ನಿಮ್ಮ ಹಾಗೆ ನಾಮಿನೇಟ್ ಆಗ್ಬಿಟ್ಟೆ ಅಂತ ಸಾಯೋನಲ್ಲ: ಹೇಡಿ ಎಂದ ಧನರಾಜ್‌ಗೆ ಧರ್ಮ ತಿರುಗೇಟು

ಕಳೆದ ಸಂಚಿಕೆಯಲ್ಲಿ ಬಿಗ್‌ಬಾಸ್ ಟಾಸ್ಕ್‌ವೊಂದನ್ನು ನೀಡಿದ್ದರು. ಎರಡು ಪಕ್ಷಗಳ ಚರ್ಚಾಕೂಡ ನಡೆಸಲು 'ಮುಖಾಮುಖಿ' ಎಂಬ ವಿಶೇಷ ಚಟುವಟಿಕೆಯನ್ನು ನೀಡಿದ್ದರು. ಇದರ ಅನುಸಾರ ಬಿಗ್‌ಬಾಸ್ ನೀಡುವ ವಿಷಯದ ಮೇಲೆ ಎದುರಾಳಿ ಪಕ್ಷದ ಮೇಲೆ ಆರೋಪ ಮತ್ತು ತಮ್ಮ ಪಕ್ಷದ ಸಮರ್ಥನೆ ಮಾಡಿಕೊಳ್ಳಬೇಕಿತ್ತು. ವಾದ ಆಲಿಸಿ ನ್ಯೂಸ್ ಆಂಕರ್ ರಾಧಾ ಹಿರೇಗೌಡ ಅವರು ಗೆದ್ದ ಪಕ್ಷ ಯಾವುದೆಂದು ನಿರ್ಧರಿಸಬೇಕಿತ್ತು. 

ಬಿಗ್‌ಬಾಸ್ ನೀಡಿದ ಎರಡನೇ ವಿಷಯ ಈ ಮನೆಯ ಹೇಡಿ ಯಾರು? ಎಂಬುದಾಗಿತ್ತು. ಆಗ ಧನರಾಜ್ ಅವರು 'ಈ ಮನೆಯ ಹೇಡಿ ಧರ್ಮ'. ಯಾಕಂದ್ರೆ ಇಲ್ಲಿವರೆಗೂ ಯಾವುದೇ ವಿಷಯಕ್ಕೆ ಅವರು ಧ್ವನಿ ಎತ್ತಿಲ್ಲ. ನಾಮಿನೇಷನ್ ಬಂದಾಗ ಆ ಪಾಯಿಂಟ್‌ನ ಒಪ್ತಾರೆ. ಶಿಶಿರ್ ಮುಂದೆ ವಾದ ಮಾಡದೇ, ನನ್ನ ಮುಂದೆ ಹೇಳ್ತಾರೆ. ಪ್ರಶ್ನೆ ಮಾಡಿ ಅಂತ ನಾನು ಹೇಳಿದೆ. ಈಸಿ ಟಾರ್ಗೆಟ್ ಆಗ್ತಿದ್ದೀನಿ ಅಂತ ಅವರೇ ಹೇಳ್ತಿದ್ದಾರೆ ಅಂದರು. ಆಗ ರಾಧಾ ಅವರು ' ಅಂದ್ರೆ ತಮ್ಮ ಪರವಾಗಿ ತಾವೇ ಧ್ವನಿ ಎತ್ತದೆ ಅತ್ಯಂತ ದಯನೀಯ ಸ್ಥಿತಿಯಲ್ಲಿದ್ದಾರಾ ಧರ್ಮ ಅವರು? ಅಂತ ಪ್ರಶ್ನಿಸಿದರು. ಆಗ ಧನರಾಜ್, ಶಿಶಿರ್ ಬಳಿ ಹೇಳದೇ ನನ್ನ ಬಳಿ ಹೇಳಿದ್ದಾರೆ ಅಂದರು. ಆಗ ರಾಧಾ ಹಿರೇಗೌಡ, ಶಿಶಿರ್ ಬಳಿ ಹೇಳೋಕೆ ಧೈರ್ಯವಿಲ್ಲದೇ ನಿಮ್ಮ ಬಳಿ ಹೇಳಿದ್ದಾರಾ? ಎಂದಾಗ, ಹೌದು ಎಂದರು. 

ಇದರಿಂದ ಸಿಡಿದೆದ್ದ ಧರ್ಮ, ನಾನು ನಾಮಿನೇಷನ್ ಟಾಪಿಕ್‌ನ ಶಿಶಿರ್ ಮುಂದೆಯೇ ಮಾತನಾಡಿದ್ದೆ. ಯಾಕ್ಹೀಗೆ ಮಾಡಿದ್ರಿ ಅಂತ ನಾನು ಕೇಳಿ ಕ್ಲಾರಿಫಿಕೇಷನ್ ತೆಗೆದುಕೊಂಡಿದ್ದೇನೆ ಅಂತ ಹೇಳಿದರು. ಅದಕ್ಕೆ ಶಿಶಿರ್ ಕೂಡ ಹೌದು ಎಂದರು. ನಾನು ಇವರ ಥರ ನಾಮಿನೇಟ್ ಆದಾಕ್ಷಣ ಹೆದರಿಕೊಂಡು...ಅಯ್ಯೋ..ನಾಮಿನೇಟ್ ಆಗ್ಬಿಟ್ಟೆ ಅಂತ ಸಾಯೋನಲ್ಲ. ನಾಮಿನೇಟ್ ಆದಾಕ್ಷಣ ಇವರಿಗೆ ಭಯ ಆಗಿಬಿಡುತ್ತೆ ಅಂತ ತಿರುಗೇಟು ಕೊಟ್ಟರು. ಆತ ಧನರಾಜ್, ಭಯಪಟ್ಟು ಸಾಯೋದಾಗಿದ್ದರೆ ಇಲ್ಲಿ ಬರುತ್ತಿರಲಿಲ್ಲ. ಇದೆನಾ ಆತ್ಮಾನಾ? ಅಂತ ಪ್ರಶ್ನಿಸಿದರು.  ಆಗ ರಾಧಾ ಅವರು 'ನೀವು ಒಂಥರಾ ಮಲಗಿರುವ ಸಿಂಹವನ್ನು ಕರಳಿಸಿದ್ದೀರಿ. ಇವತ್ತು ಧರ್ಮ ಅವರು ಕಂಪರ್ಟ್ ಝೋನ್ ಬಿಟ್ಟು ಹೊರಗೆ ಬಂದಿದ್ದಾರೆ. ಧರ್ಮ ಈ ತರಹ ಮಾತಾಡಿರೋದನ್ನು ನಾನು ನೋಡಿಲ್ಲ ಅಂದರು. ಆಗ ಶಿಶಿರ್ 'ಆಟಕ್ಕೆ ಅಂತ ಬಂದಾಗ...ಆಟ ಆಡದೇ ಹಿಂದೆ ಹೋಗುವ ವ್ಯಕ್ತಿ 'ಹೇಡಿ'. ಅದು ಧನರಾಜ್. ಟಾಸ್ಕ್ ಆಡೋಕೆ ಧನರಾಜ್ ಮುಂದೆ ಬರಲ್ಲ ಅಂದರು. 

ಮೋಕ್ಷಿತಾ ಅವರು 'ಚೈತ್ರಾ ಕುಂದಾಪುರ ಅವರು ಬಿಗ್‌ಬಾಸ್ ಮನೆಯ ನಯವಂಚಕಿ' ಎಂದಿದ್ದಾರೆ. ಕಳೆದವಾರ ಅಪ್ರಾಮಾಣಿಕ, ಕುತಂತ್ರಿ ಚಟುವಟಿಕೆ ನೀಡಲಾಗಿತ್ತು. ಅದರಲ್ಲಿ ಅತೀಹೆಚ್ಚು ವೋಟ್ ಬಂದಿದ್ದು ಚೈತ್ರಾ ಅವರಿಗೆ. ತ್ರಿವಿಕ್ರಮ್ ಜೊತೆಗೆ ಚೆನ್ನಾಗಿದ್ದರೆ, ಈ ಮನೆಯಲ್ಲಿ ಜಾಸ್ತಿ ಕಾಲ ಉಳಿಯಬಹುದು. ತರಹದ ಪ್ಲ್ಯಾನ್ ಮಾಡುತ್ತಿದ್ದಾರೆ' ಅಂತ ಐಶ್ವರ್ಯಾ ಬಳಿ ಚೈತ್ರಾ ಹೇಳಿದ್ದಾರೆ. ಯಾರು ಅಂತ ಕೇಳಿದಾಗ 'ಭವ್ಯಾ ಅವರನ್ನು ಚೈತ್ರಾ ತೋರಿಸಿದ್ದಾರೆ' ಎಂದಿದ್ದಾರೆ.