ತ್ರಿಶಾ ಕೃಷ್ಣನ್ ಟು ಶ್ರೀಲೀಲಾ: ಹೀರೋಯಿನ್ ಆಗುವುದಕ್ಕೂ ಮುನ್ನ ಸೈಡ್ ರೋಲ್‌ನಲ್ಲಿ ನಟಿಸಿದ್ದ ಖ್ಯಾತ ನಟಿಯರಿವರು!

ಸಾಯಿ ಪಲ್ಲವಿ ದಕ್ಷಿಣ ಭಾರತ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಇವರ ಅಭಿಮಾನಿ ಬಳಗವೂ ಬಹಳ ದೊಡ್ಡದಿದೆ. ಸದ್ಯ ಸ್ಟಾರ್ ನಟಿಯಾಗಿ ಮಿಂಚುತ್ತಿರುವ ಇವರು ಹೀರೋಯಿನ್ ಆಗುವುದಕ್ಕೂ ಮುನ್ನ ಕಸ್ತೂರಿ ಮಾನ್, ಧಾಮ್ ಧೂಮ್ ಸಿನಿಮಾಗಳಲ್ಲಿ ಸೈಡ್‌ ರೋಲ್‌ನಲ್ಲಿ ಕಾಣಿಸಿಕೊಂಡಿದ್ದರು. ಆನಂತರ ೨೦೧೫ರಲ್ಲಿ ತೆರೆಕಂಡ ಮಲಯಾಳಂನ ಪ್ರೇಮಂ ಸಿನಿಮಾ ಮೂಲಕ ನಾಯಕಿಯಾಗಿ ಮಿಂಚಿದರು.

ಸೌತ್ ಸಿನಿಮಾರಂಗದಲ್ಲಿ ಕ್ವೀನ್ ಎನಿಸಿಕೊಂಡಿರುವ ತ್ರಿಶಾ ಕೃಷ್ಣನ್ ಅವರು 1999ರಲ್ಲಿ ತೆರೆಕಂಡ 'ಜೋಡಿ' ಎಂಬ ಚಿತ್ರದಲ್ಲಿ ಸಿಮ್ರಾನ್ ಅವರ ತಂಗಿಯ ಪಾತ್ರದಲ್ಲಿ ಅಭಿನಯಿಸಿದ್ದರು. ಆನಂತರ 2002ರಲ್ಲಿ ಅವರಿಗೆ ಹೀರೋಯಿನ್ ಪಾತ್ರ ಸಿಕ್ಕಿದ್ದು. ಕನ್ನಡದಲ್ಲಿ ಅವರು ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಜೊತೆ 'ಪವರ್' ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ.

ಕನ್ನಡದ ಶ್ರೀಲೀಲಾ ಸದ್ಯ ಟಾಲಿವುಡ್‌ನ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಇವರಿಗೆ ಸಿಕ್ಕಾಪಟ್ಟೆ ಡಿಮ್ಯಾಂಡ್ ಇದೆ. ಇವರು ನಾಯಕಿಯಾಗುವುದಕ್ಕೂ ಮುನ್ನ 2017ರಲ್ಲಿ ತೆರೆಕಂಡ 'ಚಿತ್ರಾಂಗದ' ಎಂಬ ಸಿನಿಮಾದಲ್ಲಿ ಪುಟ್ಟ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದರು. 2019ರಲ್ಲಿ ತೆರೆಕಂಡ ಕನ್ನಡದ 'ಕಿಸ್' ಚಿತ್ರದ ಮೂಲಕ ನಾಯಕಿಯಾದರು.

ತಮಿಳು, ತೆಲುಗು, ಮಲಯಾಳಂ ಹಾಗೂ ಹಿಂದಿ ಸಿನಿಮಾರಂಗದಲ್ಲಿ ಬ್ಯುಸಿಯಾಗಿರುವ ಕರಾವಳಿ ಚೆಲುವೆ ಕೃತಿ ಶೆಟ್ಟಿ ಹೀರೋಯಿನ್ ಆಗುವುದಕ್ಕೂ ಮುನ್ನ  ಹೃತಿಕ್ ರೋಷನ್ ನಟನೆಯ 'ಸೂಪರ್ 30' ಎಂಬ ಚಿತ್ರದಲ್ಲಿ ವಿದ್ಯಾರ್ಥಿನಿ ಪಾತ್ರ ಮಾಡಿದ್ದರು. ಇದಕ್ಕೂ ಮುನ್ನ ತಮ್ಮ 10ನೇ ವಯಸ್ಸಿನಲ್ಲಿ ಜಾಹೀರಾತುವೊಂದರಲ್ಲಿ ಕಾಣಿಸಿಕೊಂಡಿದ್ದರು. 

ನಟಿ ಕಾಜಲ್ ಅಗರ್ವಾಲ್ ಸೌತ್ ಸಿನಿಮಾರಂಗದಲ್ಲಿ ಸ್ಟಾರ್ ಆಗುವುದಕ್ಕೂ ಮುನ್ನ  ಹಿಂದಿಯ 'ಕ್ಯೂನ್ ಹೋ ಗಯಾ ನಾ' ಎಂಬ ಸಿನಿಮಾದಲ್ಲಿ ಐಶ್ವರ್ಯಾ ರೈ ಅವರ ತಂಗಿಯ ಪಾತ್ರದಲ್ಲಿ ಅಭಿನಯಿಸಿದ್ದರು. 2008ರಲ್ಲಿ ಹಿಂದಿ ಸಿನಿಮಾಗಳಲ್ಲಿ ಸಣ್ಣ-ಪುಟ್ಟ ಪಾತ್ರ ಮಾಡ್ತಿದ್ದ ಈ ನಟಿ, 2007ರಲ್ಲಿ ತೆರೆಕಂಡ ತೆಲುಗಿನ 'ಲಕ್ಷ್ಮೀ ಕಲ್ಯಾಣಂ' ಸಿನಿಮಾ ಮೂಲಕ ನಾಯಕಿಯಾದರು.

ಬೆಂಗಳೂರು ಮೂಲದ ನಟಿ ಅಮೃತಾ ಅಯ್ಯರ್ ಲಿಂಗಾ, ತೇರಿ, ಪೊಕ್ಕಿರಿ ರಾಜಾ ಮುಂತಾದ ಸಿನಿಮಾಗಳಲ್ಲಿ ಸಣ್ಣ-ಪುಟ್ಟ ಪಾತ್ರಗಳಲ್ಲಿ ನಟಿಸಿದ್ದರು. ಸದ್ಯ ನಾಯಕಿಯಾಗಿ ಮಿಂಚುತ್ತಿರುವ ಅಮೃತಾ, ಇತ್ತೀಚೆಗೆ ಹನುಮಾನ್ ಸಿನಿಮಾ ಮೂಲಕ ಸದ್ದು ಮಾಡಿದ್ದರು.