ಬೇರೆಯವರಿಗೆ ಒಳ್ಳೊಳ್ಳೆ ಫ್ರೆಂಡ್ಸ್ ಕಳಿಸಿದ್ದೀರಾ, ನಂಗೆ ಮಾತ್ರ ಈ ಹಾಳ್‌ಬಿದ್ದವನ್ನ ಕಳಸಿದ್ದೀರಲ್ಲ: ವಿನಯ್ ಅಸಮಾಧಾನ

ಕಳೆದ ವಾರ ಬಿಗ್‌ಬಾಸ್‌ ಮನೆಯಿಂದ ನೀತು ವನಜಾಕ್ಷಿ ಎಲಿಮಿನೇಟ್ ಆಗಿದ್ದಾರೆ. ನೀತು ಹೊರಗೆ ಬಂದ ಮೇಲೆ ' ನೀತು ನಾನು ೬ ವರ್ಷಗಳಿಂದ ಸ್ನೇಹಿತರು ಎಂದು ಮೈಕಲ್ ಹೇಳಿದ್ದಾರೆ. ಇದನ್ನು ಕೇಳಿಸಿಕೊಂಡ ಸಿರಿ ಆಶ್ಚರ್ಯಚಕಿತರಾದರು. ಆಗ ಮೈಕಲ್, ನೀತುನೆ ನನಗೆ ಕೈಮೇಲೆ ಟ್ಯಾಟೂ ಹಾಕಿರೋದು. ಗೊತ್ತಿಲ್ವಾ ನಿಮಗೆ? ಅವರ ಟ್ಯಾಟೂ ಸ್ಟುಡಿಯೋ ನಮ್ಮನೇ ಹತ್ತಿರವೇ ಇರೋದು. ನೀತು ಟ್ರಾನ್ಸಫಾರ್ಮ್ ಆಗೋಕು ಮುಂಚಿನಿಂದಲೇ ಗೊತ್ತು. ಮಂಜುನಾಥ್ ಆಗಿದ್ದ ಕಾಲದಿಂದಲೂ ಗೊತ್ತು ಎಂದರು. 

ಮೈಕಲ್ ಮಾತು ಕೇಳಿಸಿಕೊಂಡ ವಿನಯ್, ಏನ್‌ ಬಿಗ್‌ಬಾಸ್‌. ಎಲ್ಲರಿಗೂ ಒಳ್ಳೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದೀರಾ. ನನಗೆ ಮಾತ್ರ ಈ ಹಾಳ್‌ಬಿದ್ದವನ್ನ ಕಳಿಸಿದ್ದೀರಲ್ಲ. ನನಗೂ ಒಂದೊಳ್ಳೆ ಫ್ರೆಂಡ್ಸ್ ಕಳುಹಿಸಿದ್ದರೆ ಏನಾಗುತ್ತಿತ್ತು? ನನಗೆ ಪರಿಚಯ ಇರೋರೆಲ್ಲಾ ಇಂತಹ ಬೆನ್ನಿಗೆ ಚೂರಿ ಹಾಕುವವರೇ ಸಿಕ್ಕಿದ್ದಾರೆ. ಇಲ್ಲಿ ಬಂದು ಸ್ನೇಹಿತರಾಗಿರೋರೆ ಥಿಕ್ ಫ್ರೆಂಡ್ಸ್ ಆಗಿದ್ದಾರೆ. ಗೊತ್ತಿಲ್ಲದಿರುವ ದುಶ್ಮನ್‌ಗಿಂತ ಗೊತ್ತಿರೋ ಫ್ರೆಂಡ್ ತುಂಬಾ ಡೇಂಜರಸ್ ಅಂತೆ ಅಂತ ಅಸಮಾಧಾನ ಹೊರಹಾಕಿದ್ದಾರೆ. 

ಕಾರ್ತಿಕ್ ಅವರು ತನಿಷಾರ ಪ್ರೋಟೋನ್‌ ಪೌಡರ್ ಎತ್ತಿಟ್ಟಿದ್ದರು. ಇದರಿಂದ ವಿನಯ್ ಗರಂ ಆಗಿದ್ದರು. ಎತ್ತಿಟ್ಟುಕೊಂಡು, ಬಚ್ಚಿಟ್ಟುಕೊಂಡು ಚಿಲ್ಲರೆ ತರಹ ಆಡೋದಿಲ್ಲ ಎಂದು ಕಾರ್ತಿಕ್ ಬಗ್ಗೆ ವಿನಯ್ ಹೇಳಿದರು. ಇದೇ ವಿಚಾರಕ್ಕೆ ಇಬ್ಬರ ನಡುವೆ ಕಿತ್ತಾಟ ನಡೆಯಿತು.  

ಈ ವಾರದ ಕ್ಯಾಪ್ಟನ್ಸಿ ಓಟದಿಂದ ಸಂಗೀತ ಅವರನ್ನು ಕಾಂಪಿಟೇಶನ್ ಕಾರಣವೊಡ್ಡಿ ವಿನಯ್ ಹೊರಗಿಟ್ಟರು. ಇದರಿಂದ ಕ್ಯಾಪ್ಟನ್ ಆಗುವುದು ಮಿಸ್ ಆಯಿತು ಎಂದು ಸಂಗೀತಾ ಬೇಸರಗೊಂಡು ಮಲಗಿದ್ದರು. ಈ ವೇಳೆ ಯಾಕೆ ಏನಾಯ್ತು? ಹುಷಾರಿಲ್ವಾ? ಅಂತ ಸಂಗೀತಾ ಬಗ್ಗೆ ಕಾರ್ತಿಕ್ ಬಳಿ ನಮ್ರತಾ ಪ್ರಶ್ನಿಸಿದ್ರು. ಆಗ ಕಾರ್ತಿಕ್, ಗೊತ್ತಿಲ್ಲ. ನನಗೂ ಈಗ ನೆನಪಾಯ್ತು ಹುಷಾರಿಲ್ಲ ಅಂತ. ಹೋಗಿ ಕೇಳಿಕೊಂಡು ಬರ್ತೀನಿ ಎಂದಿ ಹೋದರು. ಆಗ ನಮ್ರತಾ ಮತ್ತು ಸ್ನೇಹಿತ್ ಕಿತ್ತೋದ್ ಲವ್ ಸ್ಟೋರಿ ಇವರಿಬ್ಬರದ್ದು ಅಂತ  ಆಡಿಕೊಂಡು ನಕ್ಕಿದ್ದಾರೆ.

ಏಂಟನೇ ವಾರ ಬಿಗ್‌ಬಾಸ್ ಮನೆಯಿಂದ ಹೊರಹೋಗಲು ವಿನಯ್ ಗೌಡ, ಸಂಗೀತಾ ಶೃಂಗೇರಿ, ಸ್ನೇಹಿತ್ ಗೌಡ, ನಮ್ರತಾ, ತನಿಷಾ, ಡ್ರೋನ್ ಪ್ರತಾಪ್, ವರ್ತೂರು ಸಂತೋಷ್ ಹಾಗೂ ಮೈಕಲ್ ನಾಮಿನೇಟ್ ಆಗಿದ್ದಾರೆ. ಈ ವಾರಾಂತ್ಯದಲ್ಲಿ ಎಂಟು ಜನರ ಪೈಕಿ ಯಾರು ಹೊರಹೋಗಲಿದ್ದಾರೆ ಎಂಬುದನ್ನು ಕಾದು ನೋಡ್ಬೇಕು.