ತು. ಇವಳು ಮಗು ಥರ. ಇವಳೀಗ ಆರ್ಟಿಸ್ಟ್ ಆದಮೇಲೆ ಕೌಂಟರ್‌ಗೆ ಕೌಠಂರ್ ಕೊಡೋದು ನೋಡಿದರೆ ತುಂಬಾ ಖುಷಿಯಾಗುತ್ತೆ. ಅವಳನ್ನು ಫಸ್ಟ್ ಟೈಮ್ ರಿಜೆಕ್ಟ್ ಮಾಡಿದ್ದಕ್ಕೆ ಕ್ಷಮೆ ಕೇಳುತ್ತೇನೆ ಎಂದರು.

ದೊಡ್ಮನೆಯಲ್ಲಿ ತುಕಾಲಿ ಸಂತು ಹಾಗೂ ಮಾನಸಾ ಅವರ ಜೋಡಿ ಕಂಡ ವೀಕ್ಷಕರು ಖುಷಿಪಟ್ಟಿದ್ದಾರೆ. ಜೊತೆಗೆ ಸಾಕಷ್ಟು ನಕ್ಕಿದ್ದಾರೆ. ಸ್ವತಃ ಬಿಗ್‌ಬಾಸ್‌ ಕೂಡ ನಿಮ್ಮದು ಅಪರೂಪದ ಜೋಡಿ ಅಂತ ಹೇಳಿದ್ದಾರೆ.