ಡ್ರೋನ್ ಪ್ರತಾಪ್‌ಗೆ 'ಕಾಗೆ ಕಾ... ಕಾ.. ಅಂತಿದೆ' ಅಂತ ಚುಚ್ಚಿದ ಇಶಾನಿ: ಉಳಿದವರು ಏನಂದ್ರು?

ಇಶಾನಿ ಹಾಗೂ ನೀತು ವನಜಾಕ್ಷಿಹಾರರ್ ಸರ್‌ಪ್ರೈಸ್‌ ನೀಡುವ ಮೂಲಕ ದೊಡ್ಮನೆಯೊಳಗಿರುವ ಸ್ಪರ್ಧಿಗಳಿಗೆ ಸರ್‌ಪ್ರೈಸ್ ನೀಡಿದರು. ನಂತರ ಸಂಗೀತಾ ಶೃಂಗೇರಿ ಹಾಗೂ ವಿನಯ್ ಗೌಡ ಜೊತೆ ಮಾತನಾಡುವಾಗ ಇಶಾನಿ, ಕಾಗೆ ಗೊತ್ತಿಲ್ಲವಾ? ಕಾಗೆ ಮಾಡಿಬಿಟ್ಟು ಎಲ್ಲಾ ಕಡೆ ಹೋಗ್ತಾನೆ ಇದೆ. ಸಿಂಪಥಿ ಕಾರ್ಡ್ ಯೂಸ್ ಮಾಡಿ. ಉಳ್ಕೊಂಡಿದ್ದೇ ಅದರಿಂದ ಅಲ್ವಾ? ಎಂದರು. ಈ ಸಂದರ್ಭ ಪ್ರತಾಪ್ ಮಧ್ಯೆ ಮಾತನಾಡಿದಾಗ, 'ಕಾಗೆ ಕಾ... ಕಾ.. ಅಂತಿದೆ' ಅಂತ ಚುಚ್ಚಿದ್ದಾರೆ. 

ಸಂಗೀತಾ ಬಗ್ಗೆ ಮಾತನಾಡಿದ ಇಶಾನಿ, ತುಂಬಾ ಚೆನ್ನಾಗಿ ಆಟ ಆಡುತ್ತಿದ್ದೀಯಾ. ಐ ಆಮ್ ವೆರಿ ಪ್ರೌಡ್ ಆಫ್ ಯು. ನಿನ್ನ ಬಗ್ಗೆ ಚೆನ್ನಾಗಿ ಅರಿತುಕೊಳ್ಳಬೇಕಿತ್ತು. ಈಗ ಖುಷಿಯಿದೆ ಎಂದರು. ನಂತರ ವಿನಯ್, ರಕ್ಷಕ್, ನಮ್ರತಾ, ಇಶಾನಿ ಮಾತನಾಡುತ್ತಿದ್ದಾಗ ಕಾರ್ತಿಕ್ ಅಲ್ಲಿಗೆ ಬಂದರು. ಆಗ ಇಶಾನಿ ಏನೋ? ಇಲ್ಯಾಕೆ ಬರ್ತಿದ್ಯಾ? ಇದು ಗುಂಪು ಅಲ್ವಾ? ಎಂದರು. ಆಗ ವಿನಯ್ ನಮ್ಮ ಗುಂಪು ಈಸ್ ಬ್ಯಾಕ್ ಎಂದರು. ಬಳಿಕ ಕಾರ್ತಿಕ್ ಕುರಿತಾಗಿ ನಮ್ರತಾ ಜೊತೆ ಮಾತನಾಡಿದ ಇಶಾನಿ, ಕಾರ್ತಿಕ್ ಜೊತೆಗೆ ನಿಮ್ಮ ಬಾಂಡಿಂಗ್ ಬೇಡ. ನೀನು ಸ್ಟ್ರಾಂಗ್ ಆಗಿದ್ದಯಾ. ಆದರೆ, ಅದು ಬೇಡ. ಎಷ್ಟು ಅವಾಯ್ಡ್ ಮಾಡೋಕೆ ಆಗುತ್ತೋ, ಮಾಡು. ನಿನ್ನ ಮೇಲೆ ಪೋಕಸ್ ಮಾಡು ಅಂತ ಸಲಹೆ ಕೊಟ್ಟರು. 

ನೀತು ಅವರು ತನಿಷಾಗೆ ನೀವು ನಂಬಿಕೆ ಇಟ್ಟಿದ್ದು ರಾಂಗ್ ಆಗಿದೆ ಅಂತ ಹೇಳಿದರು. ನಂತರ ಡ್ರೋನ್ ಪ್ರತಾಪ್ ಹಾಗೂ ಸಂಗೀತಾ ಜೊತೆ ಮಾತನಾಡಿ, ಸಂಗೀತಾ ಸಪೋರ್ಟ್ ಮಾಡಿದ್ದಾರೆ. ಅದಕ್ಕೆ ನಿನಗೆ ಕೃತಜ್ಞತೆ ಇರಬೇಕು. ನೀವಿಬ್ಬರೂ ಚೆನ್ನಾಗಿದ್ದರೇನೆ ಚಂದ. ಬೇರೆಯವರೊಂದಿಗೆ ಫೈಟ್ ಆದರೆ ಓಕೆ. ನಿಮ್ಮಿಬ್ಬರ ನಡುವೆ ಫೈಟ್ ಆದ್ರೆ ಚೆನ್ನಾಗಿರಲ್ಲ. ಇಬ್ಬರ ಒಳ್ಳೆಯದಕ್ಕೆ ಹೇಳುತ್ತಿದ್ದೀನಿ ಎಂದರು. ಆಗ ಸಂಗೀತಾ ಅವನು ತುಂಬಾ ಸ್ವಾರ್ಥಿಯಾಗಿದ್ದಾನೆ. ಕರುಳು ಕಿತ್ತುಕೊಟ್ಟರೂ ಬಹುಶಃ ಹಗ್ಗ ಅಂತಾನೆ ಎಂದರು. 
ಪ್ರತಾಪ್‌ಗೆ ಸಲಹೆ: ಪ್ರತಾಪ್ ಜೊತೆ ಮಾತನಾಡಿದ ನೀತು, ನಿನಗೆ ಸಂಗೀತಾದು ಸಪೋರ್ಟ್ ಇತ್ತು. ಅದು ಬ್ರೇಕ್ ಆಗಿಬಿಟ್ಟರೆ ಒಂಟಿಯಾಗಿ ಬಿಡ್ತೀಯಾ ಅಂದರು.  
ಸಂಗೀತಾಗೆ ಬಗ್ಗೆ: ಒನ್ ಮ್ಯಾನ್ ತರಹನೇ ಇದ್ದೀಯಾ.  100% ಕೊಡುತ್ತಿದ್ದೀಯಾ. ರಾಕಿಂಗ್ ಎಂದರು. 

ನಂತರ ಜೋಕರ್ ವೇಶದಲ್ಲಿ ದೊಡ್ಮನೆಗೆ ಎಂಟ್ರಿಕೊಟ್ಟ ರಕ್ಷಕ್, ಎಲ್ಲರನ್ನು ನೋಡಿ ಕಣ್ಣೀರು ಸುರಿಸಿದರು. ನಂತರ ವಿನಯ್ ಜೊತೆ ಮಾತನಾಡಿದ ರಕ್ಷಕ್, ಯಶಸ್ವಿಯಾಗಿ ಹೊಡೆದು ಹಾಕಿದರು ಅಲ್ವಾ? ಅಂತ ಕೇಳಿದ್ರು. ಆಗ ವಿನಯ್, ಪೀಸ್ ಪೀಸ್ ಮಾಡಿಬಿಟ್ಟರು ಎಂದರು. ಅದಕ್ಕೆ ರಕ್ಷಕ್, ದೇವರೊಬ್ಬ ಇದ್ದಾನೆ ಎಂದರು. ನಮ್ರತಾ ನಾವಿಬ್ಬರೇ ಉಳಿದಿರೋದು ಈಗ ಅಂತ ಹೇಳಿದರು. ಆಗ ವಿನಯ್, ಒಬ್ಬೊಬ್ಬರನ್ನೇ ಹೊಡೆದರು. ಅವರಷ್ಟೂ ಜನ ಇನ್ನೂ ಇದ್ದಾರೆ ನೋಡು. ಒಂದೊಂದೆ ಕಟ್ ಮಾಡಿದ ಹಾಗಾಯಿತು ನನಗೆ ಅಂತ ಕಾಮೆಂಟ್ ಮಾಡಿದ್ರು. 

ನಂತರ ದೊಡ್ಮನೆಗೆ ಮೈಕಲ್ ಅಜಯ್ ಎಂಟ್ರಿಕೊಟ್ಟರು. ಈ ವೇಳೆ ನಮ್ರತಾ ಹೇಗಿದೆ ರೆಸ್ಪಾನ್ಸ್? ನಾರ್ಮಲ್ ಆಗಿ ನೀವು ಓಡಾಡಬಹುದಾ? ಅಂತ ಪ್ರಶ್ನಿಸಿದರು. ಆಗ ಮೈಕಲ್, ಇಲ್ಲ, . ನೆಕ್ಸ್ಟ್‌ ಲೆವೆಲ್‌ನಲ್ಲಿ ರೆಸ್ಪಾನ್ಸ್ ಇದೆ. ರೋಡ್‌ನಲ್ಲಿ ಓಡಾಡೋಕೆ ಆಗುತ್ತಿಲ್ಲ. ಎಲ್ಲೇ ಹೋದ್ರೂ ಏಯ್ ಮಣ್ಣಿನ ಮಗ ಅಂತಾರೆ ಅಂದರು. 

ಆನೆ ಬಂತೊಂದಾನೆ...ಆಗ್ತಿದ್ಯಾ? ಓಡಿದ್ಯಾ ಚೆನ್ನಾಗಿ? ಅಂತ ವಿನಯ್ ಪ್ರಶ್ನಿಸಿದಾಗ, ೫೦ ದಿನಗಳವರೆಗೂ ಬೇರೆ ಸ್ಟೋರಿ ಲೈನ್ ಇತ್ತು. ೫೦ ದಿನಗಳು ಆದಮೇಲೆ ಕಥೆ ಚೇಂಜ್ ಆಗಿದೆ ಎಂದರು. ಅದಕ್ಕೆ ವಿನಯ್, ಒಟ್ನಲ್ಲಿ ರೇಸ್‌ನಲ್ಲಿ ಇದ್ದೀನಿ ಅಲ್ವಾ? ಅಂತ ಕೇಳಿದಾಗ, ಮೈಕಲ್ ಹಾಗೂ ಇಶಾನಿ ಇಬ್ಬರೂ 'ಹೂಂ' ಅಂತ ತಲೆ ಅಲ್ಲಾಡಿಸಿದ್ರು. ಬಳಿಕ ವಿನಯ್, ಈ ವಾರ ವಾಪಾಸ್ ಬರಬೇಕು. ನಿನ್ನೆಯೇ ಪೌಂಡೇಷನ್ ಹಾಕಿದ್ದೇನೆ. ನೀವೆಲ್ಲಾ ವಾಪಾಸ್ ಬಂದಿದ್ದು ಖುಷಿಯಾಯ್ತು. ಯಾರೂ ಇರಲಿಲ್ಲ. ಲೋನ್ಲಿ ಫೀಲ್ ಆಗ್ತಿತ್ತು. ಆಟದಲ್ಲಿ ನನ್ನ ಫ್ರೆಂಡ್ಸ್ ಮಾತ್ರ ಹೊರಗೆ ಹೋದವರು ಎಂದರು. ಆಗ ಮೈಕಲ್, ಏನಿಲ್ಲಾ ಗುರು.. ಹೊರಗಡೆ ಎಲ್ಲಾ ಚೆನ್ನಾಗಿ ನಡೀತಿದೆ. ಏನೂ ಸ್ಟ್ರೇಸ್ ತೆಗೆದುಕೊಳ್ಳಬೇಡ. ಆರಾಮಾಗಿ ಇರ್ತೀಯಾ ಎಂದರು. 

ಕಾರ್ತಿಕ್ ಜೊತೆ ಮಾತನಾಡಿದ ಸಿರಿ, ಏನ್ಮಾಡ್ತಿದ್ದೀಯಾ? ಫಿನಾಲೆಗೆ ತುಂಬಾ ಹತ್ತಿರವಿದ್ದೀಯಾ. ಡಿಸ್ಟರ್ಬ್ ಆಗಬೇಡ. ನೀನು ಏನು ಮಾಡ್ತಿದ್ದೀಯಾ? ಅಂತ ನಮ್ರತಾ ಕುರಿತು ಕೇಳಿದ್ರು. ಚೆನ್ನಾಗಿಲ್ಲ, ನೀನು ನೀನಾಗಿಲ್ಲ ಅನಿಸುತ್ತಿದೆ. ಬೇಡ ಅಂತ ಅನಿಸುತ್ತಿದೆ. ನೀನು ಹಾಗಲ್ಲ ಅಂದ್ಮೇಲೆ ಯಾಕೆ ಮಾಡ್ತೀಯಾ? ಅಂತ ಪ್ರಶ್ನಿಸಿದರು. ಜೊತೆಗೆ ತನಿಷಾನಾ ಯಾಕೆ ನಾಮಿನೇಟ್ ಮಾಡಿದೆ? ಅಂತಲೂ ಪ್ರಶ್ನಿಸಿದರು. ಆಗ ಕಾರ್ತಿಕ್, ಅವರ ಆಟ ತುಂಬಾ ಸ್ಲೋ ಆಗಿದೆ ಅನಿಸಿತು ಎಂದರು. ಅದಕ್ಕೆ ಸಿರಿ, ಅದು ಸರಿ ಅನಿಸಲಿಲ್ಲ. ಫ್ರೆಂಡ್‌ಶಿಪ್ ಬೇರೆ, ಆಟವೇ ಬೇರೆ. ಆದರೆ, ಏನೇ ಮಾಡಿದ್ರೂ ಕರೆಕ್ಟ ಆಗಿರಬೇಕು. ಒಬ್ಬರನ್ನು ಸೇಫ್ ಮಾಡೋಕೆ, ಇನ್ನೊಬ್ಬರನ್ನು ನಾಮಿನೇಟ್ ಮಾಡಿದೆ ಅಂತ ಅನಿಸಬಾರದು ಅಲ್ವಾ? ಬಯಾಸ್ಡ್ ಆಗಿ ಕಾಣಿಸ್ತು. ನನಗೆ ಅದು ಇಷ್ಟವಾಗಲಿಲ್ಲ ಅಂದರು. 

ಕೊನೆಗೆ ಬಿಗ್‌ಬಾಸ್‌ ಮನೆಗೆ ಸ್ನೇಹಿತ್ ಎಂಟ್ರಿಕೊಟ್ಟರು. ವಿನಯ್ ಅವರನ್ನು ಅಪ್ಪಿಕೊಂಡು 'ಲವ್ ಯೂ ಬ್ರೋ' ಅಂದರು. ಸಂತು-ಪಂತು ಡೇಂಜರ್ ಝೋನ್‌ನಲ್ಲಿದ್ದಾಗ ನಾನು ಮತ್ತು ಅಪ್ಪ-ಅಮ್ಮ ಎಲ್ಲಾ ಅತ್ತಿದ್ದೇವೆ ಸರ್. ಎಂತಹಾ ಮೊಮೆಂಟ್ ಗೊತ್ತಾ ಅದು ಅಂದರು. ಬಳಿಕ ಸಂಗೀತಾ ಜೊತೆ ಮಾತನಾಡಿ, ಯಾವ ನೆಗೆಟಿವಿಟಿ ಕಾಣಿಸುತ್ತಿಲ್ಲ. ಐ ಸೀ ಎ ಫೈಟರ್. ನೀವು ನನ್ನ ಗೌರವ ಗಳಸಿದ್ದೀರಾ ಅಂತ ಹೇಳಿದ್ರು. ವರ್ತೂರ್ ಸಂತೋಷ್‌ಗೆ ನಾನಯ ಹೊರಗಡೆ ಹೋದ್ಮೇಲೂ ನನಗೋಸ್ಕರ ಮಾತನಾಡಿದ್ದೀರಾ. ಲವ್ ಯೂ ಅಂತ ಹೇಳಿದರು. ಡ್ರೋನ್ ಪ್ರತಾಪ್ ಮಾತನಾಡಿದಾಗ, ಕಳೆದ ವಾರ ಚೆನ್ನಾಗಿ ಆಡಿದೆ. ೪೨೦ ಪಾಯಿಂಟ್‌ ತಗೊಂಡೆ ಎಂದಿದ್ದಕ್ಕೆ ಎಲ್ಲರೂ ನಕ್ಕರು. ಇನ್ನೂ ನಮ್ರತಾಗೆ ಕೈ ಮುಗಿದು ಹೇಗಿದ್ದೀರಾ? ಚೆನ್ನಾಗಿದ್ದೀರಾ? ಸ್ವಲ್ಪ ಸಣ್ಣ ಆಗಿದ್ದೀರಾ ಅಂದರು.