ವಿನಯ್‌ಗೆ ಐ ಲವ್ ಯೂ ಎಂದ ಸಂಗೀತಾ ಶೃಂಗೇರಿ: ಇದೆಲ್ಲಾ ನಿಜನಾ ಅಂತಿರುವ ವೀಕ್ಷಕರು!

ಬಿಗ್‌ಬಾಸ್‌ ಮನೆಯಲ್ಲಿ ನಮ್ರತಾ ಹಾಗೂ ಸ್ನೇಹಿತ್ ನಡುವೆ ಒಳ್ಳೆಯ ಆತ್ಮೀಯತೆಯಿತ್ತು. ತಮಗೆ ನಮ್ರತಾ ಫೀಲಿಂಗ್ಸ್ ಇದೆ ಅಂತ ಸ್ನೇಹಿತ್ ಅವರು ಸುದೀಪ್ ಮುಂದೆಯೇ ಹೇಳಿದ್ದರು. ಈ ಬಗ್ಗೆ ದೊಡ್ಮನೆಯಲ್ಲೂ ಹಲವು ಬಾರಿ ಹೇಳಿದ್ದರು. ಆದರೆ, ಒಂಬತ್ತನೇ ವಾರ ಅವರು ಮನೆಯಿಂದ ಹೊರಹೋಗಿದ್ದು, ನಮ್ರತಾ ಅವರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಅಂತ ಬಿಕ್ಕಿ-ಬಿಕ್ಕಿ ಅತ್ತಿದ್ದರು. ಇದೀಗ ಬಿಗ್‌ಬಾಸ್ ಪ್ರಾಥಮಿಕ ಶಾಲೆ ಟಾಸ್ಕ್ ವೇಳೆ ನಮ್ರತಾ ಸ್ಪೇಟ್ ಮೇಲೆ 'ಐ ಲವ್ ಯೂ' ಅಂತ ಬರೆದಿದ್ದರು. ಈ ಸಂದರ್ಭ ಶಿಕ್ಷಕಿಯಾಗಿದ್ದ ತನಿಷಾ, ಯಾರಿಗಾಗಿ ಬರೆದಿದ್ದು ಅಂತ ಪ್ರಶ್ನಿಸಿದ್ದಾರೆ. ಆಗ 'ಟ್ರಾನ್ಸಫರ್ ಆದ ಹುಡುಗನಿಗೆ' ಅಂತ ಹೇಳುತ್ತಾ ನಮ್ರತಾ ನಾಚಿಕೊಂಡಿದ್ದಾರೆ.  ಹೀಗಾಗಿ ನಮ್ರತಾಗೂ ಸ್ನೇಹಿತ್‌ ಮೇಲೆ ಪ್ರೀತಿ ಚಿಗುರಿದ್ಯಾ ಎಂಬ ಅನುಮಾನಗಳು ಮೂಡಿವೆ.

ಬಿಗ್‌ಬಾಸ್ ಪ್ರಾಥಮಿಕ ಶಾಲೆಗೆ ಆಧ್ಯಾತ್ಮ ಟೀಚರ್ ಆಗಿ ಬಂದ ಸಂಗೀತಾ, ಎಲ್ಲರಿಗೂ ಆಧ್ಯಾತ್ಮ ಅಂದ್ರೆ ಏನು? ಅಂತ ಪ್ರಶ್ನಿಸಿದರು. ಅದಕ್ಕೆ ಒಬ್ಬೊಬ್ಬರು ಒಂದೊಂದು ಅರ್ಥ ಹೇಳಿದರು. ನಂತರ ಕೆಟ್ಟ ಗುಣಗಳನ್ನು ಹೇಗೆ ಹೊರಹಾಕಬೇಕು ಎಂಬುದನ್ನು ಪ್ರಾಕ್ಟಿಕಲ್ ಆಗಿ ತೋರಿಸಿದ್ದಾರೆ. ವರ್ತೂರು ಸಂತೋಷ್ ಕೈಯಿಂದ ನೀರಿಗೆ ಮಣ್ಣು ಹಾಕಿ, ನೆಗೆಟಿವಿಟಿ ಏನು ಎಂಬುದನ್ನು ಅರ್ಥ ಮಾಡಿಸಿದ್ದಾರೆ. ಈ ಮೂಲಕ ಬಿಗ್‌ಬಾಸ್ ಮನೆಯಲ್ಲಿನ ಸದಸ್ಯರಲ್ಲಿ ಎಷ್ಟು ನೆಗೆಟಿವಿಟಿ ಇದೆ ಎಂಬುದನ್ನು ಸಂಗೀತಾ ಪಾಠದ ಮೂಲಕ ತಿಳಿಸಿದ್ದಾರೆ. ಜೊತೆಗೆ  ಆ ನೆಗೆಟಿವಿಟಿ ಕಳೆಯಲು ಯತ್ನಿಸಿದ್ದಾರೆ. ಜೊತೆಗೆ ಮನೆಯಲ್ಲಿ ಎಲ್ಲರಿಗೂ ಕೂಡ ಫಸ್ಟ್ರೇಷನ್ ಇದ್ದು, ಅದನ್ನು ಹೇಗೆ ಹೊರಹಾಕಬೇಕು ಎಂಬುದನ್ನು ವಿವರವಾಗಿ ತಿಳಿಸಿದ್ದಾರೆ.

ಈ ಸಂದರ್ಭ ವಿನಯ್‌, ಸ್ಲೇಟ್‌ನಲ್ಲಿ ಏನನ್ನೋ ಬರೆದು ಇದು ನಿಮಗೋಸ್ಕರ ಎಂದಿದ್ದಾರೆ. ಇದರಿಂದ ಖುಷಿಯಾದ ಸಂಗೀತಾ, ಲವ್‌ ಯೂ ವಿನಯ್. ಲವ್ ಯೂ ಆಲ್ ಅಂತ ಹೇಳಿದ್ದಾರೆ. ಜೊತೆಗೆ ವಿನಯ್‌ಗೆ ಸ್ಟಾರ್ ಕೊಟ್ಟಿದ್ದು, ಕಾರ್ತಿಕ್ ಹೋ ಅಂತ ಜೋರಾಗಿ ಕೂಗಿದ್ದಾರೆ. ನಂತರ ನಾವು ಈ ಮನೆಯಲ್ಲಿ ಇನ್ನೂ ಒಂದು ತಿಂಗಳು ಇರಲಿದ್ದೇವೆ. ನಮಗೆ ಮತ್ತೆ ಇಂತಹ ಸಮಯ ಸಿಗುವುದಿಲ್ಲ. ಹೀಗಾಗಿ ಏನೇ ಆದರೂ ಸ್ನೇಹದಿಂದಲೇ ವರ್ತಿಸೋಣ. ಎಷ್ಟೇ ಜಗಳವಾದ್ರೂ ಮತ್ತೆ ಸ್ನೇಹಿತರಾಗಿರೋಣ ಅಂತ ಎಲ್ಲರನ್ನು ಅಪ್ಪಿಕೊಂಡು ಖುಷಿಪಟ್ಟಿದ್ದಾರೆ. ಆದರೆ, ಸಂಗೀತಾ ಮತ್ತು ವಿನಯ್ ನಿಜವಾಗಿಯೂ ಬದಲಾಗಿದ್ದಾರಾ? ಎಂಬ ಗೊಂದಲ ವೀಕ್ಷಕರಲ್ಲಿದೆ. 
 

ಬಿಗ್‌ಬಾಸ್‌ ಶಾಲೆಗೆ ಡ್ಯಾನ್ಸ್ ಹಾಗೂ ನಾಟಕ ಟೀಚರ್ ಆಗಿ ಬಂದ ನಮ್ರತಾ, ವಿದ್ಯಾರ್ಥಿಗಳಿಗೆ ಸಖತ್ ಫನ್ ಮಾಡಿಸಿದ್ದಾರೆ. ಮೊದಲು ವರ್ತೂರು ಸಂತೋಷ್ ಬಳಿ ಶೃಂಗಾರ ರಸ, ಪ್ರತಾಪ್ ಬಳಿ ಹಾಸ್ಯರಸ ಮಾಡಿಸಿದರು. ಬಳಿಕ ಎಲ್ಲರನ್ನೂ ಆಟದ ಮೈದಾನಕ್ಕೆ ಕರೆದುಕೊಂಡು ಹೋಗಿ, ಡ್ಯಾನ್ಸ್ ಮಾಡಿಸಿದ್ದಾರೆ. ಬಿಗ್‌ಬಾಸ್‌ ಕೂಡ ನಮ್ರತಾ ಟೀಚರ್‌ಗೆ ಬೆಂಬಲ ನೀಡಿ, ಬ್ಯಾಕ್‌ ಟು ಬ್ಯಾಕ್ ಹಾಡುಗಳನ್ನು ಹಾಕಿದ್ದಾರೆ. ಬಳಿಕ ನಮ್ರತಾ, ಹಾಸ್ಯ ಮಾಡಿದ್ದಕ್ಕೆ ಡ್ರೋನ್ ಪ್ರತಾಪ್‌ಗೆ ಒಂದು ಸ್ಟಾರ್ ಹಾಗೂ ಇನ್ನೊಂದು ಸ್ಟಾರ್ ತನಿಷಾಗೆ ನೀಡಿದ್ದಾರೆ. 

ಕಳೆದ ವಾರದ ಟಾಸ್ಕ್ ವೇಳೆ ಸೋಪು ನೀರು ಬಿದ್ದು ಡ್ರೋನ್ ಪ್ರತಾಪ್ ಹಾಗೂ ಸಂಗೀತಾ ಶೃಂಗೇರಿ ಕಣ್ಣಿಗೆ ಪೆಟ್ಟಾಗಿತ್ತು. ಇದರಿಂದ ಆಸ್ಪತ್ರೆ ಸೇರಿದ್ದ ಇವರಿಬ್ಬರು, ಕಪ್ಪು ಕನ್ನಡ ಧರಿಸಿ ಬಿಗ್‌ಬಾಸ್ ಮನೆಗೆ ವಾಪಾಸ್ ಆಗಿದ್ದರು. ಇದೀಗ ಚೇತರಿಸಿಕೊಂಡಿರುವ ಇಬ್ಬರು ಕನ್ನಡಕ ತೆಗೆದಿದ್ದು, ಸಂಪೂರ್ಣ ಗುಣಮುಖರಾಗಿದ್ದಾರೆ. 

ಇಂದಿನ ಸಂಚಿಕೆಯಲ್ಲಿ ಕಾರ್ತಿಕ್ ರಾಜಕೀಯ ಶಿಕ್ಷಕರಾಗಿದ್ದಾರೆ. ಈ ವೇಳೆ ಗಂಭೀರವಾಗಿ ನಡೆದುಕೊಂಡಿರುವ ಕಾರ್ತಿಕ್, ಸಂಗೀತಾ ವಿರುದ್ಧವೇ ತಿರುಗಿ ಬಿದ್ದಿದ್ದಾರೆ. ಇದು ಸಂಗೀತಾಗೆ ಇಷ್ಟವಾಗುತ್ತಿಲ್ಲ. ಹೀಗಾಗಿ, ಕಾರ್ತಿಕ್ ಬಕೆಟ್ ಹಿಡಿಯುತ್ತಿದ್ದಾರೆ ಅಂತ ಗರಂ ಆಗಿದ್ದಾರೆ. ಸದ್ಯ ಫನ್ ಟಾಸ್ಕ್ ವೈಲೆಂಟ್ ಟಾಸ್ಕ್ ಆಗಿ ಬದಲಾಗಿದೆ.