ನಟನೆಗಾಗಿ ತಮ್ಮ ಮೂಲ ಹೆಸರು ಬದಲಿಸಿಕೊಂಡ ಕಿರುತೆರೆ ಕಲಾವಿದರಿವರು!

ಪುಟ್ಟಗೌರಿ ಮದುವೆ ಧಾರಾವಾಹಿ ಮೂಲಕ ಕನ್ನಡ ಕಿರುತೆರೆಗೆ ಕಾಲಿಟ್ಟ ನಟ ರಕ್ಷ್ ರಾಮ್ ಅವರ ಮೊದಲ ಹೆಸರು ರಕ್ಷಿತ್. ಆದರೆ, ಅವರು ನಟನಾ ಕ್ಷೇತ್ರಕ್ಕೆ ಕಾಲಿಟ್ಟ ಮೇಲೆ ತಮ್ಮ ಹೆಸರನ್ನು ರಕ್ಷ್ ರಾಮ್ ಅಂತ ಬದಲಿಸಿಕೊಂಡರು. ನಂತರ ರಕ್ಷ್ ಹೆಸರಿನಿಂದಲೇ ಜನಪ್ರಿಯತೆ ಗಳಿಸಿದರು. ಸದ್ಯ ಚೇತನ್ ಕುಮಾರ್ ನಿರ್ದೇಶನದ 'ಬರ್ಮಾ' ಮೂಲಕ ರಕ್ಷ್ ಸ್ಯಾಂಡಲ್‌ವುಡ್‌ಗೂ ಕಾಲಿಟ್ಟಿದ್ದಾರೆ.

ಕಲರ್ಸ್ ವಾಹಿನಿಯಲ್ಲಿ ಪ್ರಸಾರವಾಗಿದ್ದ ಲಕ್ಷ್ಮೀ ಬಾರಮ್ಮ ಧಾರಾವಾಹಿಯಲ್ಲಿ ಗೊಂಬೆ ಪಾತ್ರದ ಮೂಲಕ ಖ್ಯಾತಿ ಗಳಿಸಿರುವ ನೇಹಾ ಗೌಡ ಅವರ ಮೊದಲ ಹೆಸರು ಮೋನಿಕಾ ಗೌಡ. ಬಣ್ಣದ ಲೋಕದಲ್ಲಿ ನೇಹಾ ಅಂತಲೇ ಜನಪ್ರಿಯತೆ ಗಳಿಸಿರುವ ಇವರು, ಇತ್ತೀಚೆಗೆ ತಾಯಿಯಾಗಿದ್ದಾರೆ.

ಲಕ್ಷ್ಮೀ ಬಾರಮ್ಮ ಸೀರಿಯಲ್‌ನಲ್ಲಿ ಕುಮುದಾ ಪಾತ್ರದ ಮೂಲಕ ಹೆಚ್ಚು ಜನಪ್ರಿಯತೆ ಪಡೆದ ನಟಿ ಅನಿಕಾ ಸಿಂಧ್ಯಾ, ಅನೇಕ ಧಾರಾವಾಹಿಗಳಲ್ಲಿ ನೆಗೆಟಿವ್ ಪಾತ್ರದ ಮೂಲಕ ಕರ್ನಾಟಕದ ಮನೆಮಾತಾಗಿದ್ದಾರೆ. ಇವರ ಮೂಲ ಹೆಸರು ನೇತ್ರಾ ಸಿಂಧ್ಯಾ. ಬಳಿಕ ತಮ್ಮ ಹೆಸರನ್ನು ಅನಿಕಾ ಅಂತ ಬದಲಿಸಿಕೊಂಡ ಇವರು, ಹಲವು ರಿಯಾಲಿಟಿ ಶೋಗಳಲ್ಲೂ ಕಾಣಿಸಿಕೊಂಡಿದ್ದಾರೆ.

ಮುದ್ದು ಧಾರಾವಾಹಿ ಮೂಲಕ ನಟನಾ ಕ್ಷೇತ್ರಕ್ಕೆ ಕಾಲಿಟ್ಟ ನಟ ಚರಿತ್, ಧ್ರುವಂತ್ ಎಂಬ ಪಾತ್ರದ ಮೂಲಕ ಕನ್ನಡ ಕಿರುತೆರೆ ಪ್ರೇಕ್ಷಕರ ಮನಗೆದ್ದರು. ಈ ಸೀರಿಯಲ್‌ನ ಈ ಪಾತ್ರ ಅವರಿಗೆ ಸಿಕ್ಕಾಪಟ್ಟೆ ಫೇಮ್ ತಂದುಕೊಟ್ಟಿತ್ತು. ಹೀಗಾಗಿ, ನಟ ಚರಿತ್ ಈಗ ತಮ್ಮ ಹೆಸರನ್ನು ಧ್ರುವಂತ್ ಎಂದು ಬದಲಿಸಿಕೊಂಡಿದ್ದಾರೆ.

ಗಟ್ಟಿಮೇಳ ಧಾರಾವಾಹಿಯ ಆದ್ಯ ಪಾತ್ರದ ಮೂಲಕ ಹೆಚ್ಚು ಜನಪ್ರಿಯತೆ ಗಳಿಸಿರುವ ನಟಿ ಅನ್ವಿತಾ, ಸದ್ಯ ಉದಯ ವಾಹಿಯ ಅಣ್ಣ-ತಂಗಿ ಧಾರಾವಾಹಿಯಲ್ಲಿ ಜ್ಯೋತಿಯಾಗಿ ನಟಿಸುತ್ತಿದ್ದಾರೆ. ಕಿರುತೆರೆ ಮಾತ್ರವಲ್ಲದೇ ಸಿನಿಮಾಗಳಲ್ಲಿಯೂ ಅವರು ಅಭಿನಯಿಸಿದ್ದಾರೆ. ಇವರು ಅನ್ವಿತಾ ಅಂತಲೇ ಪರಿಚಿತರಾಗಿದ್ದರೂ, ಇನ್‌ಸ್ಟಾಗ್ರಾಮ್ ಬಯೋನಲ್ಲಿ ಪಾರ್ವತಿ ಎಂಬ ಹೆಸರಿದೆ.