6ನೇ ವಾರ ಬಿಗ್‌ಬಾಸ್ ಮನೆಯಿಂದ ಹೊರಹೋಗಲು ನಾಮಿನೇಟ್ ಆದ 8 ಸ್ಪರ್ಧಿಗಳ ಪಟ್ಟಿ

ಈ ಬಾರಿಯ ನಾಮಿನೇಷನ್‌ಗಾಗಿ ಬಿಗ್‌ಬಾಸ್ ಸ್ಪರ್ಧಿಗಳಿಗೆ ಲೂಡೋ ಗೇಮ್ ಟಾಸ್ಕ್ ನೀಡಲಾಗಿತ್ತು. ಇದರ ಅನುಸಾರ ಆರನೇ ವಾರ ಮನೆಯಿಂದ ಹೊರಹೋಗಲು ವಿನಯ್ ಗೌಡ, ನಮ್ರತಾ, ತನಿಷಾ ಕುಪ್ಪಂಡ, ತುಕಾಲಿ ಸಂತು, ಕಾರ್ತಿಕ್ ಮಹೇಶ್ ಹಾಗೂ ನೀತು ವನಜಾಕ್ಷಿ ನಾಮಿನೇಟ್ ಆಗಿದ್ದಾರೆ. 

ಸದ್ಯ ಮನೆಯ ಕ್ಯಾಪ್ಟನ್ ಆಗಿರುವ ಮೈಕಲ್, ವಿನಯ್ ಅವರ ಗುಂಪಿನಲ್ಲಿ ಗುರುತಿಸಿಕೊಳ್ಳುತ್ತಿದ್ದಾರೆ. ಮೊದಲು ವೀಕ್‌ ಪಾನ್ಸ್ ಹೊಡೆಯಬೇಕು ಎಂಬುದು ವಿನಯ್ ಟೀಮ್‌ನ ಸ್ಟ್ರಾಟೆಜಿ. ಮೊದಲಿನಿಂದಲ ಭಾಗ್ಯಶ್ರೀ ಅವರನ್ನು ಟಾರ್ಗೆಟ್ ಮಾಡಿದ್ದ ವಿನಯ್ ಟೀಂ, ಕಳೆದ ವಾರ ಸ್ನೇಹಿತ್ ಅವರನ್ನು ಭಾಗ್ಯಶ್ರೀ ನಾಮಿನೇಟ್ ಮಾಡಿದ ಕಾರಣ ಓಪನ್ ಆಗಿಯೇ ಅಸಮಾಧಾನ ಹೊರಹಾಕಿತ್ತು. ಸದ್ಯ ಕ್ಯಾಪಟ್ಟನ್ ಆಗಿರುವ ಮೈಕಲ್, ಇಶಾನಿ ಸೇಫ್ ಆಗಬೇಕು ಎಂಬ ಸ್ಟ್ರಾಟೆಜಿ ಅನುಸಾರ ಭಾಗ್ಯಶ್ರೀ ಅವರನ್ನು ನೇರವಾಗಿ ನಾಮಿನೇಟ್ ಮಾಡಿದ್ದಾರೆ.  ಹೀಗಾಗಿ ಭಾಗ್ಯಶ್ರೀ ಡೇಂಜರ್ ಝೋನ್‌ಗೆ ಬಂದಿದ್ದಾರೆ.

ನಾಮಿನೇಷನ್ ಟಾಸ್ಕ್‌ನಲ್ಲಿ ಸಿಕ್ಕ ತಿರುವುಗಳಿಂದ ಆರನೇ ವಾರದ ನಾಮಿನೇಷನ್‌ನಿಂದ ಡ್ರೋನ್ ಪ್ರತಾಪ್, ಸ್ನೇಹಿತ್ ಗೌಡ ಹಾಗೂ ಸಿರಿ ಸೇಫ್ ಆದರು. ಆಟದಲ್ಲಿ ಗೆದ್ದ ಸಂಗೀತಾ ಸಹ ಸೇರಫ್ ಝೋನ್‌ಗೆ ತೆರಳಿದರು. ಜೊತೆಗೆ ಒಬ್ಬರನ್ನು ಸೇಫ್ ಮಾಡುವ ಅಧಿಕಾರವನ್ನು ಪಡೆದರು. ಈ ಸಂದರ್ಭ ವರ್ತೂರು ಸಂತೋಷ್ ಅವರನ್ನು ಸಂಗೀತಾ ನಾಮಿನೇಷನ್‌ನಿಂದ ಪಾರು ಮಾಡಿದರು.

ಕಳೆದ ಸಂಚಿಕೆಯ ನಾಮಿನೇಷನ್‌ನ ಟಾಸ್ಕ್‌ನಲ್ಲಿ  ಕಾರ್ತಿಕ್ ಮತ್ತು ತನಿಷಾಗೆ ಎದುರಾಳಿ ತಂಡದಲ್ಲಿರುವ ಒಬ್ಬರನ್ನು ಸೇವ್ ಮಾಡುವ ಅವಕಾಶವಿತ್ತು. ಹೀಗಾಗಿ, ಎದುರಾಳಿ ತಂಡದಲ್ಲಿದ್ದ ಸಂಗೀತಾ ತನ್ನನ್ನು ಸೇವ್ ಮಾಡುತ್ತಾರೆ ಎಂದೇ ಭಾವಿಸಿದ್ದರು.  ಆದರೆ, ತನಿಷಾ, ಕಾರ್ತಿಕ್ ಸಿರಿಯನ್ನು ಸೇವ್ ಮಾಡಿದ್ದು, ಇದೇ ವಿಚಾರಕ್ಕೆ ಮೂವರ ನಡುವೆ ಮನಸ್ತಾಪವಾಗಿದೆ. 

ಕಳೆದ ವಾರ ಬಿಗ್‌ಬಾಸ್ ಮನೆಯಿಂದ ಯಾರು ಎಲಿಮಿನೇಟ್ ಆಗಿರಲಿಲ್ಲ. ಈ ವಾರ ಒಬ್ಬರು ದೊಡ್ಮನೆಯಿಂದ ಹೊರಹೋಗೋದು ಪಕ್ಕಾ ಆಗಿದ್ದು, ನಾಮಿನೇಟ್ ಆಗಿರುವ ವಿನಯ್ ಗೌಡ, ನಮ್ರತಾ, ತನಿಷಾ ಕುಪ್ಪಂಡ, ತುಕಾಲಿ ಸಂತು, ಕಾರ್ತಿಕ್ ಮಹೇಶ್, ನೀತು ಹಾಗೂ ಭಾಗ್ಯಶ್ರೀ ಪೈಕಿ ಯಾರು ಎಲಿಮಿನೇಟ್ ಆಗಲಿದ್ದಾರೆ ಎಂಬುದನ್ನು ಕಾಮೆಂಟ್ ಮೂಲಕ ತಿಳಿಸಿ.