ದೊಡ್ಮನೆಯಲ್ಲಿ ಹೆಚ್ಚಾದ ತನಿಷಾ-ಸಂಗೀತಾ ಕಿತ್ತಾಟ: ಈ ವಾರ ಮನೆಯಿಂದ ಹೊರಹೋಗಲು ನಾಮಿನೇಟ್ ಆದವರು ಇವರೇ!

ಬಿಗ್‌ಬಾಸ್ ಮನೆಯ ಓಪನ್ ಏರಿಯಾದಲ್ಲಿ ಬಾಗಿಲ್ಲೊಂದನ್ನು ನಿರ್ಮಿಸಲಾಗಿತ್ತು. ಆ ಬಾಗಿಲಿಗೆ ಬೀಗ ಹಾಕಲಾಗಿತ್ತು. ನಂತರ ಮಹಿಳಾ ಹಾಗೂ ಪುರುಷ ಸ್ಪರ್ಧಿಗಳು ಪತ್ಯೇಕ ಗುಂಪುಗಳನ್ನಾಗಿ ಮಾಡಿಕೊಂಡು ಪ್ರತಿ ಬಾರಿ ಓಡಿ ಹೋಗಿ ಬೀಗದ ಕೀಲಿಕೈ ತೆಗೆದುಕೊಳ್ಳಬೇಕಿತ್ತು. ಯಾರು ಕೀಲಿಕೈ ಎತ್ತಿಕೊಳ್ಳುತ್ತಾರೆಯೋ ಅವರು ಬಾಗಿಲ ಹೊರಗೆ ನಿಂತಿರುವ ಇನ್ನೊಂದು ತಂಡದ ಒಬ್ಬರಿಗೆ ಯಾರನ್ನಾದರೂ ಇಬ್ಬರನ್ನು ನಾಮಿನೇಟ್ ಮಾಡುವ ಅಧಿಕಾರ ನೀಡಬೇಕಿತ್ತು. ಟಾಸ್ಕ್ ಪ್ರಕಾರ, ಮಹಿಳಾ ಟೀಂನ ಸಂಗೀತಾ, ನಮ್ರತಾ, ತನಿಷಾ ಹೆಚ್ಚು ಬಾರಿ ಗೆದ್ದು ಕಾರ್ತಿಕ್‌, ವಿನಯ್, ವರ್ತೂರು ಸಂತೋಷ್ ಹಾಗೂ ಡ್ರೋನ್ ಪ್ರತಾಪ್ ಸೇರಿದಂತೆ ಇನ್ನಿತರರಿಗೆ ನಾಮಿನೇಟ್ ಮಾಡುವ ಅವಕಾಶ ನೀಡಿದರು. ಪುರುಷರ ಟೀಂನಿಂದ ತುಕಾಲಿ ಸಂತು, ಕಾರ್ತಿಕ್ ಗೆದ್ದು ತನಿಷಾ, ನಮ್ರತಾ ಹಾಗೂ ಸಂಗೀತ ಸೇರಿದಂತೆ ಇರ ಸ್ಪರ್ಧಿಗಳಿಗೆ ನಾಮಿನೇಟ್ ಮಾಡುವ ಅವಕಾಶ ನೀಡಿದರು.

ಅಂತಿಮವಾಗಿ ಏಳನೇ ವಾರ ಬಿಗ್‌ಬಾಸ್ ಮನೆಯಿಂದ ಹೊರಹೋಗಲು ತುಕಾಲಿ ಸಂತು, ವಿನಯ್ ಗೌಡ, ನೀತು, ತನಿಷಾ, ಡ್ರೋನ್ ಪ್ರತಾಪ್, ಸಂಗೀತಾ, ಸ್ನೇಹಿತ್, ನಮ್ರತಾ ಗೌಡ ಹಾಗೂ ಸಿರಿ ನಾಮಿನೇಟ್ ಆಗಿದ್ದಾರೆ. ನೀತು ಅವರನ್ನು ಕಾರ್ತಿಕ್ ನೇರವಾಗಿ ನಾಮಿನೇಟ್ ಮಾಡಿದ್ದಾರೆ. ಕಳೆದವಾರ ಭಾಗ್ಯಶ್ರೀ ಹಾಗೂ ಇಶಾನಿ ಮನೆಯಿಂದ ಹೊರಹೋಗಿದ್ದು, ಈ ಬಾರಿ ನೀತು ಅವರೇ ಹೊರಹೋಗುವ ಸಾಧ್ಯತೆಯಿದೆ. 

ಬಿಗ್‌ಬಾಸ್ ಮನೆಯಲ್ಲಿ ಸಂಗೀತಾ ಹಾಗೂ ತನಿಷಾ ಜಗಳ ತಾರಕಕ್ಕೇರಿದೆ. ಮೊದಲು ಸ್ನೇಹಿತರಾಗಿದದ ಇವರಿಬ್ಬರು ಸದ್ಯ ಹಾವು-ಮುಂಗುಸಿಯಂತೆ ಕಿತ್ತಾಡುತ್ತಿದ್ದಾರೆ. ಟಾಸ್ಕ್‌ನಲ್ಲೂ ಪರಸ್ಪರ ಕಿತ್ತಾಡಿಕೊಂಡಿರುವ ಅವರು, ನಾಮಿನೇಷನ್ ಪ್ರಕ್ರಿಯೆಯಲ್ಲೂ ಪರಸ್ಪರ ನಾಮಿನೇಟ್ ಮಾಡಿದ್ದಾರೆ. 

ಸಂಗೀತಾ ನಾಮಿನೇಷನ್ ಮಾಡುವಾಗ, ತನಿಷಾ ವೀಕೆಂಡ್‌ನಲ್ಲಿ ಹಾಗೂ ವೀಕ್ ಡೇಸ್‌ಗಳಲ್ಲಿ ಮಾತಾಡುವ ರೀತಿ ಬದಲಾಗಿದೆ. ನಾನು ಹೇಳೋದನ್ನು ಅರ್ಥ ಮಾಡಿಕೊಳ್ಳದೇ ಅವರ ನಿರ್ಧಾರ ತೆಗೆದುಕೊಳ್ತಾರೆ. ತುಂಬಾ ಕೂಗಾಡುತ್ತಾರೆ. ಅದಕ್ಕೆ ಅವರನ್ನು ನಾಮಿನೇಟ್ ಮಾಡುವುದಾಗಿ ಹೇಳಿದ್ದಾರೆ. ತನಿಷಾ, ಇಷ್ಟುದಿನ ನಾನು ಏನು ಮಾತನಾಡಿರೋದು ಫೇಕ್, ಪ್ಲಿಪ್ ಅಂತ ಹೇಳಿದ್ರು. ಮೊದಲು ಯಾರನ್ನ ಬೈಕೊಂಡಿದ್ರೋ ಈಗ ಅವರ ಜೊತೆಯೇ ಓಡಾಡುತ್ತಾ ಗಾಸಿಪ್ ಮಾಡುತ್ತಿದ್ದಾರೆ. ಇದು ಅವರ ಎರಡು ಮುಖ ಅಂತ ಕಾರಣ ನೀಡಿ ನಾಮಿನೇಟ್ ಮಾಡಿದರು.

ಬಜರ್ ಆಗುತ್ತಿದ್ದಂತೆ ಓಡುವಾಗ ತನಿಷಾ ಅವರಿಂದ ಸಂಗೀತಾ ಕೈ ಬೆರಳಿಗೆ ಗಾಯವಾಗಿದೆ. ಹೀಗಾಗಿ ಅವರಿಬ್ಬರು ಮತ್ತೊಂದಷ್ಟು ಜಗಳವಾಡಿಕೊಂಡಿದ್ದಾರೆ. ನೀವು ಉಗುರು ಹಾಕಿ ನನಗೆ ಗಾಯ ಮಾಡಿದ್ರಿ ಅಂತ ಸಂಗೀತಾ ಕೂಗಾಡಿದ್ರೆ, ಕೀಯನ್ನು ನಾನು ಕಿತ್ಕೋಬಹುದು ಅಂತ ತನಿಷಾ ಜಗಳವಾಡಿದ್ದಾರೆ. ಅದಕ್ಕೆ ಸಂಗೀತಾ ರಕ್ತ ಬರಿಸಿ ಆಟ ಆಡೋದಲ್ಲ ಅಂದಿದ್ದಾರೆ.