ತಂದೆಯನ್ನು ಮುಟ್ಟಿ ಮಾತನಾಡಿಸಬೇಕು, ಅಮ್ಮನಿಗೆ ಎರಡು ಬಳೆ ಮಾಡಿಸುತ್ತೇನೆ: ಡ್ರೋನ್ ಪ್ರತಾಪ್

ನನ್ನ ತಂದೆಯನ್ನು ಎದುರೆದುರಿಗೆ ಮುಟ್ಟಿ ಮಾತನಾಡಿಸಬೇಕು ಎಂದಿದ್ದಾರೆ. ತನಿಷಾ ಮುಂದೆ ಅಪ್ಪ-ಅಮ್ಮನ ವಿಚಾರವಾಗಿ ಏನು ಮಾಡಬೇಕು ಅಂದುಕೊಂಡಿದ್ಯಾ ಎಂದಾಗ, ನನ್ನಮ್ಮನಿಗೆ ಎರಡು ಬಳೆ ಮಾಡಿಸುತ್ತೇನೆ. ತಂಗಿ ಮದುವೆಗೆ ರೆಡಿ ಇದ್ದಾಳೆ. ಅವಳಿಗೆ ಒಳ್ಳೆಯ ಹುಡುಗನನ್ನು ನೋಡಿ ಮದುವೆ ಮಾಡಿಸುತ್ತೇನೆ. ಅಪ್ಪನಿಗೆ ತೋಟಕ್ಕೆ ನನ್ನ ಕಡೆಯಿಂದ ಏನಾದರೂ ಮಷಿನ್ ಬೇಕು ಎಂದರೆ ಮಾಡ್ತೀನಿ. ಹೇಗಿದ್ರೂ ಡ್ರೋನ್ ಇದೆ. ನಮ್ಮ ತೋಟದಲ್ಲಿ ಅದನ್ನು ಬಳಸಿಲ್ಲ. ನನ್ನ ತಂದೆಗೂ ಅದನ್ನು ತೋರಿಸುತ್ತೇನೆ. ನನ್ನ ತಂದೆ ಕೈಗೆ ಡ್ರೋನ್ ಕೊಟ್ಟು ಹಾರಿಸಿ ತೋರಿಸುತ್ತೇನೆ ಎಂದು ಖುಷಿಯಿಂದ ಹೇಳಿಕೊಂಡಿದ್ದಾರೆ.

ಪ್ರತಾಪ್ ಡ್ರೋನ್ ವಿವಾದದಲ್ಲಿ ಸಿಲುಕಿದ ಮೇಲೆ ಮನೆಯರಿಂದ ದೂರ ಉಳಿದಿದ್ದರು. ತಂದೆಯ ಫೋನ್ ನಂಬರ್ ಕೂಡ ಬ್ಲ್ಯಾಕ್ ಮಾಡಿದ್ರು. ಮನೆಯವರ ಜೊತೆ ಕಳೆದ ಮೂರು ವರ್ಷಗಳಿಂದ ಮಾತನಾಡಿರಲಿಲ್ಲ. ಬಿಗ್‌ಬಾಸ್ ಮನೆಗೆ ಬಂದ್ಮೇಲೆ ಅಪ್ಪನ ಜೊತೆ ಮಾತನಾಡಬೇಕು ಅಂತ ಭಾವುಕರಾಗಿದ್ದರು. ಬಿಗ್‌ಬಾಸ್ ಬಳಿಯೂ ಮನವಿ ಮಾಡಿದ್ದರು. ಪ್ರತಾಪ್ ಕೋರಿಕೆಗೆ ಬಿಗ್‌ಬಾಸ್‌ ಅಸ್ತು ಅಂದಿದ್ದರು. ವಾರಾಂತ್ಯದಲ್ಲಿ ಕಿಚ್ಚ ಸುದೀಪ್ ಅವರು ಪ್ರತಾಪ್‌ ಅವರನ್ನು ತಂದೆ ಜೊತೆ ಮಾತನಾಡಿಸಿದ್ದರು. 

ದೂರವಾಣಿ ಸಂಭಾಷಣೆ ನಡೆಸುವಾಗ ಅಪ್ಪನ ದನಿ ಕೇಳಿ ಬಿಕ್ಕಿ-ಬಿಕ್ಕಿ ಅತ್ತಿದ್ದ ಪ್ರತಾಪ್‌ 'ಒಂದ್ಸಲಿ ಬಾ ಅಪ್ಪ' ಅಂತ ತಂದೆಯನ್ನು ಬಿಗ್‌ಬಾಸ್ ಮನೆಗೆ ಕರೆದಿದ್ದರು. ಅವರೂ ಕೂಡ ಹೂಂ ಆಯ್ತು ಅಂದಿದ್ದರು. ಇದೀಗ ಅವರು ಅಪ್ಪನನ್ನು ಮುಟ್ಟಿ ಮಾತನಾಡಿಸಬೇಕು ಎಂಬ ಇಂಗಿತ ವ್ಯಕ್ತಪಡಿಸಿದ್ದಾರೆ. ಫ್ಯಾಮಿಲಿ ವೀಕ್‌ನಲ್ಲಿ ಡ್ರೋನ್ ಪ್ರತಾಪ್ ಹಾಗೂ ಫ್ಯಾಮಿಲಿಯ ಪುನರ್‌ ಮಿಲನ ಆಗಲಿದ್ಯಾ? ಎಂಬುದನ್ನು ಖಾದು ನೋಡಬೇಕು. 

ಈ ಹಿಂದೆ ತಮ್ಮ ಮಗನ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿದ್ದ ಪ್ರತಾಪ್ ತಂದೆ, ನಮ್ಮ ಮಗ ಬೇಸರದಲ್ಲಿರುವುದಕ್ಕೆ ನಮ್ಮ ಫೋನ್ ನಂಬರ್‌ ಬ್ಲ್ಯಾಕ್ ಮಾಡಿದ್ದಾನೆ. ಇಡೀ ಕರ್ನಾಟಕ ಹಾಗೂ ಭಾರದ ಜನರು ಪ್ರತಾನ್‌ನನ್ನು ಗೆಲ್ಲಿಸಬೇಕು. ಪ್ರತಾಪ್ ಎಷ್ಟೇ ಅವಮಾನ ಮಾಡಿದರೂ ನಾನು ಬೇಸರ ಮಾಡಿಕೊಳ್ಳುವುದಿಲ್ಲ. ಬಿಗ್‌ಬಾಸ್ ಅದೊಂದು ಆಟವಷ್ಟೇ. ಉಳಿದ ಸ್ಪರ್ಧಿಗಳು ಕೂಡ ನಮ್ಮ ಮಕ್ಕಳಿದ್ದ ಹಾಗೆ. ಒಂದು ಸಮಯದಲ್ಲಿ ಆ ಮಕ್ಕಳು ಕೂಡ ತಾವು ತಪ್ಪು ಮಾಡಿದ್ದೇವೆ ಅಂತ ಬೇಸರ ಮಾಡಿಕೊಳ್ಳುತ್ತಾರೆ ಎಂದಿದ್ದರು.     

ಬಾತ್‌ರೂಮ್ ಹೋಗುವ ವಿಚಾರಕ್ಕೆ ವಿನಯ್ ಹಾಗೂ ಸ್ನೇಹಿತ್ ಅಡ್ಜಸ್ಟಮೆಂಟ್ ಮಾಡಿಕೊಂಡಿದ್ದರು. ಇದನ್ನು ಗಮನಿಸಿದ ಡ್ರೋನ್ ಪ್ರತಾಪ್, ಅವರನ್ನು ಪ್ರಶ್ನೆ ಮಾಡಿದ್ದಾರೆ. ನೀವೇನು ಮೇಲಿಂದ ಬಂದವರಲ್ಲ ಅಂತ ನೇರವಾಗಿ ಮಾತನಾಡಿದ್ದಾರೆ. ಇದಕ್ಕೆ ಸ್ನೇಹಿತ್ ಹಾಗೆಯೇ ಮಾಡುತ್ತೇವೆ ಏನೀಗ ಅಂತ ಏರುಧ್ವನಿಯಲ್ಲಿ ಮಾತನಾಡಿದ್ದಾರೆ. ನಂತರ ಈ ವಿಷಯವನ್ನು ತಮ್ಮ ಗುಂಪಿನಲ್ಲಿ ಹೇಳಿಕೊಂಡು ವಿನಯ್ ನಕ್ಕಿದ್ದಾರೆ. ಅದಕ್ಕೆ ನಮ್ರತಾ, ಇದೊಂದು ವಿಚಾರವನ್ನಿಟ್ಟುಕೊಂಡು ಕೊನೆವರೆಗೂ ಇದನ್ನೇ ಹೇಳುತ್ತಿರುತ್ತಾನೆ ಅಂದಿದ್ದಾರೆ. ಅದಕ್ಕೆ ಸಂಗೀತಾ ಒಂದು ವಿಚಾರ ಕಚ್ಕೊಂಡ್ರೆ ಮುಗ್ದೋಯ್ತು ಅಂತ ನಕ್ಕಿದ್ದಾರೆ.