ಕೈಯಲ್ಲಿ ಸಿನಿಮಾಗಳಿದ್ದರೂ ತಲೆ ಬೋಳಿಸಿಕೊಂಡ ಕಾರ್ತಿಕ್-ತುಕಾಲಿ ಸಂತು: ವೀಕ್ಷಕರಿಂದ ಮೆಚ್ಚುಗೆ

ಬಿಗ್‌ಬಾಸ್ ನೀಡಿದ ಚಟುವಟಿಕೆಯ ಅನುಸಾರ ಒಂದು ತಂಡದವರು ಎದುರಾಳಿ ತಂಡಕ್ಕೆ ಸವಾಲು ನೀಡಬೇಕು. ಈ ಚಾಲೆಂಜ್ ಸ್ವೀಕರಿಸಿ, ಅದನ್ನು ಪೂರ್ಣಗೊಳಿಸಿದರೆ ತಂಡ ಗೆದ್ದಂತೆ. ಒಂದೊಮ್ಮೆ ಅದು ಆಗದಿದ್ದರೆ ಆ ತಂಡ ಪಾಯಿಂಟ್ ಕಳೆದುಕೊಳ್ಳುತ್ತದೆ. ಈ ಪ್ರಕಾರ ಮೈಕಲ್ ಸಂಪತ್ತಿಗೆ ಸವಾಲ್ ತಂಡದ ಕ್ಯಾಪ್ಟನ್ ಆಗಿದ್ದರೆ, ಸಂಗೀತಾ ಶೃಂಗೇರಿ ಗಜಕೇಸರಿ ತಂಡದ ಮುಂದಾಳತ್ವ ವಹಿಸಿದ್ದರು.

ಉಗ್ರಂ-ವೀರಂ ಟಾಸ್ಕ್‌ನ ಮೊದಲ ಸುತ್ತಿನಲ್ಲಿ ಗಜಕೇಸರಿ ತಂಡದವರು ಸಂಪತ್ತಿಗೆ ಸವಾಲು ತಂಡದ ತುಕಾಲಿ ಸಂತು ಹಾಗೂ ಕಾರ್ತಿಕ್ ಹೆಡ್ ಶೇವ್ ಮಾಡಬೇಕೆಂಬ ಸವಾಲು ನೀಡಿದರು. ಇದಕ್ಕೆ ಕೇಳಿದ ಸಂತು ಮತ್ತು ಕಾರ್ತಿಕ್ ಒಂದು ಕ್ಷಣ ಶಾಕ್ ಆದರು. ನಂತರ ತಂಡಕ್ಕಾಗಿ ಹಾಗೂ ಪಾಯಿಂಟ್‌ಗಾಗಿ ಧೈರ್ಯದಿಂದಲೇ ಚಾಲೆಂಜ್‌ ಸ್ವೀಕರಿಸಿ, ತಲೆ ಬೋಳಿಸಿಕೊಂಡರು. ತಲೆ ಬೋಳಿಸುವಾಗ ಎದುರಾಳಿ ತಂಡದ ಸಂಗೀತಾ-ಸಿರಿ ಬೇಸರ ಮಾಡಿಕೊಂಡರು. ಸದ್ಯ ಕಾರ್ತಿಕ್-ಸಂತು ನಿರ್ಧಾರ ವೀಕ್ಷಕರ ಮೆಚ್ಚುಗೆಗೆ ಕಾರಣವಾಗಿದ್ದು, ಅವರಿಬ್ಬರು ಹೀರೋ ಆಗಿದ್ದಾರೆ. 

ನಂತರ ಸಂಪತ್ತಿಗೆ ಸವಾಲ್ ತಂಡದವರು, ಗಜಕೇಸರಿ ತಂಡದ ಇಬ್ಬರು ಲೇಡೀಸ್ (ಸಿರಿ-ನಮ್ರತಾ) ಬಾಯ್‌ ಕಟ್ ಮಾಡಬೇಕೆಂಬ ಸವಾಲು ನೀಡಿದರು. ಅದಕ್ಕೆ ನಮ್ರತಾ ಹುಡುಗಿಯರಿಗೆ ಐಡೆಂಟಿಟಿ ಕೂದಲು ಅಂತ ಹೇಳಿದರು. ಅದಕ್ಕೆ ಎದುರಾಳಿ ತಂಡದವರು ಆಗಲ್ಲ ಅಂತ ಹೇಳಿ ಎಂದು ಪ್ರೆಶರ್ ಹಾಕಿದರು. ಹಲವು ವಾದ-ವಿವಾದಗಳ ನಂತರ ಗಜಕೇಸರಿ ತಂಡ ಈ ಸವಾಲನ್ನು ನಿರಾಕರಿಸಿತು.   

ಎದುರಾಳಿ ತಂಡಕ್ಕೆ ಯಾವುದೇ ಕಾರಣಕ್ಕೂ ಗೆಲ್ಲಲು ಸಾಧ್ಯವಾಗದ ಸವಾಲಗಳನ್ನೇ ಕೊಡಬೇಕು. ಅದೇ ಗೇಮ್‌ನ ಏಮ್ ಎಂದಿ ಟಾಸ್ಕ್ ಆರಂಭವಾಗುವ ಮುನ್ನ ಸಂಗೀತಾ ಹೇಳಿದ್ದರು. ಮೊದಲ ಸವಾಲನ್ನು ಗಜಕೇಸರಿ ತಂಡವೇ ನೀಡಬೇಕಿತ್ತು. ಈ ವೇಳೆ ಮಾತನಾಡಿಕೊಂಡ ತಂಡ, ತುಕಾಲಿ ಸಂತು ಹಾಗೂ ಕಾರ್ತಿಕ್ ಹೆಡ್ ಶೇವ್ ಮಾಡಲು ಚಾಲೆಂಜ್ ನೀಡಲು ನಿರ್ಧರಿಸಿದರು. ಕಾರ್ತಿಕ್‌ಗೆ ಸಿನಿಮಾವಿದೆ. ಹಾಗಾಗಿ ಅವರು ಮಾಡಲಲ್ಲ. ತುಕಾಲಿ ಸಂತುಗೂ ಸಿನಿಮಾಗಳಿವೆ. ಕಂಟಿನ್ಯೂಟಿದೆ. ಆವರು ಮಾಡಲ್ಲ. ಇಬ್ಬರೂ ಮಾಡಬೇಕು ಅಂತ ಹೇಳು ಅಂತ ಹೇಳಿದರು. ಅದಕ್ಕೆ ಸಂಗೀತಾ, ಲಾಜಿಕಲಿ ಪಾಸಿಬಲ್ ಇಲ್ಲ ಅಂತ ಚರ್ಚೆ ಮಾಡಿದರೆ? ಅಂದರು. ಅದಕ್ಕೆ ವಿನಯ್, ಯಾಕೆ ಇಲ್ಲ. ನಾವಿಬ್ಬರೂ ಮಾಡ್ತೀವಿ ಅಂತೀನಿ. ಕೂದಲು ಬೆಳೆಯುತ್ತೆ. ನಾವೇನು ಕಿಡ್ನಿ ಕೇಳ್ತಿಲ್ಲವಲ್ಲ. ಎಂದರು. ಬಳಿಕ ತಲೆ ಬೋಳಿಸುವ ಚಾಲೆಂಜ್ ನೀಡಿದ್ದರು. 

ಮತ್ತೊಂದು ಸವಾಲಿನಲ್ಲಿ ತನಿಷಾ ಹಾಗೂ ವರ್ತೂರು ಸಂತೋಷ್ ತಲಾ 20 ಹಸಿಮೆಣಸು ತಿನ್ನಬೇಕೆಂಬ ಚಾಲೆಂಜ್ ನೀಡಿದರು. ಇದನ್ನು ಸ್ಬೀಕರಿಸಿದ ಇಬ್ಬರು, ಹಸಿಮೆಣಸು ತಿಂದು ಸವಾಲು ಪೂರ್ಣಗೊಳಿಸುವ ಮೂಲಕ ಎಲ್ಲರ ಮೆಚ್ಚುಗೆಗೆ ಕಾರಣವಾದರು. ಆದರೆ, ಈ ರೀತಿಯ ಅಮಾನವೀಯ ಸವಾಲು ನೀಡಿರುವುದರ ಬಗ್ಗೆ ವೀಕ್ಷಕರು ಅಸಮಾಧಾನ ಹೊರಹಾಕಿದ್ದಾರೆ.