ವಿನಯ್ ಆನೆಯಾದ್ರೆ ವರ್ತೂರು ಸಂತೋಷ್ ಮಾವುತ: ಮೊದಲ ಚಾಲೆಂಜ್‌ನಲ್ಲೇ ಜಯ ಸಾಧಿಸಿದ ಹಳ್ಳಿಕಾರ್ ಒಡೆಯ

ಕಳೆದ ಸಂಚಿಕೆಯಲ್ಕಿ ಬಿಗ್‌ಬಾಸ್ ಕೈ ಸಹಾಯವಿಲ್ಲದೇ ಶಾರ್ಟ್ಸ್ ಧರಿಸುವ ಟಾಸ್ಕ್ ನೀಡಿದ್ದರು. ಇದರಲ್ಲಿ ವರ್ತೂರು ಸಂತೋಷ್ ಕೂಡ ಭಾಗವಹಿಸಿದ್ದರು. ಇಷ್ಟುದಿನ ಸೈಲೆಂಟ್ ಆಗಿದ್ದ ಅವರು, ಮೊದಲ ಚಾಲೆಂಜ್‌ ಅನ್ನು ಸುಲಭವಾಗಿ ಮುಗಿಸಿಸುವ ಮೂಲಕ ಮನೆಗೆ ದಿನಸಿ ವಸ್ತುಗಳನ್ನು ಕೊಡಿಸಿದ್ದಾರೆ. ಈ ಮೂಲಕ ತಮ್ಮ ನಿಜವಾದ ಆಟದ ಶೈಲಿ ತೋರಿಸುತ್ತಿದ್ದಾರೆ. 

ಬಿಗ್‌ಬಾಸ್ ಸ್ಪರ್ಧಿಗಳ ಮನಸ್ಥಿತಿಯನ್ನು ಪರೀಕ್ಷಿಸಲು ಒಂದು ಟಾಸ್ಕ್ ನೀಡಿದ್ದರು. ಅದರ ಪ್ರಕಾರ ಬಿಗ್‌ಬಾಸ್ ಮನೆಯ ಯಕ್ಕಾ, ರಾಜ, ರಾಣಿ, ಜೋಕರ್ ಹಾಗೂ ಗುಲಾಮ ಯಾರೆಂಬುದನ್ನು ಹೇಳಬೇಕು. ತಮ್ಮ ದೃಷ್ಟಿಯಲ್ಲಿ ಯಾರು ಯಾವ ಸ್ಥಾನದಲ್ಲಿದ್ದಾರೆಂದು ಎಲ್ಲರ ಮುಂದೆ ಬಹಿರಂಗ ಪಡಿಸಬೇಕು ಅಂತ ಸೂಚಿಸಿದ್ದರು. ಅದರಂತೆ ದೊಡ್ಮನೆಯ ಸದಸ್ಯರು ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ. ಈ ಟಾಸ್ಕ್‌ನಲ್ಲಿ ಭಾಗ್ಯಶ್ರೀ ಜೋಕರ್, ಇಶಾನಿ-ಗುಲಾಮ, ತನಿಷಾ-ರಾಣಿ, ವಿನಯ್-ರಾಜ, ಪ್ರತಾಪ್-ಯಕ್ಕಾ ಫಲಕವನ್ನು ಪಡೆದಿದ್ದಾರೆ. 

ನಂತರ ಬಿಗ್‌ಬಾಸ್‌ ಯಕ್ಕಾ, ರಾಜ, ರಾಣಿ, ಜೋಕರ್ ಹಾಗೂ ಗುಲಾಮರಾಗಿ ಆಯ್ಕೆಯಾದವರು ತಮ್ಮ ಅಭಿಪ್ರಾಯ ತಿಳಿಸುವಂತೆ ಸೂಚಿದರು. ಮೊದಲಿಗೆ ಮಾತನಾಡಿದ ಭಾಗ್ಯಶ್ರೀ, ಕೆಲವೊಂದು ವಿಷಯಗಳಲ್ಲಿ ನಾನು ಜೋಕ್ ಮಾಡುವುದಕ್ಕೆ ಇಷ್ಟಪಡುವುದಿಲ್ಲ ಎಂದರು. ರಾಣಿಯಾದ ತನಿಷಾ, ನಾನು ಮಾಡುವ ಕೆಲಸವನ್ನು ಮೆಚ್ಚಿಕೊಂಡಿರುವುದು ಖುಷಿ ನೀಡಿದೆ. ಮನೆಯವರಿಗೆಲ್ಲಾ ಮೊದಲ ಬಾರಿ ಹಾರ್ಟ್ ನೀಡುತ್ತಿದ್ದೇನೆ ಎಂದಿದ್ದಾರೆ. ರಾಜನಾದ ವಿನಯ್ ಮಾತನಾಡಿ, ರಾಜ ಎಂಬ ಪಟ್ಟ ಕೊಟ್ಟವರಿಗೆ ಥ್ಯಾಂಕ್ಯೂ.. ಇದನ್ನು ಪಡೆದುಕೊಳ್ಳುವುದಕ್ಕೆ ಭಯ. ಇಲ್ಲಿ ಇರುವ ಮತ್ತೊಬ್ಬರಿಗೂ ನಾನು ಯಾಕೆ ರಾಜ ಆಗಬಾರದು ಎನಿಸುತ್ತದೆ. ಚಾಲೆಂಜ್ ಇರಲಿ ಎಂದು ಹೇಳಿದ್ದಾರೆ.

ಡ್ರೋನ್ ಪ್ರತಾಪ್ ಬಿಗ್‌ಬಾಸ್ ಮನೆಗೆ ಎಂಟ್ರಿ ಕೊಟ್ಟಾಗಿನಿಂದಲೂ ತುಕಾಲಿ ಸಂತೋಷ್ ಮತ್ತು ತಂಡ ಅವರನ್ನು ಸಾಕಷ್ಟು ಕಾಡಿದ್ದರು. ಅದು ಬರೀ ಡ್ರೋನ್ ವಿಚಾರವಾಗಿಯೇ. ಇದೀಗ ಟಾಸ್ಕ್‌ನಲ್ಲಿ ಯಕ್ಕಾ ಫಲಕ ಪಡೆದಿರುವ ಪ್ರತಾಪ್, ಮನೆಯವರ ಮುಂದೆ ಸವಾಲು ಹಾಕಿದ್ದಾರೆ. ಇನ್ಮುಂದೆ ಡ್ರೋನ್ ಪ್ರತಾಪ್ ಗಾಳಿ ಬೀಸುತ್ತೆ ಎಂದಿದ್ದು, ಮನೆಯವರೆಲ್ಲಾ ಓ...ಎಂದು ಕಿರುಚಿದ್ದಾರೆ.

ಬಿಗ್‌ಬಾಸ್ ಮನೆಯ ಸದಸ್ಯರಿಂದ ರಾಜ ಎಂಬ ಫಲಕ ಪಡೆದಿರುವ ವಿನಯ್ ಖುಷಿಯಲ್ಲಿದ್ದಾರೆ. ಇತ್ತ ವರ್ತೂರು ಸಂತೋಷ್ ಅವರ ಬಗ್ಗೆ ಒಂದು ಮಾತು ಹೇಳಿದ್ದಾರೆ. ಈ ಆನೆನಾ ಬೀಳಿಸೋಕೆ ಯಾರಿದ್ದಾರೆ? ಎಂಬ ಮಾತು ಬಂದ ಸಂಧರ್ಬದಲ್ಲಿ ವರ್ತೂರ್ ಸಂತೋಷ್, ಅವರು ಆನೆಯಾದರೆ ನಾವು ಮಾವುತರಾಗೋಣ ಅಂತ ಹೇಳಿದ್ದಾರೆ. ಸದ್ಯ ಅಸಲಿ ಆಟ ಶುರು ಮಾಡಿರುವ ವರ್ತೂರು ಸಂತೋಷ್ಮ ವಿನಯ್‌ಗೆ ಟಫ್ ಕಾಂಪಿಟೇಟರ್ ಆಗುವ ಸಾಧ್ಯತೆಯಿದೆ.