ಭಾಗ್ಯಲಕ್ಷ್ಮೀ ಸೀರಿಯಲ್‌ನ ಕುಸುಮಾ ಪಾತ್ರಧಾರಿ ಪದ್ಮಜಾ ರಾವ್ ಜೀವನದ ಕುರಿತ ಇಂಟರೆಸ್ಟಿಂಗ್ ವಿಷಯಗಳಿವು!

ಪದ್ಮಜಾ ರಾವ್ ಅವರ ತಂದೆ-ತಾಯಿಗೆ ಮೂವರು ಹೆಣ್ಣುಮಕ್ಕಳು. ಚಿಕ್ಕಂದಿನಿಂದಲೇ ಅವರಿಗೆ ನಟನೆ ಬಗ್ಗೆ ಅಪಾರ ಆಸಕ್ತಿಯಿತ್ತು. ಆದರೆ, ಅವರು ಕುಟುಂಬದಲ್ಲಿ ಇದಕ್ಕೆಲ್ಲಾ ಪ್ರೋತ್ಸಾಹವಿರಲಿಲ್ಲ. ಪದ್ಮಜಾ ಅವರಿಗೆ ರಂಗಭೂಮಿಯಾಗಲಿ, ಸಿನಿಮಾವಾಗಲಿ ಅಥವಾ ಚಿತ್ರರಂಗವೇ ಆಗಿರಲಿ ಯಾರೂ ಗೊತ್ತಿರಲಿಲ್ಲ. ಕುಟಂಬದಲ್ಲೂ ಯಾರಿಗೂ ಸಿನಿಮಾ ಹಿನ್ನೆಲೆ ಇರಲಿಲ್ಲ. ಮನೆಯಲ್ಲಿ ಇಬ್ಬರು ತಂಗಿಯರಿದಿದ್ದರಿಂದ 19ನೇ ವಯಸ್ಸಿಗೆ ಮದುವೆಯಾದರು.

ಪದ್ಮಜಾ ರಾವ್ ಮದುವೆಯಾದ ಬಳಿಕ ನಟನೆಗೆ ಅವಕಾಶ ಸಿಗಬಹುದೆಂದು ಭಾವಿಸಿದ್ದರು. ಆದರೆ, ಅಲ್ಲೂ ಅವರಿಗೆ ಯಾರ ಸಫೋರ್ಟ್ ಸಿಗಲಿಲ್ಲ. ಅಪ್ಪ, ಅಮ್ಮ, ಗಂಡ, ಅತ್ತೆ, ಮಾವ ಎಲ್ಲರಿಗೂ ಸಿಕ್ಕಾಪಟ್ಟೆ ಹೆದುರುತ್ತಿದ್ದ ಇವರು, ಹೀಗೆ ಹೆದರುತ್ತಾ ನಿಂತರೆ ಮುಂದೆ ಬರಲು ಸಾಧ್ಯವಿಲ್ಲ ಅಂದುಕೊಂಡು ಇದೇ ವಿಷಯವಾಗಿ ಪತಿಗೆ ಡಿವೋರ್ಸ್ ನೀಡಿದರು. ಈ ಸಂದರ್ಭ ಅವರಿಗೆ ಎರಡು ವರ್ಷದ ಮಗನಿದ್ದ.

ಪದ್ಮಜಾ ರಾವ್ ಅವರಿಗರ ಹೀರೋಯಿನ್ ಆಗಬೇಕೆಂಬ ಆಸೆಯಿತ್ತು. ಆದರೆ, ಅವರು ಲೇಟಾಗಿ ನಟನೆ ಆರಂಭಿಸಿದ್ದರಿಂದ ಆಸೆ ಈಡೇರಲಿಲ್ಲ. ಮೊದಲ ಬಾರಿಗೆ ವೈಶಾಲಿ ಕಾಸರವಳ್ಳಿ ಅವರು ತಮ್ಮ 'ಮೂಡಲಮನೆ' ಧಾರಾವಾಹಿಯಲ್ಲಿ ನಟಿಸಲು ಪದ್ಮಜಾ ರಾವ್ ಅವರಿಗೆ ಅವಕಾಶ ಕೊಟ್ಟರು. ಮೂಡಲಮನೆ ಮನೆ ಬಳಿಕ ಯಶ್ ಹಾಗೂ ಅನಂತ್‌ ನಾಗ್ ನಟನೆಯ 'ಪ್ರೀತಿ ಇಲ್ಲದ ಮೇಲೆ' ಸೀರಿಯಲ್‌ನಲ್ಲಿ ಅಭಿನಯಿಸಿದರು. ನಂತರ ಒಂದಾದ ಮೇಲೆ ಒಂದರಂತೆ ಹಲವು ಪ್ರಾಜೆಕ್ಟ್‌ಗಳು ಸಿಕ್ಕವು. 

2006ರಲ್ಲಿ ಕಿರುತೆರೆಯಿಂದ ಹಿರಿತೆರೆಗೆ ಕಾಲಿಟ್ಟ ನಟಿ ಪದ್ಮಜಾ ರಾವ್, ರವಿಚಂದ್ರನ್ ಅವರ ಹಠವಾದಿ ಚಿತ್ರದ ಮೂಲಕ ಹಿರಿತೆರೆಗೆ ಪ್ರವೇಶಿಸಿದರು. ಈ ಚಿತ್ರದಲ್ಲಿನ ತಾಯಿಯ ಪಾತ್ರದಿಂದ ಗಮನ ಸೆಳೆದ ಇವರು ನಂತರ `ಮುಂಗಾರು ಮಳೆ' ಚಿತ್ರದ ಮೂಲಕ ಜನಮಾನಸಕ್ಕೆ ತುಂಬಾ ಹತ್ತಿರವಾದರು. ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ 'ಮುಂಗಾರು ಮಳೆ' ಸಿನಿಮಾದಲ್ಲಿ ತಾಯಿ ಪಾತ್ರ ಮಾಡುವ ಮೂಲಕ ಗಮನ ಸೆಳೆದರು. ನಂತರ , ಉಗ್ರಂ, ಗಾಳಿಪಟ, ಜೇಮ್ಸ್,ಗುಣವಮತ, ಮೈಲಾರಿ, ವರದನಾಯಕ, ಬಚ್ಚನ್, ಬಹುದ್ದೂರ್ ಸೇರಿದಂತೆ ಹಲವು ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಬಹಬೇಡಿಕೆಯ ಫೋಷಕ ನಟಿಯಾದರು.

ಪದ್ಮಜಾ ಚಿತ್ರರಂಗಕ್ಕೆ ಬರುವ ಮುನ್ನ ಚಿತ್ರ ನಿರ್ಮಾಪಕ ಮತ್ತು ಕಿರುತೆರೆ ನಿರ್ದೇಶಕರ ಬಳಿ ಸಹಾಯಕರಾಗಿ ಕೆಲಸ ಮಾಡಿದ್ದರು. ಹೀಗಾಹಿ, ಬೆಂಕಿಯಲ್ಲಿ ಅರಳಿದ ಹೂವು, ಸಮ ರೇಖೆಗಳು, ಶಿಖರ, ಅರಮನೆ ಗಿಳಿ, ಜೊತೆ ಜೊತೆಯಲಿ, ಹೂವಿ ಮುಂತಾದ ಸೀರಿಯಲ್‌ಗಳನ್ನು ನಿರ್ದೇಶಿಸಿ, ನಿರ್ಮಾಣ ಮಾಡಿದ್ದಾರೆ.

ಬೆಂಗಳೂರಿನಲ್ಲಿ ನಟಿ ಪದ್ಮಜಾ ರಾವ್ ಅವರ ಮನೆಯಿದೆ. ಹಳ್ಳಿ ಶೈಲಿಯಲ್ಲಿ ಭವ್ಯವಾಗಿ ಈ ಮನೆ ನಿರ್ಮಿಸಲಾಗಿದ್ದು, ಎಷ್ಟೋ ಧಾರಾವಾಹಿಗಳ ಶೂಟಿಂಗ್ ಇಲ್ಲೇ ನಡೆಯಲಿದೆ. ಇವರ ಮಗನ ಹೆಸರು ಸಂಜೀವ್. ಪ್ರಾಣಿ ಪ್ರಿಯರಾಗಿರುವ ಸಂಜೀವ್, ಪ್ರಾಣಿ ಅಭಯ ಕೇಂದ್ರ ನಡೆಸುತ್ತಿದ್ದಾರೆ. ಇಲ್ಲಿ 50ಕ್ಕೂ ಹೆಚ್ಚು ವಿವಿಧ ಪ್ರಾಣಿಗಳನ್ನು ಸಾಕುತ್ತಿದ್ದಾರೆ. ಪದ್ಮಜಾ ಅವರ ಎರಡನೇ ಪತಿ ನಟನೆಗೆ ಸರ್ಪೋಟಿವ್ ಆಗಿದ್ದು, ಅವರು ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ರಿದ್ದಾರೆ ಎನ್ನಲಾಗಿದೆ.