ಮಹಿಳಾ ಸ್ಪರ್ಧಿಗಳನ್ನು ಡ್ರೋನ್ ಪ್ರತಾಪ್ ಕೆಟ್ಟ ದೃಷ್ಟಿಯಲ್ಲಿ ನೋಡ್ತಾರೆ: ವಿನಯ್ ಗೌಡ ಆರೋಪ ನಿಜನಾ?

ತುಕಾಲಿ ಸಂತು, ಸ್ನೇಹಿತ್ ಗೌಡ, ಇಶಾನಿ ಹಾಗೂ ನಮೃತಾ ಗೌಡ ಜೊತೆಗೆ ವಿನಯ್ ಮಾತನಾಡುತ್ತಿದ್ದರು. ಈ ಸಂದರ್ಭ ತುಕಾಲಿ ಸಂತೋಷ್, ಈಗ ಎಲ್ಲರೂ ಸೀರೆ ಹಾಕಿಕೊಂಡು ಓಡಾಡಿದರೆ ಹೈಕ್ಳು ಯಾರನ್ನು ನೋಡ್ತಾರೆ? ಎಂದರು. ಇದಕ್ಕೆ ಪ್ರತಿಕ್ರಿಯಿಸಿದ ವಿನಯ್, ಯಾರು ಏನಾದರೂ ಹಾಕಲಿ ಒಬ್ಬನದ್ದು ಮಾತ್ರ ಒಂದೇ ರಿಯಾಕ್ಷನ್. ಅವನು (ಡ್ರೋನ್ ಪ್ರತಾಪ್) ಹೇಗೆ ನೋಡ್ತಾನೆ ಅಂದ್ರೆ ತುಂಬಾ ಕೆಟ್ಟದಾಗಿ ನೋಡ್ತಾನೆ. ಅವನು ಯಾವತ್ತಾದರೂ ನೋಡುವ ನಾನು ತೋರಿಸ್ತೀನಿ ನೋಡಿ ಎಂದಿದ್ದಾರೆ. 

ಆ ರಿಯಾಕ್ಷನ್ ಇದ್ದದ್ದು ನೀವು ಡ್ಯಾನ್ಸ್ ಮಾಡುವಾಗ. ಒಬ್ಬ ಮುನುಷ್ಯನ ಲುಕ್ ಮೇಲೆ ಗೊತ್ತಾಗುತ್ತೆ ಅಲ್ಲಾ? ಮೊನ್ನೆ ಇಲ್ಲೆ ಒಂದು ಸೀನ್ ಆಯ್ತು. ನನ್ನ ಮುಂದೆ ಯಾರೋ ಎನೋ ಸರಿ ಮಾಡಿಕೊಳ್ಳುತ್ತಿದ್ದರು. ನಾನು ನೋಡಿ ತಿರುಗಿದೆ. ಪಕ್ಕದಲ್ಲಿ ನೋಡ್ತಿದ್ದ ಅಂತ ಆಕ್ಷನ್ ಮಾಡಿ ಪ್ರತಾಪ್ ಕಡೆಗೆ ತೋರಿಸಿದ್ದಾರೆ. ಆಗ ಅಲ್ಲಿದ್ದರು ಅಸಮಾಧಾನಗೊಳ್ಳುತ್ತಾರೆ. ಅದಕ್ಕೆ ಸ್ನೇಹಿತ್ ಇದಕ್ಕೆ ದೀದಿ ಅಂತಾ ಕರೀಬೇಕಾ? ಆ ಇದನ್ನೇ ಹಾಳು ಮಾಡ್ತಿದ್ದಾನೆ ಎಂದಿದ್ದಾರೆ. 

ಸಂಗೀತಾ ನಡುವಿನ ಜಗಳದ ವೇಳೆ ವಿನಯ್‌ ಗೌಡ ಅವಾಚ್ಯ ಶಬ್ಧಗಳನ್ನು ಬಳಸಿ ಬೀಪ್ ಹಾಕಿಸಿಕೊಂಡಿದ್ದರು. ಇದೀಗ ಡ್ರೋನ್‌ ಪ್ರತಾಪ್‌ಗೆ ವಿನಯ್ ತೀರಾ ಕೇವಲವಾಗಿ ಮಾತನಾಡುತ್ತಿದ್ದಾರೆ. ಮುಚ್ಕೋಂಡ್ ಕೇಳೋ ಲೇ.. ಏಯ್ ತಿಕ್ಲಾ.. ಡಾಕ್ಟರ್ ಹತ್ತಿರ ತಲೆ ಚೆಕ್‌ ಮಾಡಿಸ್ಕೋ.. ತುಕಾಲಿ ನನ್ಮಗನೇ...ಲೇಡೀಸ್ ಜೊತೆ ಆಟ ಆಡ್ತಾನಾ? ಅಂತೆಲ್ಲಾ ಕೇವಲವಾಗಿ ಮಾತನಾಡಿದ್ದಾರೆ. 

ಡ್ರೋನ್ ಪ್ರತಾಪ್ ಬಿಗ್‌ಬಾಸ್‌ ಮನೆಗೆ ಕಾಲಿಟ್ಟಾಗಿನಿಂದಲೂ ಎಲ್ಲಾ ಮಹಿಳಾ ಸ್ಪರ್ಧಿಗಳನ್ನು ದೀದಿ ದೀದಿ ಅಂತಲೇ ಕರೆಯುತ್ತಿದ್ದಾರೆ. ಎಲ್ಲರನ್ನು ಗೌರವದಿಂದಲೇ ಮಾತನಾಡಿಸುತ್ತಿದ್ದಾರೆ. ಪುರುಷ ಸ್ಪರ್ಧಿಗಳನ್ನು ಅಣ್ಣ ಅಂತಲೇ ಕರೆದಿದ್ದಾರೆ. ವಿನಯ್ ಮುಚ್ಕೋಂಡ್ ಕೇಳೋ ಲೇ.. ಏಯ್ ತಿಕ್ಲಾ.. ಡಾಕ್ಟರ್ ಹತ್ತಿರ ತಲೆ ಚೆಕ್‌ ಮಾಡಿಸ್ಕೋ.. ತುಕಾಲಿ ನನ್ಮಗನೇ ಅಂದಾಗಲೂ ಅಗೌರವ ತೋರಿಲ್ಲ. ಹೀಗಿರುವಾಗ ವಿನಯ್ ಗಂಭೀರ ಆರೋಪ ಮಾಡಿದ್ದಾರೆ. 

ಪ್ರತಾಪ್ ವಿರುದ್ಧ ವಿನಯ್ ಮಾಡಿರುವ ಆರೋಪ ಬಹಳ ಗಂಭೀರವಾದದ್ದು. ಅವರು ಮಹಿಳಾ ಸ್ಪರ್ಧಿಗಳನ್ನು ಕೆಟ್ಟ ದೃಷ್ಠಿಯಲ್ಲಿ ನೋಡಿದ್ದರೆ, ಬಿಗ್‌ಬಾಸ್ ಮನೆಯ ಕ್ಯಾಮರಾಗಳು ಸೆರೆಹಿಡಿದಿರಲೇಬೇಕು. ಈ ಬಗ್ಗೆ ವೀಕೆಂಡ್‌ನಲ್ಲಿ ಸುದೀಪ್ ಕ್ಲಾರಿಟಿ ನೀಡ್ತಾರಾ? ಯಾರದ್ದು ಸುಳ್ಳು, ಯಾರದ್ದು ಸರಿ ಎಂಬುದನ್ನು ಕಾದು ನೋಡಬೇಕು.